නාමල්ගේ ප‍්‍රධානත්වයෙන් පුනර්ජී්වන ජනාධිපති කොමිසම අරලියගහ මැදුරේ රැස්වෙයි..

June 18, 2021 at 8:40 am | lanka C news
නාමල්ගේ ප‍්‍රධානත්වයෙන් පුනර්ජී්වන ජනාධිපති කොමිසම අරලියගහ මැදුරේ රැස්වෙයි..

ඇතැම් වෙළඳුන් හිතුමනාපයට එළවළු හා පළතුරු මිල ඉහළ දැමීම නිසා පාරිභෝගිකයන්ට සිදුවන අපහසුතා මගහැරිය යුතු බව අමාත්‍ය නාමල් රාජපක්ෂ මහතාගේ මුලසුනෙන් 17 දින පස්වරුවේ අරලියගහ මන්දිරයේ දී රැස්වූ ආර්ථික පුනර්ජීවනය හා දරිද්‍රතාවය තුරන් කිරීම සඳහා වන ජනාධිපති කාර්යසාධන බලකාය තීන්දු කර ඇත.

කොවිඩ් වසංගතය හමුවේ එළවළු හා පළතුරු මිල ගණන් ඉහළ යෑම සම්බන්ධයෙන් සාකච්ඡා කිරීම සඳහා ආර්ථික පුනර්ජීවනය හා දරිද්‍රතාවය තුරන් කිරීම සඳහා වන ජනාධිපති කාර්යසාධන බලකාය 17 දින රැස්විය.

ඒ අනුව මහජන අවධානය සෘජුව සන්නිවේදනය වන පරිදි ප්‍රධාන ප්‍රවෘත්ති විකාශනය අතරතුර ප්‍රධාන ආර්ථික මධ්‍යස්ථානවල හා පෑලියගොඩ මැනිං වෙළඳපොළේ තොග හා සිල්ලර මිල විකාශනයට පියවර ගැනීමට මෙහි දී යෝජනා විය.

ඊට අමතරව සියලුම ජංගම අලෙවි රථවල සහ ජංගම අලෙවිසැල්වල එළවළු හා පලතුරු වර්ගය හා මිල වෙන් වෙන්ව සඳහන් කර මිල ප්‍රදර්ශනය කිරීම සඳහා උපදෙස් දීමටත් සමූපකාර හා සතොස අලෙවිසැල් මඟින් පාරිභෝගිකයන්ගේ ආර්ථික මට්ටමට ගැළපෙන පරිදි එළවළු මලු සකස්කර බෙදා හැරීමටත් තීරණය විය.

පවතින කොරෝනා වසංගත තත්ත්වය හමුවේ එළවළු, පළතුරු සහ සහල් මිල ගණන් ඉහළ යාම පිළිබඳව හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ ආයතනයේ  ජ්‍යෙෂ්ඨ පර්යේෂණ නිලධාරි සහ වී  අලෙවි මණ්ඩලයේ උප සභාපති දුමින්ද ප්‍රියදර්ශන මහතා මෙම හමුවේ දී  පවතින වෙළඳපොළ තත්ත්වය පිළිබඳ විශ්ලේෂණාත්මකව කරුණු පැහැදිලි කළේය.

ඒ අනුව ඉල්ලුමට සරිලන සැපයුම මත මිල ගණන් තීරණය වන බවත් ඉදිරියේ දී දැනට පවතින මිල ගණන් පහළ බසිනු ඇතැයි අපේක්ෂා කර බවත් හෙතම පෙන්වා දුන්නේය.

අමාත්‍ය නාමල් රාජපක්ෂ මහතා එහි දී මෙසේ ද පැවසීය.

කොවිඩ් තත්ත්වය සමඟ මේ දිනවල එළවළු සහ පලතුරු අධික මිල ගණන් යටතේ අලෙවි වනවා. කිසිකෙනෙකු නියාමනය කරන්නේ නැහැ. අත්තනෝමතික ලෙස මිල ගණන් ඉහළ යනවා.

පාරිභෝගිකයා අතට පත්වන එළවළු සහ පලතුරුවල මිල අසාමාන්‍ය ලෙස වැඩිවී තිබෙනවා. ගොවියාට සහ පාරිභෝගිකයාට යන දෙපිරිසටම සහන සැලසෙන පරිදි මේවායේ මිල ගණන් ඉහළ යාම පාලනය කරගැනීමට විකල්ප සෙවිය යුතුයි.

