නඩුව පරදින බව දන්නවා.. පරදින නඩු අපි නොදැම්මේ ඒකයි..- පුතානෝගේ කැපෑසිටිය රනිල් පෙන්වයි..

June 3, 2020 at 4:40 pm | lanka C news
නඩුව පරදින බව දන්නවා.. පරදින නඩු අපි නොදැම්මේ ඒකයි..- පුතානෝගේ කැපෑසිටිය රනිල් පෙන්වයි..

ජුනි 20 වැනිදා මහ මැතිවරණය පැවැත්වීම සඳහා ජනාධිපතිවරයා විසින් පාර්ලිමේන්තුව විසුරුවා හරිමින් නිකුත් කළ ගැසට් නිවේදනය බලරහිත කරන්නැයි ඉල්ලමින් මූලික අයිතිවාසිකම් පෙත්සම් ගොනු කිරීමට එක්සත් ජාතික පක්ෂය ක්‍රියා නොකළේ තම පක්ෂය එම කරුණ සම්බන්ධයෙන් වෙනත් මතයක සිටි නිසා බව එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා පැවසීය.

එක්සත් ජාතික පක්ෂයට අමතරව ජනතා විමුක්ති පෙරමුණ සහ ද්‍රවිඩ ජාතික සන්ධානය ද එම කරුණ සම්බන්ධයෙන් මූලික අයිතිවාසිකම් පෙත්සම් ගොනු කිරීමට ක්‍රියා නොකළ බව ද රනිල් වික්‍රමසිංහ මහතා සඳහන් කළේය.

එක්සත් ජාතික පක්ෂ නායක රනිල් වික්‍රමසිංහ මහතා මේ කරුණු පෙන්වා දුන්නේ කොල්ලුපිටියේ සිය පෞද්ගලික නිවසට අද (03) පෙරවරුවේ පැමිණ සිටි හිටපු මැති ඇමතිවරුන් අමතමිනි.

ජනාධිපතිවරයා විසින් නිකුත් කළ අදාළ ගැසට් නිවේදනය බලරහිත කරන ලෙස ඉල්ලමින් ගොනු කළ මූලික අයිතිවාසිකම් පෙත්සම විභාගයට නොගෙනම ප්‍රතික්ෂේප කිරීමට ශ්‍රේෂ්ඨාධිකරණ පංච පුද්ගල විනිසුරු මඩුල්ල තීරණය කිරීම සම්බන්ධයෙන් අදහස් දක්වමින් වික්‍රමසිංහ මහතා මේ බව සඳහන් කළේය.

ශ්‍රේෂ්ඨාධිකරණයේ පංච පුද්ගල විනිසුරු මඩුල්ලේ ඒකමතික තීන්දුව අනුව එක්සත් ජාතික පක්ෂය ද මේ සම්බන්ධයෙන් දැරූ මතය සනාථ වූ බව ද වික්‍රමසිංහ මහතා ප්‍රකාශ කළේය.

ඉහත කරුණ සම්බන්ධයෙන් මූලික අයිතිවාසිකම් පෙත්සම් ගොනු කිරීමට යන අවස්ථාවේ දී තමා එහි නීතිමය පසුබිම ද අධ්‍යයනය කිරීමෙන් පසු අදාළ පියවර ට නොඑළැඹීමට තීරණය කළ බවද වික්‍රමසිංහ මහතා වැඩිදුරටත් කියා සිටියේය

– ada

265 views

30 Comments to “නඩුව පරදින බව දන්නවා.. පරදින නඩු අපි නොදැම්මේ ඒකයි..- පුතානෝගේ කැපෑසිටිය රනිල් පෙන්වයි..”

  1. සරා says:

    ඇත්තටම සජිත් කියන්නේ හීනමානය කරපින්නාගත් අනුන්ගේ මෝඩ උපදෙස්වලට චුන් වෙන මෝඩයෙක්.මම හිතනවා මේ මිනිහා සමහර විට දුක දරා ගන්න බැරුව සියදිවි හානි කර ගනීවි කියලා.පවු.

  2. සදුව says:

    රනිලට බනිද්දි බයියො අඩන්නෙ ඇයි බං……..😂😂😂😂😂😂😂😂

Main News