දේශපාලන ප‍්‍රබලයාගේ බිරිද අති දැවැන්ත අරක්කු ගබඩාවක් හදයි..

September 15, 2017 at 10:00 am | lanka C news
දේශපාලන ප‍්‍රබලයාගේ බිරිද අති දැවැන්ත අරක්කු ගබඩාවක් හදයි..

ගාල්ල දිස්ත‍්‍රික් එක්සත් ජාතික පක්‍ෂ මන්ත‍්‍රීවරයෙකුගේ බිරිදක් විසින් මහියංගනය රිදී මලියද්ද ප‍්‍රදේශයේ දැවැන්ත ප‍්‍රමාණයේ අරක්කු ගබඩාවක් ඉදි කිරීමට ආරම්භ කර ඇති බව ප‍්‍රදේශවාසීහු පවසති.

මෙම ඉදිකිරීමට විරෝධය පල කරමින් එම ප‍්‍රදේශය ජනතාව දහසකට ආසන්න පිරිසක් විරෝධතා පා ගමනින් පැමිණ රිදීමාලියද්ද ප‍්‍රාදේශීය සභාවට ගොස් එහි ලේකම්වරියට සංදේශයක්ද බාර දී ඇත.

ගාල්ල දිස්ත‍්‍රික්කයේ එජාප මන්ත‍්‍රිවරයෙකුගේ බිරිදක් වන නිරෝෂා ප‍්‍රියංගනී නමින් මෙම අරක්කු ගබඩාව ඉදිකරන බව එහිදී හෙලි විය.

70 views

9 Comments to “දේශපාලන ප‍්‍රබලයාගේ බිරිද අති දැවැන්ත අරක්කු ගබඩාවක් හදයි..”

  1. kolitha says:

    කොකේන් re export කරලා, ඇපල් පෙති බෙදල , හෙරොයීන් වපුරලා , අරක්කු කසිප්පු මහා පරිමාණයෙන් දේශීය නිෂ්පාදනයක් කරලා , ගන්ජ වවලා විකුණලා …සරල මිනිසා සමග නපුන්සකයෝ මේ රට ගෙනියන්නේ කොහාටද ?

  2. බන්ඩා says:

    වොක්ස්වැගන්, ටයර් ෆැක්ටරි ගැන නම් දැන් කතා නැහැ. ඒ වෙනුවට ඔය තියෙන්නෙ අගමැටි කියපු රක්‍ෂා ලක්‍ෂ හතර දෙන්න හදන ෆැක්ටරි වලින් එකක් පමනය්. බැඳුන්කර බෑනත් ඔය වගේ තව එකක් නැගෙනහිර හදනවලු. ලඟදිම ගමේ උන් කොටෙජ් ඉන්ඩස්ට්‍රි කියල කසිප්පු ෆැක්ටරි හදන්න පටන් ගත්තොත් පුදුම වෙන්න එපා

  3. love nature says:

    පන්සිල්හි පස්වන ශික්‍ෂාපදය වන්නේ සුරාවෙන් වලකිමි යන්නයි. සුරාව යන්නෙන් අදහස් වන්නේ මත්වීමයි. සුරාවට මත්පැන් මෙන්ම හෙරොයින්, කොකේන්, ගංජා (කැනාබිස් සැටයිවා) නොහොත් කංසා වැනි ද්‍රව්‍ය පානය කිරීම ද අයත්වෙනු ඇත. මක් නිසාද යත් හෙරොයින්, කොකේන්, ගංජා වැන්නෙන් සිදුවන්නේද මත්පැන් පානය කිරීමෙන් සිදුවන බලපෑමමය. සුරාව කටේවත් තැබිය යුතු නැත. එය පන්සිල් පද කඩ කිරීමකි.

  4. Saradiel says:

    ස්ත්‍රී දූෂණ, මිනීමැරුම් පවා බොහෝ විට සිදුවන්නේ මත්පැන් පානය කිරීමෙන් අනතුරුව ය. මේ නිසා පැහැදිලිව බුදු දහමේ අරමුණ වන දුක නැති කිරීමේ, චතුරාර්ය සත්‍ය ගවේෂණය කිරීමට ප්‍රධාන බාධාවක් වන්නේ මත්පැන් පානය කිරීමයි. නිර්වාන මාර්ගයට බාධාවක් වන්නේ පංච නීවරණ යි. මත්පැන් පානය කිරීම නිසා මේ සියල්ලම සිදුවේ. මත්පැන් පානයෙන් කාමයන්හි ඇලීම වැඩිවේ (කාමච්ඡන්ද), මත්පැන් නිසා ශරීරයට ඇතිවන බලපෑම හේතුවෙන් අලස බව වැඩී වීර්ය බිඳ වැටේ (ථිනමිද්ධ), සිතේසැකය සහ කැලඹිලි ගතියක් ඇතිවේ. (උද්ධච්ච කුක්කුච්ච) බීමත් අයට තරහ යාම වැඩි බව අප දන්නා කරුණකි. ව්‍යාපාද, මත්පැන් පානය කිරීම නිසා සිත ව්‍යාකූල වීමෙන් බෞද්ධ දර්ශනය පිළිබඳ සැක මතුවේ (විචිකිච්චා) මේ අනුව නිර්වානයට වන බාධා සියල්ල මත්පැන් පානය කිරීම නිසා සිදුවන බව පැහැදිලි ය.

