දිවි පිදු 60,000කට ජවිපෙ පස්ස හරවයි.. රට ෆෙඩරල් කිරීමේ යෝජනාවට ජවිපෙ අත්සන් තබයි..
November 21, 2016 at 10:00 am | lanka C news
නව ආණ්ඩු ක‍්‍රම ව්‍යවස්ථාවක් සැකසීම සදහා වූ මධ්‍ය පරිදියේ කමිටු වාර්තාවෙන් ශ‍්‍රී ලංකාව තුල බලය බෙදා හැරීමට යෝජනා කර තිබියදී ජනතා විමුක්ති පෙරමුණ නියෝජනය කරමින් පාර්ලිමේන්තු මන්ත්රී බිමල් රත්නායක ඊට අත්සන් තබා ඇතැයි දේශහිතෛෂී ජාතික ව්‍යාපාරයේ මහ ලේකම් වසන්ත බණ්ඩාර මහතා පවසයි.
88-89 කාලයේදී සාමාජිකයන් 60000ක් දිවි පුදා මෙම බෙදුම්වාදී ව්‍යාපාරයට විරුද්ද වූ දේශපාලන ව්‍යාපාරය ඇදවැටී ඇත්ත තත්වය ගැන ඉතා කණගාටු වන බවද කොළඹදී පැවති සම්මන්ත‍්‍රණයක් අමතමින් ඔහු කියා සිටියේය.
අද පොලිස් මුල්‍ය අපරාධ කොට්ඨාශයේ ප‍්‍රධානියා වී සිටින්නේ ජවිපෙ නායක අනුර දිසානායකගේ පුද්ගලික ලේකම්වරයා බවත් ඔහු එහිදී පැවසීය.
වෛද්‍ය වසන්ත බණ්ඩාර මහතා ජවිපෙ නිර්මාතෘ රෝහණ විජේවීරයන් සමීපව ඇසුර කල පුද්ගලයෙක් මෙන්ම ඔහු සමග ජවිපෙ දීර්ඝ කාලීන දේශපාලනයේද නිරත විය.
418 views
