නිදහසට කාරනා වැඩක් නෑ.. රොත්ත පිටින්ම ඉල්ලා අස්වෙන්න ඔ්නෑ.. රට ආනාරක්‍ෂිතයි.. භීෂණයක් ඇවිල්ලා..- ෆොන්සේකා..

April 24, 2019 at 1:20 pm | lanka C news
නිදහසට කාරනා වැඩක් නෑ.. රොත්ත පිටින්ම ඉල්ලා අස්වෙන්න ඔ්නෑ.. රට ආනාරක්‍ෂිතයි.. භීෂණයක් ඇවිල්ලා..- ෆොන්සේකා..

ලංකාවට එල්ල වූ ආකාරයේ ත‍්‍රස්ත ප‍්‍රහාරයක් වෙනත් රටකට එල්ල වූයේ නම් රොත්ත පිටින්ම ඉල්ලා අස්වෙන බවත් නමුත් ලංකාවේ එසේ සිදු නොවන බව පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතා පැවසීය.

ඔහු මේ බව කියා සිටියේ අද පාර්ලිමේන්තුව අමතමිනි.

ප‍්‍රහාරය සම්බන්ධයෙන් කිසිවෙකු නිදහසට කරුණු කීමෙන් පලක් නැති යයිද කී ඔහු සියළු දෙනා විසින් වරද බාර ගත යුතු බවත් සදහන් කලේය.

නිදහසට කරුණු කොතරම් කියූවද ඒවා පිලිගැනීමට සූදානම් නැති බවත් ජනතාවද ඒවා පිලි නොගන්නා බවත් කී මන්ත‍්‍රීවරයා ප‍්‍රහාරය හේතුවෙන් ජනතාව පහර කෑ බවත්, රට අස්ථාවර වූ බවත් නීතිය-ආරක්ෂාව නැතිව ගොස් භීෂණයක් පැමිණ තිබෙන බවත් කීය.

32 වසරක් පැවති යුද්දයේදී එක් දවසක් තුල මෙවන් ඛේදවාචකවයක් සිදු නොවූ බවත් කී මන්ත‍්‍රීවරයා අද තමන් සිටින්නේ ආණ්ඩුව පැත්තේ නොව රටේ පැත්තේ බවත් සදහන් කලේය.

රට මෙවන් තත්වයකට ඇද වැටීම ගැන වේදනාවක් තමනට ඇතැයිද ඔහු තව දුරටත් පැවසීය.

තමන් ෆීල්ඩ් මාෂල් වූයේ කඩල විකුණා නොවන බවද කී ඔහු තව දුරටත් කියා සිටියේ තමාගෙන් ප‍්‍රායෝජන ගන්නේ නම් වැඩ කිරීමට සූදානම් බවයි.

334 views