දෙපිටකාට්ටු වෙල්ගම පල.. චන්ද‍්‍රිකා කැදවූ හමුවේදී වෙල්ගමට කුණු බැණුම්..

October 31, 2019 at 10:12 pm | lanka C news
දෙපිටකාට්ටු වෙල්ගම පල.. චන්ද‍්‍රිකා කැදවූ හමුවේදී වෙල්ගමට කුණු බැණුම්..

එක්සත් ජාතික පක්ෂයේ ජනාධිපති අපේක්ෂක සජිත් ප්‍රේමදාස මහතාට සහයෝගය පළ කිරීම සම්බන්ධයෙන් සාකච්ඡා කිරීම සඳහා විශේෂ හමුවක් හිටපු ජනාධිපතිනී චන්ද්‍රිකා කුමාරතුංග මහත්මිය විසින් අද දිනයේ කැඳවා තිබුණි.

එම හමුව සදහා ශ්‍රී ලංකා නිදහස් පක්ෂ ආසන සංවිධායක තිහකට ආසන්න පිරිසක් සම්බන්ධ වී සිටියහ.

ඉන් අති බහුතරයක් සඳහන් කර ඇත්තේ පාර්ලිමේන්තු මන්ත‍්‍රී කුමාර වෙල්ගම මහතා දෙපිටකාට්ටුවෙකු බවත් ඔහුට අවශ්‍ය නායකයා වීමට පමණක් බවත්ය.

වෙල්ගම මහතා විශ්වාස කර කිසිදු කටයුත්තකට ඔහු සම්බන්ධ කර ගත යුතු නැති බවද එම සංවිධායකවරුන් සදහන් කර ඇති අතර කළුතර දිස්ත‍්‍රික්කයේ සංවිධායකවරියක් වෙල්ගම මහතාට දැඩි විරෝධයක් පල කිරීමද විශේෂය.

මෙම අදහස ගැන හිටපු ජනාධිපතිනිය කිසිදු මතයක් පළකර නැති අතර කුමාර වෙල්ගම මහතා ද අදාළ හමුව සඳහා සහභාගි කර ගෙන නොතිබිණි.

මෙම හමුවට සහභාගී වුන කිසිවකුටත් ජංගම දුරකථන රැගෙන පැමිණීම තහනම් කිරීමටද සංවිධායකවරුන් කටයුතු කර තිබුණි.

148 views
Main News