නව ව්‍යවස්තා සම්පාදක කමිටු කාර්යාලය වහලා.. ‘දිවිත්ව පුරවැසි අහෝසිය’ යෝජනාව අරගෙන විමල්ගේ පක්‍ෂය හැරී යයි..

November 29, 2020 at 6:28 am | lanka C news
නව ව්‍යවස්තා සම්පාදක කමිටු කාර්යාලය වහලා.. ‘දිවිත්ව පුරවැසි අහෝසිය’ යෝජනාව අරගෙන විමල්ගේ පක්‍ෂය හැරී යයි..

නව ආණ්ඩුක‍්‍රම ව්‍යවස්ථාවක් සම්පාදනය පිණිස ජනාධිපති ගෝඨාභය රාජපක්‍ෂ මැතිතුමා විසින් පිහිටුවන ලද ව්‍යවස්ථා සම්පාදක කමිටුව වෙත යෝජනා 23කින් යුත් සංකල්පීය යෝජනා මාලාවක් භාර දීමට පැමිණියත් අදාළ කාර්යාලය වසා ඇති බැවින් එම යෝජනාවලිය ජනතා අවධානය පිණිස ජනමාධ්‍ය වෙත මුදා හරින බව ජානිපෙ ජාතික සංවිධායක රාජ්‍ය අමාත්‍ය ජයන්ත සමරවීර මහතා (26) පැවසීය.

ඒ මහතා මෙසේ පැවසුවේ එම යෝජනාවලිය බාරදීම පිණිස ඉහත ව්‍යවස්ථා සම්පාදක කමිටු කාර්යාලය පිහිටා ඇති කොළඹ 07, බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේ කමිටු කාමර අංක 2ජී – 32 හා 33 ඉදිරිපිට දීය.

එහිදී වැඩිදුරටත් අදහස් දැක්වූ ජයන්ත සමරවීර මහතා මෙසේද සඳහන් කළේය.

‘ජනාධිපති ගෝඨාභය රාජපක්ෂ මැතිතුමන් විසින් නව ව්‍යවස්ථාවක් සම්පාදනය පිණිස කොළඹ 07, බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවෙහි ස්ථාපිත කොට ඇති ව්‍යවස්ථා සම්පාදක කමිටුව වෙත යෝජනා 23කින් යුත් ජාතික නිදහස් පෙරමුණේ සංකල්පීය යෝජනා මාලාව භාර දීමටයි අප එම ස්ථානයට අද පැමිණියේ.

එම යෝජනා මාලාව තුළ කුමන හේතුවක් නිසා හෝ නව ව්‍යවස්ථාවට ඇතුළු නොකළ යුතු දේ, පවතින ව්‍යවස්ථාවෙන් ගත යුතු දේ මෙන්ම නිවැරදි විය යුතු දේ, විධායක ජනාධිපති ක‍්‍රමය සහ ඡුන්ද ක‍්‍රමය පිළිබඳ මතය හා ඓතිහාසික වැරදි නිවැරදි කිරීම යන ප‍්‍රධාන ශීර්ෂ 05 යටතේ කරුණු දක්වා තිබෙනවා.

ජනාධිපති ගෝඨාභය රාජපක්ෂ මැතිතුමන්ට 69 ලක්‍ෂයක ජනවරමක් ලැබුණේ, එම ජනවරම තවදුරටත් ශක්තිමත් කරමින් අපේ දේශපාලන කඳවුරට 2/3ක පාර්ලිමේන්තු බලයක් ලැබුණේ නව ආණ්ඩුක‍්‍රම ව්‍යවස්ථාවක් සම්පාදනය කිරීමටයි. එම නව ව්‍යවස්ථාව ශ‍්‍රී ලංකා රාජ්‍යයට ස්ථාවරභාවය ගෙන එන, ශ‍්‍රී ලංකාවේ දැනට ක‍්‍රියාත්මක බෙදුම්වාදී බලවේගවලට කිසිදු ඉඩක් නොතබා ඒකීයභාවය සුරකින, සම්බුද්ධ ශාසනයේ ඓතිහාසික පැවැත්ම සුරක්ෂිත කරන, මූලික මිනිස් අයිතිවාසිකම්, පරිසරය, පුරාවිද්‍යා උරුමයන් සුරකින, ජාතියේ ආහාර සුරක්ෂිතභාවය ඇති කරන, විදේශිය බලපෑම්වලින් අත් මිදුණු, ඉන්දියානු සාගරය සාම කලාපයක් බවට පත්කළ හැකි එකක් විය යුතු බව ඉහත ජනතා වරම මගින් කියැවී තිබුණා. එම ජනතා අපේක්ෂාවන් සාක්‍ෂාත් කර ගත හැකි සංකල්පීය ම`ග පෙන්වීමක් අප යෝජනාවලිය තුළ අඩංගු වෙනවා.

