නිලියන් විසින් විකෘති ආශාවන් ගැන චෝදනා කල ගංජාකාරයෙක් අපේ සංවිධානයට අයිතිවාසිකම් කියනවා..- පාරිභෝගික අයිතීන් සුරකීමේ ජාතික ව්‍යාපාරය

March 10, 2019 at 8:02 am | lanka C news
නිලියන් විසින් විකෘති ආශාවන් ගැන චෝදනා කල ගංජාකාරයෙක් අපේ සංවිධානයට අයිතිවාසිකම් කියනවා..- පාරිභෝගික අයිතීන් සුරකීමේ ජාතික ව්‍යාපාරය

පාරිභෝගික අයිතීන් සුරකීමේ ජාතික ව්‍යාපාරය විසින් නිකුත් කරන ලද නිවේදනයක් මෙහි දැක්වෙයි.

අප සංවිධානයේ නිර්මාතෘවරයා බව සදහන් කරමින් ආපනශාලා වලින් හා වෙළදසැල් වලින් මුදල් හා වෙනත් දෑ ඉල්ලා සිටීම සම්බන්ධව

අප සංවිධානයේ නිර්මාතෘවරයා බව සදහන් කරමින් අසේල සම්පත් නැමැති පුද්ගලයෙක් විසින් විවිධ ප්‍රකාශ නිකුත් කිරීම සම්බන්ධව අප සංවිධානයේ අවධානය යොමුව ඇත.

පාරිභෝගික අයිතීන් සුරකීමේ ජාතික ව්‍යාපාරය නීත්‍යානුකූලව ලියාපදිංචි සංවිධානයක් වන අතර අසේල සම්පත් නැමැති අයෙකු අප සංවිධානයේ නිර්මාතෘවරයකු හෝ සමාජිකයෙක් නොවන බව මහජනතාව වෙත මෙයින් දන්වනු ලැබේ.

අප සංවිධානය හෝ කිසිම සමාජිකයෙකු කිසිම ආයතනයකින් හෝ ආපන ශාලාවකින් මුදල් බත් පාර්සල් හෝ වෙනත් කිසිවක් ඉල්ලා නැති අතර අප සංවිධානයේ නාමය භාවිතා කරමින් කිසියම් පුද්ගලයෙක් කිසියම් දෙයක් ඉල්ලා සිටින්නේ නම් වහාම ලගම ඇති පොලිස් ස්ථානයට දැනුම් දෙන ලෙස මහජනතාවගෙන් ඉල්ලා සිටිමු. අප සංවිධානයේ ව්‍යස්ථාවට අනුව කඩ හිමියෙකු හෝ එම සංවිධාන නියෝජනය කරන කිසිම පුද්ගලයෙකුට අප සංවිධානයේ සාමාජිකත්වය ලබා ගැනීමට නොහැක.

අසේල සම්පත් නැමැති අය ආපනශාලා හිමියන්ගේ සංගමයේ නියෝජිතයෙකු ලෙස අපගේ සමහර මාධ්‍ය හමුවලට පැමිණ සිටි පුද්ගලයෙක් පමණක් වන අතර එම හදුනා ගැනීම මත ඔහුට විවිධ උපකාර අප සංවීධානය විසින් කරන ලදී.  ආපනශාලා හිමියන්ගේ සංගමය කිසිම ආයතනයක ලියාපදිංචි සංවිධානයක් නොවන බව තහවුරු වූ නිසා අප එම සංවිධානයට ඊට පසුව කිසිම මාධ්‍ය හමුවක් සදහා අප ඇරයුම් කර නැත.

කෙසේ වෙතත් අසේල සම්පත් යන පිළිබදව පහත කරුණු රැසක් අනාවරණය කර ගැනීමට අප සංවිධානයට හැකිවිය.

