දුම්වැටි සහ මත්ද්‍රව්‍යය අලෙවි නොකරන්නැයි පාසල් සිසුන් වෙලදසැල් හිමියන්ගෙන් බුලත් දී වැද ඉල්ලයි..

June 5, 2019 at 8:02 am | lanka C news
දුම්වැටි සහ මත්ද්‍රව්‍යය අලෙවි නොකරන්නැයි පාසල් සිසුන් වෙලදසැල් හිමියන්ගෙන් බුලත් දී වැද ඉල්ලයි..

දුම්වැටි සහ මත්ද්‍රව්‍යය අලෙවි නොකරන ලෙස වෙළදසැල් හිමියන් දැනුවත් කිරිමේ වැටසටහන් (04) පාසල් සිසුන්ගේ ප්‍රධානත්වයෙන් පල්ලෙගම ග්‍රාමසේවා වසමේ සිදු කලහ.

ඉකුත් 31 වෙනි දිනට යෙදුණු  ලෝක දුම්වැටි විරොධි දිනයට සමගාමිව නාවලපිටිය පත්තුනුපිටිය මහ විද්‍යාලයේ සිසුන් පිරිසක් නාවලපිටිය සෞඛ්‍ය වෛද්‍යය අධිකාරි කාර්යයාලයේ  මහජන සෞඛ්‍යය පරික්ෂකවරුන්, නාවලපිටිය ප්‍රාදේශිය ලේකම් කාර්යයාලයේ නිලධාරින් , නාවලපිටිය පොලිසියේ නිලධාරින් සහ ප්‍රදේශයේ ග්‍රාමසේවා නිලධාරින් සමග එක් ව සැම වෙළදසැලකටම ගොස්  පාසල් සිසුන් විසින්වෙළදසැල් හිමියන්ට බුලත් හුරුල්ලක් දි වෙළදසැලේ දුම්වැටි සහ මත්ද්‍රව්‍යය අලෙවි නොකරන ලෙසට ආයාචනයක් සිදු කලහ.

පාසල් සිසුන්ගේ ආයාචයට සවන් දුන් ඇතැම් වෙළදසැල් හිමියන් ඉදිරියේදි වෙළදසැලේ දුම්වැටි අලෙවි නොකරන බවට පොරොන්දු විය.

මෙම වැඩසටහන නාවලපිටිය පොලිස් බල ප්‍රදේශය පුරා ක්‍රියාත්මක කිරිමට නාවලපිටිය සෞඛ්‍යය වෛද්‍යය අධිකාරි කාර්යයාලයේ මහජන සෞඛ්‍යය පරික්ෂකවරුන්  සැලසුම් කර ඇත.

මෙම වැඩසටහන සහභාගි වු මහජන සෞඛ්‍යය පරික්ෂකවරුන් කියා සිටියේ නාවලපිටිය පොලිස් බල ප්‍රදේශය පුරා පිහිටි වෙළදසැල් දුම්වැටි අලෙවි කිරිම සම්බන්ධයෙන් මාසපතා අධික්ෂනයක් සිදු කරන බවයි.

– හැටන් රංජිත් රාජපක්ෂ

286 views
Main News