නව කොරෝනා තත්වය මැද ශ‍්‍රී පාද වන්දනාව රාජ්‍ය අනුග‍්‍රහයෙන් ඇරඹෙයි..

December 9, 2020 at 4:40 pm | lanka C news
නව කොරෝනා තත්වය මැද ශ‍්‍රී පාද වන්දනාව රාජ්‍ය අනුග‍්‍රහයෙන් ඇරඹෙයි..

එළඹෙන උදුවප් පුන් පෝද දිනෙන් ආරම්භ වීමට නියමිත ශ්‍රී පාද වන්දනා වාරය සම්බන්ධයෙන් වන විශේෂ සාකච්ඡාවක් ගෞතම ශ්‍රී පාදස්ථානාධිපති බෙංගමුවේ ධම්මදින්න නායක ස්වාමින්වහන්සේගේ අනුශාසකත්වයෙන් මධ්‍යම පළාත් ආණ්ඩුකාර ලලිත් යූ.ගමගේ මහතාගේ සහ සබරගමු පළාත් ආණ්ඩුකාර ටිකිරි කොබ්බෑකඩුව මහතාගේ ප්‍රධානත්වයෙන් සබරගමුව පළාත් ආණ්ඩුකාර කාර්යාලයේදී (8 ) පැවැත්විය.

මෙවර සිරිපා වන්දනා වාරය රාජ්‍ය අනුග්‍රහයෙන් පැවැත්වීම සදහා කටයුතු සූදානම් කර ඇති අතර, පවතින වසංගත තත්වය හමුවේ සෞඛ්‍ය අංශ හා ආරක්ෂක අංශ විසින් ලබාදී ඇති උපදෙස් වලට අනුව මෙවර සිරිපා වන්දනාව සදහා සීමිත බැතිමතුන් පිරිසක් සදහා අවස්ථාව සළසා දී ඇත.

දෙසැම්බර් 27 සවස යෙදෙන විශේෂ නැකතකට අනුව ශ්‍රී පාද රජමහා විහාරයේ විශේෂ කුටියක තැන්පත් කර තිබෙන සාධාතුක කරඩුව සහ සමන් දේව ප්‍රතිමාව 28 දා උදෑසන ශ්‍රී පාද රජමහා විහාරස්ථානයේ සිට ශ්‍රී පාදස්ථානය දක්වා මාර්ග 04ක් ඔස්සේ වැඩමවීමට නියමිතය.

ඒ අනුව ශ්‍රී පලාබද්දල මාර්ගය, බලංගොඩ මාර්ගය, කුරුවිට මාර්ගය සහ හැටන් නල්ලතන්නි මාර්ගය යන මාර්ග 04න් ගමන් ගන්නා මෙම පෙරහැර විශේෂයෙන් සෞඛ්‍ය රීතින්ට අනුව මග නොනත්වා ගමන් කිරීම සිදු කරනු ලබයි.

