දැවැන්ත විදුලි කප්පාදුවක් සමග දීර්ඝ ඉන්ධන පෝලිම්..

January 26, 2022 at 10:00 am | lanka C news
දැවැන්ත විදුලි කප්පාදුවක් සමග දීර්ඝ ඉන්ධන පෝලිම්..

නුදුරේදීම දැවැන්ත විදුලි කප්පාදුවක් සහ දීර්ඝ ඉන්ධන පෝලිම් ඇතිවීමේ ඉහළ අවදානමක් ඇති බව ලංකා විදුලිබල මණ්ඩලයේ හිටපු සභාපති අනුර විජේපාල මහතා සඳහන් කළේය.

කොළඹ පැවති මාධ්‍ය හමුවක් අමතමින් ඒ මහතා මෙම අදහස් පල කරන ලදී.

මේ අදූරදර්ශී තීරණ නිසා අපි අද 30% ක විතර ප්‍රමාණයක් ඉතා අධික මිලට තෙල් භාවිතයෙන් විදුලිය නිෂ්පාදනය කරන රටක් බවට පත්වෙලා තියෙනවා. ඒක ඉතාම වැරදි තීරණයක්. ඒ වගේම අපි නොයෙක් අවස්ථාවල ක්‍රියාත්මක කරගෙන ආපු විදුලි බලාගාර අතරමගදී  එක පෑන් පාරකින් නවත්තලා දැම්මා. ඉතින් අද අපි මේ ගෙවන මේ මිල, විදුලිය කැපීම, මේ සියල්ලටම මුල තමයි මේ අදූරදර්ශී තීරණ. දැන් අපිට පේනවා තවත් අදූරදර්ශී තීරණ මේ රජයනුත් ගනිමින් ඉන්නවා. දැන් උදාහරණයක් විදිහට, අපි තීරණය කරලා තියෙනවා, 70%-80% ක් පුනර්ජනනීය විදුලි බලාගාර විදුලිය වෙත යන්න 2030 වෙනකොට. ඒකේ වරදක් නැහැ.

ඒ ගාන අපිට සරිලන ගණන නම් අපේ ආර්ථිකයට ඔරොත්තු දෙන ගානක් නම්. ඒක නිසා මම අහන්න කැමතියි රජයෙන් සහ අනෙකුත් නිලධාරීන්ගෙන් මේ ගණන අපි තීරණය කළේ මොන පදනමෙන්ද? විද්වත් කතිකාවකින්ද? එහෙම නැත්නම් සුදුසු අධ්‍යයනයකින්ද? එහෙම නැත්නම් ව්‍යාපාර කටයුතු කරන අයගේ වුවමනාවන් සඳහාද? ඉතින් මේක තමයි තියෙන ප්‍රශ්නෙ.

තව අවුරුදු දහයකින් වෙනකොට අපිට හිතාගන්න බැරි විදිහට මේ ක්ෂේත්‍ර අවුලෙන් අවුලට යන්න පුළුවන්. දැන් මේ තියෙන කෙටි කාලීන ප්‍රශ්න, විදුලිය කැපීම සහ තෙල් ලබාගැනීමට තියෙන අසීරුතාවය. සමහර පුද්ගලයන් මොන ක්‍රමයෙන් හෝ විදුලිය ලබාදීමක් ගැන කතා කරයි. මොන ක්‍රමයෙන් හෝ විදුලිය ලබා දීමේ වියදම දරන්නේ කවුද යන්න මහාචාර්‍යවරයා විසින් ප්‍රශ්න කළේය.

විදුලිබල මණ්ඩලය පෙට්‍රෝලියම් කෝපරේෂන් එකට ණය තියෙන්නේ බිලියන 93 ක් ණය මුදල  අපේ සමස්ත විදුලිය පාරිභෝගිකයන් සංඛ්‍යාව වන මිලියන හතෙන් බෙදුවාම එක පාරිභෝගිකයෙකුට වැටෙනවා රු. 13,000 ක්. ඒ කියන්නේ අපි වෙනුවෙන් රජය රුපියල් 13,000 ගානේ දැන් ගෙවනවා. අපි ගෙවන විදුලි බිලට අමතරව අපෙන්ම අයකරන වලින් අපි වෙන ක්‍රම වලින් ගෙවන වලින් රුපියල් දහතුන්දාහ ගානේ ආයි විදුලිබල මණ්ඩලයට ගෙවනවා.”

66,449 views

10 Comments to “දැවැන්ත විදුලි කප්පාදුවක් සමග දීර්ඝ ඉන්ධන පෝලිම්..”

  1. චන්ද දායක says:

    ගෝනි බිල්ලා කතා වගේ බය කරනවා. ඉවරයක් නැහැ . කවුරු ඇත්ත කියනවද කියලා දෙයියො තමයි දන්නෙ .

  2. හාවා says:

    මේ වගේ කුප්ප සමාජ මාධ්‍ය උත්සාහ කරන්නේ නැති ප්‍රශ්න ඇති කරන්න යි.

    • කැපුවත් පොහොට්ටුවට says:

      ඔය කාටවත් අපේ ආන්ඩුවෙ ගමන අඩාල කරන්න බෑ. ඉදිරිය සුබයි

      • Jagath says:

        චන්දයක් තියලා බලපන්කො සුභ වෙන හැටි.

        • සනත් ඉතාලිය says:

          වෙලාවට චන්දෙ තියනව.එදාට බොලාට රෙද්දෙ රෙවෙනව. ඒකනිසා ඒ වෙනකල් සිගිති ආතල් එකක් ගන්න

  3. Sri Lankan says:

    The reality is either we increase production or control demand. Right now nobody is focusing on both. We are just fire fighting in front of the Camera.

  4. පොරමෝලා says:

    මේවා සෙට් වෙලා කරන්නෙ රාජ්‍ය ආයතන එපා කරවල පෞද්ගලිකකරණය කරන්න කියල මහ ජනතාව ලවාම කියවගන්න.

    ඊලඟට IMF එකෙන් නය ගන්නකොට සියලුම ජාතික සම්පත් රට කොම්පැණි වලට දීල දාන්න යන්නේ

  5. සියේට තුනේ හැටනව ලස්සේ says:

    විජේපාල උඹ හෙළුවෙන් බං. ඉක්මනට රෙද්දක් ඇඳ ගනිං.
    යකෝ උඹ විදුලිබලේ සබාපතිවෙලා ඉඳල පොල් ගෑවද?

  6. Sola says:

    හුඟක් ප්‍රොජෙක්ට් වලට මන්ඩ්ලේ උන් අවසර නොදෙන්නෙ කොමිස් ප්‍රශ්න නිසා, ඇමතිලාට වඩා කාලකන්නි රජයේ සේවකයෝ ,

  7. Kumdhar says:

    හිටපු සභාපති එළියට ඇවිත් ඔහොම කතා කියනවා.
    ඇයි එයා සභාපති ලෙස ඉන්න කාලයේ ඔය කියන දේවල් වලට විසඳුම් සෙව්වෙ නැතතෙ, විසඳුම් දුන්නෙ නැත්තේ???

Main News