ගාල්ල පොරවගම මුල් ගම වන ඔහු මුලින්ම නාවික හමුදාවේ සෙබලෙකු ලෙස  සේවය කොට ඇත. පසුව නාවික හමුදා සෙබලුන්ගේ ලොකර් කඩා අසුවූ නිසා ඔහුව නාවික හමුදාවෙන් ඉවත් කොට ඇත. ඉන් පසු නීති විරෝධිව මත්පැන් අලෙවි කර ඇති ඔහු අවස්ථා කිහිපයකදීම පිටිගල පොලීසිය විසින් අත්අඩංගුවට ගෙන අධිකරණයට ඉදිරිපත් කර ඇත. පසුව දකුණ පළාත නියෝජනය කරනු ලබන අමාත්‍යවරයෙකු විසින් අරක්කු විකිණීම නවතා දමන පොරොන්දුව මත කොළඔ NIBM ආයතනයේ ආපනශාලාව පවත්වාගෙන යාම සදහා අවස්ථාව ලබා දී ඇත. එහෙත් දුර්වලව එම ආපනශාලාව පවත්වා ගෙන යාම නිසා ඔහුව ඉන් ඉවත් කොට ඇත. පසුව ඔහු ටෙලිනාට්‍ය වල තේ හා කෑම සෑදීම සිය වෘර්තිය ලෙස තෝරාගෙන ඇත. ඔහුගේ විකෘති ආශාවන් පිළිබදව ටෙලි නිළියන් විසින් කර ඇති පැමිණිලි මත ඔහුව ඉන් ඉවත් කර ඇත. කලක් ඔහු බොදු බල සේනා සංවිධානයේ මාධ්‍ය හමු සදහා තේ සෑදීම  හා එම සංවිධානයේ හිමිනමකගේ ආවතේව කිරීම සදහා බදවා ගෙන ඇත. විනය හේතු මත ඔහුව එයින් ඉවත් කොට ඇත. එක් අමාත්‍යවරයෙක් අසේල සම්පත්ගේ බිරිදගේ නම රජයේ වැටුප් හා දීමනා ලේඛණයකට ඇතුලත් කොට මසකට රුපියල් 25000 ක් ගෙවා ඇත. එහිදී ඔහුගේ කාර්යය වී ඇත්තේ ගොවි හා පාරිභෝගික සංවිධානයක කටයුතු කිරීමයි. නමුත් පසුව ඔහුව ඉන් ඉවත් කොට ඇත. සමූපකාර සමිතියකින් ලබා ගත් ණය මුදලක් නොගෙවීම නිසා පිටිගල පොලීසිය ඔහුව අත්අඩංගුවට ගෙන අධිකරණයට ඉදිරිපත් කර ඇත.

මීට මාස කිහිපයකට පෙර කොට්ටාව  ප්‍රදේශයේ කාන්තාවකට මුදල් ගෙවීම පැහැර හැරීමක් පිළිබදව පිළියන්දල පොලීසියට එම කාන්තාව විසින්  කරන ලද පැමිණිල්ලක් සම්බන්ධව පොලීසිය මගහරිමින් සිටි ඇති අතර තමාට හා තම දරුවනට ජීවත්වීමට නොහැකි බව පවසමින් ජනාධිපතිවරයාගේ නිවස ඉදිරිපිට රැදී සිටීම නිසා අධිකරණයට ඉදිරිපත් කොට ඇති අතර මත් ද්‍රව්‍යලග තබා ගැනීමද ඔහුට එරෙහිව ඉදිරිපත් කර ඇත. එක් චෝදනාවකි. පාරිභෝගික අධිකාරියේ නිළධාරියෙකුට තර්ජනය කිරීම පිළිබදව නඩුවක් මේ වන විට අධිකරණයේ විභාග වේ.

අසේල සම්පත් යන අධික ලෙස ගංජා පානයට ඇබ්බැහිවී ඇති පුද්ගලයෙකු බවද අප සංවිධානයට අනාවරණය වී ඇත.

දෙමළ ජාතික සංවිධානයෙන් හා ජනතා විමුක්ති පෙරමුණෙන් මහ මැතිවරණ දෙකකට ද තරග කර ඉන් පරාද වී ඇත.

කෙසේ වෙතත් එවැනි චරිතයක් ඇති පුද්ගලයෙකු සමග අප සංවිධානය කටයුතු කිරීම සම්බන්ධයෙන් මහජනතාවගෙන් හා මාධ්‍යවේදින්ගෙන් අප සංවිධානය සමාව ඉල්ලා සිටින අතර මීට පසු කිසිම අවස්ථාවක අප සංවිධානය ඔහු සමග කටයුතු නොකරන බවද දැනුම්දෙමු.

රංජිත් විතානගේ
සභාපති
පාරිභෝගික අයිතීන් සුරකීමේ ජාතික ව්‍යාපාරය

24,412 Viewers

2 Comments to “නිලියන් විසින් විකෘති ආශාවන් ගැන චෝදනා කල ගංජාකාරයෙක් අපේ සංවිධානයට අයිතිවාසිකම් කියනවා..- පාරිභෝගික අයිතීන් සුරකීමේ ජාතික ව්‍යාපාරය”

  1. RAW Agent says:

    දෙමළ ජාතික සංවිධානයෙන් හා ජනතා විමුක්ති පෙරමුණෙන් මහ මැතිවරණ දෙකකට ද තරග කර?
    Be careful. May be he is not a simple drug addicted fellow.
    Some times, there is a USD fountain behind him.

  2. මැදමුලනෙ මුත්තා says:

    එතකොට ඔය පාරිභෝගික අයිතීන් සුරැකීමෙි ජාතික ව්‍යාපාරයේ සභාපතියැයි කි⁣යාගන්නා රංජිත් විතානගේටත් වංචා, දූෂණ චෝදනා තිබෙනවා නේද?
    ඔහු විදුලිබල ඇමති සමග සෙටි නේද?
    මෙික මාධ්‍ය හරහා පමණක් පෙනී සිටින බොරැ සංවිධායක් නේද?

Main News