නිධන් හෑරු කල්ලියක් නිධානයත් සමගම අත්අඩංගුවට.. ගොඩගත් නිධානය මෙන්න..

March 24, 2019 at 8:40 am | lanka C news
නිධන් හෑරු කල්ලියක් නිධානයත් සමගම අත්අඩංගුවට.. ගොඩගත් නිධානය මෙන්න..

පුලියන්කුලම් මරතෝඩි ප්‍රදේශයේ රක්ෂිත කැලෑවක පුරා විද්‍යා ස්ථානයක නිධානයක් ගොඩගනිමින් සිටි සැකකරුවන් සිව් දෙනෙකු පෞරාණික බුදු පිළිම ඇතුලු නිධානයද සහිතව අත්අඩංගුවට ගත් බව පුලියන්කුලම් පොලීසිය පවසයි.

මරතෝඩි මන්සන්ධියේ සිට කිලෝමීටර් 6 ක් පමණ දුරින් වූ රක්ෂිත කැලෑ ප්‍රදේශයක මෙම සැකකරුවන් බැකෝ යන්ත්‍රයක් දමා නිධානය ගොඩ ගැනීම සිදු කොට ඇති අතර ඒ පිළිබඳ පුලියන්කුලම් පොලීසියට ලැබුනු තොරතුරකට අනුව ස්ථානාධිපති ඇතුලු නිලධාරීන් පිරිසක් එම ස්ථානයට ලඟා වන විට නිධානය හෑරු පුද්ගලයින් නිධානය ගැනීමට හෑරු වල වසමින් සිට ඇති අතර එම අවස්ථාවේදී ප්‍රදේශය වටලා සැකකරුවන් සිවු දෙනෙකු අත්අඩංගුවට ගෙන ඇත.

එහිදී නිධානය හෑරු සැකකරුවන් ලඟ තිබී අඟල් 09ක් උස කිරිගරුඩ බුද්ධ ප්‍රතිමාවක්, අනුරාධපුර යුගයට අයත් අඟල් 19ක් ලොකු පුරාතන මැටි පහනක්, මැටියෙන් සාදන ලද මෙතෙක් හඳුනානොගත් බෝලයක් වැනි දෙයක්, කොතක කොටස් දෙකක් , බැකෝ යන්ත්‍රයක්, ත්‍රී රෝද රථයක්, හා නිධානය ලබා ගැනීමට යොදා ගත් උපකරණ හා ද්‍රව්‍ය තොගයක්ද සොයා ගෙන ඇත.

එමෙන්ම අදාල ස්ථානයේ තිබී වටිනා නිධානයක් ලබා ගත්තේද යන්න පිළිබඳව මේ වන විට පුලියන්කුලම් පොලිස් නිලධාරීන් විසින් පුලුල් පරික්සණයක් අරඹා ඇත.

සැකකරුවන් සතුව තිබූ පෞරාණික වස්තු වලට අනුව කැනීම සිදුකල ස්ථානය පුරාතනයේ පන්සලක් තිබූ බවටද අවට ඇති ගල් කනු ඇතුලු නටඹුන් වලින් පෙනී යන බවටද පොලීසිය පැවසීය.

අත්අඩංගුවට ගත් සැකකරුවන් මඩකලපුව, පුලියන්කුලම, ත්‍රීකුණාමලය, තලවකැලේ යන ප්‍රදේශයන්හි පදිංචි කරුවන් වන අතර ඔවුන් වවුනියාව අධිකරණයට ඉදිරිපත් කිරීමට පියවර ගෙන ඇති බවද පරික්ෂණ සිදු කරන පුලියන්කුලම් පොලීසිය පවසයි.

– වන්නි රොමේෂ් මධුෂංඛ

40,796 Viewers

7 Comments to “නිධන් හෑරු කල්ලියක් නිධානයත් සමගම අත්අඩංගුවට.. ගොඩගත් නිධානය මෙන්න..”

  1. Sam Fernando says:

    සියළුම පොලිස් ලොක්කෝ එතන මුහුණු පෙන්නගෙන. හරියට මහා ලොකු වැඩක් කරල වගේ. 😂😂😂

  2. Lawlord says:

    It is really a great job. We should salute those policemen for their indefatigable actions. Those rogues are trying bit by bit trying to erase Sinhalese Buddhist heritage from those areas, maybe instigated by separatist fundamentalist terrorists. These crimes under archeological laws

  3. බහිරවයා says:

    නිධානයෙන් ලැබිච්ච රන් රිදී මුතු මැණික් ටික මුං හංගගෙන, නොවටිනා වා යැයි සම්මත දේවල් ටිකක් විතරක් පෙන්නලා ලකුණු දාගන්න හදන කාලකන්නි.

  4. KP says:

    පුරාවිද්‍යා දෙපාර්තමෙන්තුව කියලා එකක් තියෙනවා නේද? ඒකෙ අය දන්නැද්ද මෙතන පුරාවිද්‍යා වටිනාකමක් තියෙනවයි කියලා

  5. gadol says:

    ඇයි මේ අයගේ නම් සදහන් නොකරන්නේ?

  6. Mahasona says:

    ජීවිතාන්තය දක්වා සිරගත කල යුතුය මුන්ට කන්ඩ දෙන්න විසාල මුදලක් යන නිසා එල්ලා මැරිය යුතුය

Main News