සෑම වසරකම යම් කිසි කාල සීමාවක් තුළ එළවළු පලතුරු කිහිපයක මිල නොවෙනස්ව වැඩිවනවා නම් ඒ සඳහා ගතහැකි දිගුකාලීන පියවරක් ලෙස වෙළඳපොළ ඉලක්ක කර ඒ සඳහා විකල්ප නිෂ්පාදන සකස් කොට ඒවායේ මිල ගණන් අඩු කිරිමට ක්‍රමවේදයක් සකස් කිරීම අවශ්‍යයයි.

ඉදිරි සති දෙකක කාලසීමාව ඇතුළත අධික මිල ගණන් යටතේ අලෙවි වන එළවළු සහ පලතුරුවල මිල පාලනය සඳහා ක්‍රමවේදයක් සකස් කරන්න යැයි අමාත්‍යවරයා අදාළ අංශ වෙත උපදෙස් දෙමින් කියා සිටියේය.

එළවළු, පලතුරු සඳහා වෙළඳ පොළ ඉල්ලුමක් තිබෙන සෑම නගරයකම පාහේ ගොවියාට තම නිෂ්පාදන විකුණාගත හැකි වන පරිදි  කුඩා වෙළඳ මධ්‍යස්ථාන (outlet) ඇති කිරිමට ද මෙහි දී යෝජනා විය.

අතරමැදියන් නොමැතිව ගොවියාට තම නිෂ්පාදන එහි දී අලෙවිකරගත හැකි අතර පාරිභෝගිකයන්ට ද නැවුම් එළවළු පලතුරු ලබාගත හැකි බව අමාත්‍ය නාමල් රාජපක්ෂ මහතා පෙන්වා දුන්නේය.

මේ සඳහා ගත හැකි කෙටි කාලීන පියවරක් ලෙස මාධ්‍ය හරහා නිරන්තරයෙන් පවතින තොග මිල පිළිබඳ ජනතාව දැනුවත් කිරිමට යෝජනා විය.

මිල ගණන් සම්බන්ධයෙන් පැමිණිලි කිරිම සඳහා සමාජ මාධ්‍ය ජාලා තුළ අවස්ථාව ලබාදී දෛනිකව සඳහන් කරන මිල ගණන් ඉක්මවා අලෙවි කරන වෙළෙඳුන්ගේ බලපත්‍ර පිළිබඳව නිසි පියවර ගැනීම පාරිභෝගික අධිකාරියට පැවරීමට අමාත්‍යවරයා මෙහිදී උපදෙස් දුන්නේය.

වී මිලදී ගැනීමේ දී ලබාදෙන ප්ලෙජ් ලෝන් (Pledge Loan) එක මධ්‍යම ප්‍රමාණයේ වී මෝල් හිමියන්ට ලබාදීම සඳහා පියවර ගැනීම සහ බිත්තර හා කුකුළු මස් තොග වෙළඳසැල් ආර්ථික මධ්‍යස්ථාන විවෘත වන දිනවලදී විවෘතකර තැබීමට අවසර ලබාදීමට ද මෙහි දී එකඟතාවයකට පැමිණියේය.

මෙම අවස්ථාවට රාජ්‍ය අමාත්‍යවරුන් වන ශෙහාන් සේමසිංහ, ශෂින්ද්‍ර රාජපක්ෂ මහත්වරු සහ වෙළඳ, ආර්ථික පුනර්ජීවනය හා දරිද්‍රතාවය තුරන් කිරිම සඳහා වන ජනාධිපති කාර්යසාධන බලකාය සමග කටයුතු කරන අමාත්‍යංශවල ලේකම්වරු, නිලධාරි මහත්ම මහත්මීහු පිරිසක් සහභාගි වූහ.

මාධ්‍ය ඒකකය,
තරුණ හා ක්‍රීඩා අමාත්‍යංශය

20,752 views

12 Comments to “නාමල්ගේ ප‍්‍රධානත්වයෙන් පුනර්ජී්වන ජනාධිපති කොමිසම අරලියගහ මැදුරේ රැස්වෙයි..”

  1. අනිත්‍ය නිසා දුක says:

    මිනිස්සුන්ට දුක් නොදෙන එක ආණ්ඩුවක වගකීම. යමක් අනිත්‍ය වුනොත් දුක ඇති වෙනවා. ඒ නිසා මිල ගණන් අනිත්‍ය කරන්න හොද නෑ.

    අඩුවට තියෙන මිල වැඩි කලොත්, අනිත්‍ය වී දුක ඇති වෙනවා.

    වැඩියට තියෙන මිල අඩු කලොත් අනිත්‍ය වී දුක ඇති වෙනවා.

  2. Samarathunga says:

    මේ හොර පෙරකදෝරුවා බොරුවට පොර වෙන්න දගලන වා..තොපි වගේ මී හරක් පාලනේ කරන රටක ඉපඩෙන්න අපිත් පව් කලානේ..මොනව දැනගෙනද මොනවා ඉගෙන ගෙනද මූ මේ රගන්නේ..පවුල් බලය විතරක් තියෙන මි හරකෙක්..අය්යෝ අපේ රට..