  5. love nature says:

    අද මේ සමාජයේ මිනිස්‌සු සතුටටත් හිතේ අමාරුවටත් මත්පැන් බොනවා. මේ ගැන ටිකක්‌ විග්‍රහ කර බලමුකෝ. හොඳයි කෙනෙකුට දුකක්‌, හිතේ ලොකු අමාරුවක්‌ ඇතිවි මත්පැන් බීවා කියමුකෝ. එවිට ඔහු මත්වීම නිසා සිහිවිකල් වීම නිසා තාවකාලිකව ඔහුගේ ප්‍රශ්නය යටවෙන්න පුළුවන්. නමුත් බීමත්ව සිහිවිකල්වූ පුද්ගලයා පියවි සිහියට පැමිනි පසු ඔහු යළිත් වැටෙන්නේ අර ප්‍රශ්න ගොඩටමයි. එම දුකටමයි. එනිසා මනසින් උසස්‌ වූ පුද්ගලයා තමන් මුහුණ පෑ ගැටලුවට භේතුව සොයාගෙන ඊට අපි පිළියම් යෙදිය යුතුයි. එසේ නොමැතිව මත්පැන් බීමෙන් ප්‍රශ්නවලට උත්තර හොයන්න බැහැ.

    දැන් සමහරු කියනවනේ බොන්නේ සතුටට කියලා. එහෙම වෙනවද? මෙය තේරුම් ගැනීමට අප දන්න සත්‍ය කතාවක්‌ මීට හොඳම නිදසුනක්‌ ලෙස පෙන්වා දෙන්න පුළුවන්. මත්පැන් බීම සතුටක්‌ බවට සමහරු ප්‍රකාශ කරනවා. එය අමූලික බොරුවක්‌ බව අප දන්න කියන සත්‍ය කතාවක්‌ ඇසුරින් පෙන්වාදීමට පුළුවන්.

    එක්‌තරා ප්‍රදේශයක පියෙක්‌ තමාගේ පුතාගේ උපන් දිනයේ සතුට විඳගන්න සාදයක්‌ සංවිධානය කළා. ඔහු දන්න කියන මිතුරන් කීපදෙනකුටත් ඊට ආරාධනා කළා. සතුටු වීම සඳහා මත්පැනුත් එම සාදයට ගෙනැවිත් තිබෙනවා. ටික වේලාවක්‌ යද්දී මෙම පියා ඇතුළු මිතුරන් මත්පැන් බී සිංදු කියමින් විනෝද වුණා. ඔය අතරේ මෙම නිවසේ උපන් දිනය සමරන පුතා හුරතලයට ඇති කළ පූස්‌පැටියා ඇවිත් මෙම පියාගේ හොඳම මිතුරාගේ කකුළේ දැවටුණා. එවිට ඔහු එම පූස්‌ පැටවා එහාට තල්ලු කළා. පූස්‌ පැටවා දෙවැනි වතාවටත් ආවා. එම සැරෙත් එහාට තල්ලු කළා. නමුත් දිගින් දිගටම මෙම පූස්‌ පැටවා එම යාළුවාගේම කකුලේ වෙලෙන්න පටන් ගත්තා. අන්තිමට මෙම යාළුවා පූස්‌ පැටවාව වේගයෙන් වීසි කළා. බිත්තියක හැපුණු පූසා බිම වැටී වේදනාවෙන් කෑගසන්න පටන් ගත්තා. උපන් දිනය දවසේ සුරතලාට උණ විපත්තිය දැකලා පුතා අඬන්න පටන් ගත්තා. එම පුතාව නළවන්න ඔහුගේ අම්මා උත්සාහ කළා. පළක්‌ වුණේ නැහැ. පියාත් නළවන්න උත්සාහ කළා. පළක්‌ වුණේ නැහැ. දැන් මෙම පියාට මිත්‍රයා කෙරේ තිබෙන්නේ දැඩි කේන්තියක්‌.

