දේශපාලන සිරකරුවන් හා ඉඩම් නිදහස් කරන්නැයි ඉල්ලා කිලිනොච්චියේ උද්ඝෝෂණ..

August 9, 2017 at 2:20 am | lanka C news
දේශපාලන සිරකරුවන් හා ඉඩම් නිදහස් කරන්නැයි ඉල්ලා කිලිනොච්චියේ උද්ඝෝෂණ..

දේශපාලන සිරකරුවන් නිදහස් කරන ලෙසත් ආරක්ෂක අංශ භාරයේ ඇති ඉඩම් නිදහස් කරන ලෙස හා අතුරුදහන් වූවන් සොයාදෙන ලෙස ඉල්ලා 08 සවස කිලිනොච්චියේදී උද්ඝෝෂණයක් සංවිධානය කොට තිබුණි.

දේශපාලන සිරකරුවන් නිදහස් කරගැනීමේ ජාතික ව්‍යාපාරය විසින් සංවිධානය කරන ලද මෙම උද්ඝෝෂණය කිලිනොච්චිය කන්දසාමි කෝවිල ඉදිරිපිටදී පැවති අතර එම අවස්ථාවට කිලිනොච්චියේ දේශපාලන සිරකරුවන්ගේ ඥාතීන් ඉඩම් අහිමි වූවන් හා අතුරුදහන් වූවන්ගේ ඥාතීන් මෙන්ම සිවිල් සංවිධාන කිහිපයක්ද සංවිධානය කොට තිබුණි.

මෙහිදී උද්ඝෝෂණයේ යෙදී සිටි පිරිස් කියා සිටියේ දේශපාලන සිරකරුවන් නිදහස් කරගැනීමේ සටනේ යෙදී සිටි නිමලරූබන් හා දිල්රුක්ෂණ් දෙදෙනා වව්නියාව බන්ධනාගාරයේදී 2012 වසරේ ජුලි මස 04 වනදා මිය ගිය බවටත් එම දෙදෙනාගේ 05 වන සංවත්සරය සමරන අතරම ඔවුන් විසින් දේශපාලන සිරරුවන් නිදහස් කරගැනීමට සිදු කළ උත්සහය දිගින් දිගටම සිදු කරන අතරම ඊට අමතරව උතුරේ ආරක්ෂඛ අංශ භාරයේ ඇති සාමාන්‍ය ජනතාවගේ ඉඩම් වහාම නිදහස් කළ යුතු බවටත් අතුරුදහන් වූවන් සොයා දෙන ලෙසටත් ඉල්ලා දිගින් දිගටම රජයට බල කර සිටින බවටද උද්ඝෝෂකයින් වැඩි දුරටත් කියා සිටියහ.

– වන්නි රොමේෂ් මධුෂංඛ

39 views