වයඹට ඇදිරි නීතිය දේවස්ථාන, වෙළෙඳසල් හා නිවාසවලට පහරදීමේ සැලසුමක් නිසා..- Divaina

May 14, 2019 at 9:20 am | lanka C news
වයඹට ඇදිරි නීතිය දේවස්ථාන, වෙළෙඳසල් හා නිවාසවලට පහරදීමේ සැලසුමක් නිසා..- Divaina

– Divaina

ඇති වී තිබෙන නොසන්සුන්කාරී තත්ත්වය පාලනය කිරීම සඳහා වයඹ පළාතටම බලපැවැත්වෙන පරිදි නැවත දැනුම් දෙනතුරු පොලිස් ඇඳිරි නීතිය පැනවීමට කටයුතු කරන බව පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර මහතා ඊයේ (13 වැනිදා) පැවති මාධ්‍ය හමුවකදී ප‍්‍රකාශ කළේය.

සංවිධානාත්මක කණ්ඩායම් විසින් කුලියාපිටිය පොලිස් කොට්ඨාසයේ ප‍්‍රදේශ කීපයකම කොබෙයිගනේ සහ රස්නායකපුර ප‍්‍රදේශවල දේවස්ථාන වෙළෙඳසල් නිවාස ඉලක්ක කර ප‍්‍රහාර එල්ල කිරීමට උත්සාහ කිරීම නිසා එම ප‍්‍රදේශවලට දැඩි ආරක්‍ෂාවක් ලබා දීමට පොලිසිය කටයුතු කර ඇත.

සංවිධානාත්මක කණ්ඩායම් විසින් කුලියාපිටිය, හෙට්ටිපොල, දුම්මලසූරිය, බිංගිරිය ප‍්‍රදේශවල දේවස්ථාන, මුස්ලිම් ජාතිකයන්ට අයත් වෙළෙඳසල් නිවාසවලට ප‍්‍රහාර එල්ල කිරීමට සැලසුම් කර ගෙන සිටින බවට තොරතුරු පොලිසිය වෙත ලැබී තිබිණි.

සංවිධානාත්මක කණ්ඩායම් විසින් දේවස්ථාන වෙළෙඳසල් සහ නිවාස කීපයකට ප‍්‍රහාර එල්ල කර තිබූ බවද පොලිස් ආරංචි මාර්ග පැවසීය.

හේමන්ත රන්දුණු
– Divaina

305 views
Main News