නව සන්ධානයකට ශ‍්‍රීලනිප-පොහොට්ටු තුන්වැනි සාකච්චා සාර්ථකයි.. අද ගත් තීන්දු මෙන්න..

April 10, 2019 at 1:20 pm | lanka C news
නව සන්ධානයකට ශ‍්‍රීලනිප-පොහොට්ටු තුන්වැනි සාකච්චා සාර්ථකයි.. අද ගත් තීන්දු මෙන්න..

ශ්‍රී ලංකා පොදුජන පෙරමුණ සහ ශ්‍රී ලංකා නිදහස් පක්ෂය අතර අද තුන්වෙනි වරටද සාකච්ඡා වටය පැවැත්විය.

එම සාකච්චා පැවැත්වුණේ කොළඹ විපක්ෂනායක කාර්යාලයේ දීය.

ශ‍්‍රී ලංකා නිදහස් පක්ෂ මහ ලේකම් දයාසිරි ජයසේකර මහතා සඳහන් කළේ සාකච්ඡාව 4 වැනි වටය පැවැත්වීම සඳහා මෙහිදී දින යොදා ගත් බවයි.

ඒ අනුව සිවුවැනි සාකච්ඡාවට මැයි මස 09 වැනිදා පැවැත්වීමට තීන්දු කළ බවද ඔහු කියා සිටියේය.

අද පැවති සාකච්ඡා සාර්ථක බවත් ඔහු තවදුරටත් පැවැසීය.

ගියවර පැවති සාකච්චාවේදී නව සන්ධානය සම්බන්ධයෙන් ප‍්‍රතිපත්ති 20ක් සදහා ඉදිරිපත් වුවද මෙවර එය 25 දක්වා ඉහල ගිය බවත් මහ ලේකම්වරයා කීය.

මෙම මූලික ප‍්‍රතිපත්ති පක්‍ෂ දෙකේම මධ්‍යම කාරක සභාවන්වලට ඉදිරිපත් කිරීමෙන් පසු අවසන් ප‍්‍රතිපත්ති මාලාව මාධ්‍ය වෙත නිකුත් කරන බවද ඔහු තව දුරටත් කියා සිටියේය.

37 views
Main News