නමුත් අද මෙම කාර්යාලය විවෘතව පවතින්නේ නැහැ. ඒ නිසා අපි ජාතික නිදහස් පෙරමුණ විදියට ජනමාධ්‍ය වෙත එය නිකුත් කිරීමට කටයුතු කරනවා. එමගින් අපගේ යෝජනාවලිය පිළිබඳව රට තුළ බලවත් සංවාදයක් ඇති කර ගත හැකි වෙයි කියා අපි විශ්වාස කරනවා. ඒ වගේම නුදුරු දිනයකදී මෙම කාර්යාලය විවෘතව ඇති මොහොතක ඒ වෙත අපේ යෝජනාවලිය ලබාදීමට අපි බලාපොරොත්තු වෙනවා.‘‘

මෙම යෝජනාවලිය භාර දීම පිණිස ජාතික නිදහස් පෙරමුණේ ප‍්‍රධාන ලේකම් එස්. විජේසිරි මහතා හා දේශපාලන මණ්ඩල සභික, නිමල් පියතිස්ස, උද්දික පේ‍්‍රමරතන යන පාර්ලිමේන්තු මන්ත‍්‍රීවරු ද ව්‍යවස්ථා සම්පාදක කමිටු කාර්යාලය වෙත පැමිණ සිටියහ.

අනුරුද්ධ බණ්ඩාර රණවාරණ,
මාධ්‍ය ලේකම්,
ජාතික නිදහස් පෙරමුණ

40,795 views

18 Comments to “නව ව්‍යවස්තා සම්පාදක කමිටු කාර්යාලය වහලා.. ‘දිවිත්ව පුරවැසි අහෝසිය’ යෝජනාව අරගෙන විමල්ගේ පක්‍ෂය හැරී යයි..”

  1. sunimal says:

    ජනතාවගේ කැමැත්තට රජය හිස නැමිය යුතුයි.

  2. අනුර says:

    හැමදාමත් මෙ කල්ලිය කලේ මේ වැඩේ තමයි
    පුදුම වෙන්න දෙයක් නැහැ , මේක පුරුද්දට කරන්නේ ආන්ඩු ගේනවා ටික කාලයක් යනකොට ලෙඩක් දාලා පරද්දනවා

    • JANATHAAWA says:

      The top priority and prime wish of the 6.9 million people who voted this government to power is to bring a new constitution with plurality voting system reinstated to safeguard the national interests of the motherland. Even some patriotic SJB MPs too would support it. If they would fail to accomplish that by giving lame excuses,the very people would teach them a good lesson at the future elections.

  3. John the baptice says:

    දිවිත්ව පුරවැසි බාවය කියන්නේ Duble Acting එකක් එය රටට බයානකයි. මෙය අහෝසි කල යුතුය.

  4. Dikman Aiyya says:

    …..they are behaving like JVP when they got big number of seats in the parliament,…next election all gone,…should not get swollen up too much

  5. Ekala police says:

    ඒකල කසිප්පු ජාවාරම් කාරයන්ගෙන් ඔත්තේ කැලේ රැක ගනිමු……ඒකල කසිප්පු ජාවාරම් කාරයන්ගෙන් ඔත්තේ කැලේ රැක ගනිමු…..ඒකල කසිප්පු ජාවාරම් කාරයන්ගෙන් ඔත්තේ කැලේ රැක ගනිමු