ඒ අනුව ‍සිරිපා වන්දනා වාරය සම්බන්ධයෙන් පැවති මෙම විශේෂ සාකච්ඡාවේදී උදුවප් පුන්පොහෝ දිනෙන් ආරම්භ වන ශ්‍රි පාද වාරයේ පළමු දින උඩමළුවේ උපරිම පිරිස 200 කට සීමා කිරීම.( එක් මාර්ගයකින් පිරිස 50 බැගින්) , ශ්‍රි පාදය වන්දනා කිරීමට අදහස් කරන බැතිමතුන් තමන්ට අයත් ප්‍රාදේශීය ලේකම් කාර්යාලයේ ලියාපදිංචි වී ලියාපදිංචි සහතිකයක් ලබා ගැනීම අනිවාර්ය කිරීම, මාර්ග 04න් ගමන් ගන්නා ශ්‍රී පාද පෙරහැර කිසිදු ස්ථානයක නොනවත්වන අතර අතරමග පඩුරු දැමීම, පුද පුජා පැවැත්වීම හා භාර ගැනීම සිදු නොකිරීම, පෙරහැරට වාහන කිහිපයක් පමණක් සහභාගි කරවීම, සියලුම ආහාර පාන දන්සල් තහනම් කර ඇති අතර ඒ වෙනුවට කැමති දානපතීන්ට මුව ආවරණ සහ අත් සේදුම් ද්‍රව්‍ය බැතිමතුන්ට බෙදා දීමට අවසර ලබා දීම, ශ්‍රී පාදස්ථානයේ අවසර දී ඇති කඩ සදහා දැඩි සෞඛ්‍ය නීති ක්‍රියාත්මක කිරීමටත් ඒවායේ සේවකයන් සදහා පී.සී.ආර් පරීක්ෂණ නිතර සිදු කිරීම, දේශීය සහ බටහිර වෛද්‍ය කණ්ඩායම් කිහිපයක් ද මහජන සෞඛ්‍ය පරීක්ෂකවරුන් ද විෂබීජහරණ කණ්ඩායම් ද මාර්ග 04ම සදහාම යෙදවීමට නියමකර ගැනීම යන තීරණ වලට එළඹි ඇත,

මෙම අවස්ථාව සදහා රත්නපුර දිස්ත්‍රික් ලේකම් මාලනී ලොකුපෝතාගම, නුවර එළිය දිස්ත්‍රික් ලේකම් බී.ආර්.පුෂ්පකුමාර, මධ්‍යම පළාත් ආණ්ඩුකාර ලේකම් ජී.ඒ.තිලකරත්න, ආණ්ඩුකාර සම්බන්ධීකරණ ලේකම් උපුල් මහින්දරත්න , මධ්‍යම පළාත් සෞඛ්‍ය සේවා අධ්‍යක්ෂ නිහාල් වීරසුරිය, රත්නපුර දිස්ත්‍රික් සෞඛ්‍ය සේවා අධ්‍යක්ෂ එච්.එස්.පණ්ඩිතරත්න යන මහත්ම මහත්මීන් ද, සෞඛ්‍ය අංශ නිලධාරීන් හා ආරක්ෂක අංශ නිලධාරීන් ඇතුළු පිරිසක් සහභාගී විය

– රුක්මාල් දුෂාන්ත

14,937 views

4 Comments to “නව කොරෝනා තත්වය මැද ශ‍්‍රී පාද වන්දනාව රාජ්‍ය අනුග‍්‍රහයෙන් ඇරඹෙයි..”

  1. Sanka says:

    හොඳට තද බල වෙලා, හිර වෙලා යන්ඩ දෙන්න ඕනෑ….

  2. Hi says:

    බයවෙන්න එපා. පැණිය තියෙනවා.

  3. අජානීය ඉස්කූටර් says:

    මගේ දෙවෙනි උපාධියේ නිබන්ධනය වෙනුවෙන් මාස අටක් එකදිගට ඔය මහා මූකලානේ අට කොණේම ලැගපු එකෙක් විධිහට මම මේ කියන්නේ. “හාමුදුරුවනේ …”ඔබ වහන්සේලා හරිම ෆේල්… දන්න කතන්දර ලිව්වොත් මේ කමෙන්ටු පබ්ලිෂ් වෙන්නෙ නෑ..

  4. Rev Buddhi V says:

    මේව හරියට නොකෙරුනොත්. ලංකාවටම වසංගතේ බෙදන තෝතැන්නක් වෙයි. සැලසුම්.. ක්‍රියාත්මක කිරීමේ අධිකාරී බලය ඇත්තේ කාටද..
    මීටර 50න් 50 පොලීසිය දැම්මොත් නම් පාලනයක් කල හැක..
    ප්‍රවාහන සේවා වගේ අන්තිමේදි. මාස්ක් විතරක් ඉතුරු වේවි.

Main News