  3. චන්ද දායක says:

    අනාගත……………………………..

  4. බන්ඩා says:

    හොද කාබනික පොහොර වෙළදපොලේ නැති බව ඇමති කියන්නේ නැහැ. කෘෂි නිලධාරීන් කොම්පොස්ට් බොරැව දන්නවා. ගොවියා පොහොර පොහොර නැතිව අතරමං වෙලා. ඒ අස්සෙ කොම්පොස්ට් වෙනුවට දියර පොහොර ඉම්පෝට් මාපියාවක් වැඩ පටන් අරන්. ජනාධිපතිගේ අගනා කාබනික පොහොර ව්‍යාපෘතිය කොට උඩ. වගාකරැවන් අමාරැවේ. කෘෂි අපනයනකරැවන් අමාරැවේ රටම අමාරැවේ.

    පිටරට ග්‍රීන්හවුස් එලවලු පලතුරැසහ ගන්ජා ගොවීන් පවා වගා මාධ්‍යයක් ලෙස ලංකාවෙ කොහුබත් සහ පොල්ලෙලි කැබලි ආනයන කරනවා. අපි ලංකාවෙ නිපදවන දියර පොහොර භාවිතා නොකර පිටරටින් ආනයනය කරනවා.

  5. ජිම් පුතානෝ says:

    ෆැමිලි පාටි ගොඩායි .

  6. ජිමි බේබි says:

    කෝ අර මුන් ටික පත් කරන්න ඡන්ද වේදිකාවේ රගපු චීවරධාරීන් සෙට් එක? දෑන් ඵලියට ඇවිත් මහජනතාවට උත්තර දෙනවා හොඳයි.

  7. Banda says:

    This is a real Gon Part for image boosting. All this is commonsense and waste of time and energy. Just get on with the job and deliver atleast a basic level of service to the public. We don’t need Magicians or Weda Kaarayas. Just do the basics. That’s more than enough

  8. පොඩි එකා says:

    නාමල් මැතිඳුට ජයවේවා .

    එහෙම කෙනෙක් තමයි මේ රටට දැන් ඕනෑ වෙලා තියෙන්නේ.

    අනුංගෙ වැඩට ම රිංගන එකෙක්.

    කීඩා අමාත්තාංසෙ කෙලවලාම දාලා බංගලියාට ත් කිකෙට් පරදිලා කීඩෙකෙයො අස්සං කෙරන්නෙ නෑ හෙන වලි. ඒ අස්සෙ අර එන්නත් ගැහිල්ලට හොට දැම්මා, එතනත් වලි.

    දැං මේකටත් නහය දාලා.

    රටට ගැලපෙන තරුණ නායකයෙක්.
    බල්ල ගෙ වැඩේට තඩි බූරුවෙක් .

    ඔබයි ජනතා පැතුම

    • ගිරවා says:

      දියවන්නාවේ ඇමති මණ්ඩලයම දැන් පවතින්නේ නාමල් යටතේද ? ජනපති දැන් සියලු වැඩ මොහුට පවරලා නිදාසිටිනවාද ? මුළු රටම අගාදයට ගිහින් බංගලි දේශයෙන් තවත් ණය අරන් රටේ කොටසක් බංගලින්ට විකුණයිද ? ක්‍රිකට් මැච් එක පැරදුනා වගේ. පොහොට්ටුව දැන් ටික ටික පරවලා යනවා වගෙයි .රටේ සිටින මෝඩයෝ එක පක්ෂයක් පිස්සු නටන විට ,කලින් ඩෙගා නටපු පක්ෂෙ කරපු විනාශය අමතක කරන නිසා පෑඩ් සජිත්ට , බටලන්දේ වධකයාට අනාගතය සුභ වෙයි ..අහෝ 69 ලක්ෂයක් රට බේරාගන්න පොහොට්ටුවට දුන් ජන්ද බලය …

    • JUDE says:

      මෝඩ දේශපාලන වහලුන්ට වදින්න පුළුවන් දැන් නාමල් ලොකු බේබිට ..සිහින මවන රට විකුණන පවුල් පාලනේට

  9. ගිජුලිහිණි says:

    කටේ නරි වදන් රෙද්දෙන් බේරෙන්නේ
    නංගී පෙන්නලා අක්කාවයි දුන්නේ
    නැටුව තොයිල කිම යක් බෙරයත් නැහැනේ
    දොරටුපාලයා රජ වෙන්නයි යන්නේ

Main News