    දැන් මෙම පියා තම යහළුවා සමඟ සණ්‌ඩුසරුවල් කරනවා. අන්තිමේදී ගැටුම දුරදිග ගියා. අන්තිමේදී මෙම පියා යහළුවාට පිහියකින් අනිනවා. පිහිඇනුම් කෑ යහළුවා රෝහල්ගත වී දින කීපයකින් මියගියා. තම පුතාගේ උපන් දින සාදය ඉහළින් සමරන්න ගිය මෙම පියාට අන්තිමේදී සිරබත් කන්න සිදු වුණා. මේවා ආදීනවනේ. මේවා පව්. මෙම මත්පැන් බීම විශාල පාපකර්මයක්‌ කිරීමට හේතු වුණානේ. කෝ දැන් අර පියා ඇතුළු යහළුවන් මත්පැන් බීලා සෙවූ සතුට. එතැන සතුටක්‌ නැහැ. තියෙන්නේ දුකක්‌. එනිසයි බුදුරජාණන් වහන්සේ මත්පැන් බීමෙන් වළකින්න කියලා දේශනා කළේ.

  6. love nature says:

    සුරාව කියන්නේ කොයි අතින් බැලුවත් හොඳ නැති දෙයක්‌. සමහරු කියන්නේ ඉඳහිට බොනව කියලා. එහෙම ටික දිනක්‌ බොනකොට එය පුරුද්දකට යනවා. ඒ නිසා සුරාධූර්ථ නොවී ඉන් වැළකී සිටීමයි වඩා යහපත්ම දේ.

    සමහරවිට පුරුද්දක්‌ වශයෙන් මත්පැන් නොබොන කෙනෙක්‌ වුවත් සමාජයේ පිරිසක්‌ සමග එක්‌වූ විට මත්පැන් බොන තත්ත්වයක්‌ තියෙනවා. සමහර විට ඔහු එම අවස්‌ථාවේදී මත්පැන් බොන්නේ තමන් ඔවුන් අතුරින් කොන්වේ යෑයි භියෙන්. මෙතැනදී තමයි කෙනකුගේ ආත්ම ශක්‌තිය වැදගත් වෙන්නේ. බුදුරජාණන් වහන්සේ දේශනා කළේ තමන්ගේ සෘජු ප්‍රතිපත්ති කවර සමාජයකදී වුවත් රැක ගැනීමට මිනිසාට ශක්‌තියක්‌ තිබිය යුතු බවයි. ප්‍රතිපත්තිගරුක මිනිසුන්ට බොන තැනක වුවත් නොබී ඉන්න පුළුවන්. නමුත් සමාජගත ජීවිතයේදී අපේ සමහරු මිනිසුන් සෘජු ප්‍රතිපත්තියක්‌ ඇති මිනිසුන්ට එම තත්ත්වයේ ඉන්න නොදෙන තත්ත්වයක්‌ තියෙනවා. මත්පැන් නොබොන කෙනාට “නුඹ මහා නෝන්ජල් මිනිහෙක්‌” කියා වචනවලින් ගසා මානසිකව ඒ පුද්ගලයා වට්‌ටවා ඔහුව නරකට පොළඹවන්න උත්සාහ කරනවා. එතැනදී අපි ප්‍රවේසම් විය යුතුයි. එවැනි වචනයත් දමා ගසන්නන් වැටෙන්නේ අපාය සහය මිත්‍රයන්ගේ ගණයට.

  7. LION says:

    2015 වසරේ නොවැම්බර් 1 දා වන විට පමණක් එනම් මාස 10 ක් තුළදී සිරි ලංකාවේ නීත්‍යානුකූල මත්පැන් අලෙවිය ලීටර් කෝටි 18 ක් ( මිලියන 183) බී ඇති බව මුදල් අමාත්‍යවරයා ඊයේ(දෙසැ. 16) පාර්ලිමේන්තුවේ දී පවසා ඇත. මත්පැන් නිසා රජය ලබා ඇති ආදායම රුපියල් කෝටි 8410 ( බිලියන 84.1 ) කි. මෙය එතුමාට නම් මහත් ආඩම්බර පාරම් බෑමකි. එහෙත් බුදුන් වහන්සේ තෙවරක් වැඩම කළ , බුදුදහම ප්‍රධාන දහම වූ රටෙක, උදේ හවා සියළු මාධ්‍ය තරගෙට බණ-පිරිත් කියන රටක, දොහොත් මුදුන් තබා බුදුන් වදින ජනපතිවරයෙකු පාලනය කරන රටක අපට නම් මෙය අගය කළ යුතු හෝ පාරම් බෑ යුතු පුවතක් නොවේ.

  8. Saradiel says:

    වැටත් නියරත් ගොයම් කා නම්.. කාට පවසමි ඒ අමාරුව..“

Main News