නුවරඑලියට සංචාරවකයන් විශාල පිරිසක්.. කොරෝනා නීති නොතකයි..

July 6, 2020 at 8:02 am | lanka C news
නුවරඑලියට සංචාරවකයන් විශාල පිරිසක්.. කොරෝනා නීති නොතකයි..

සති අන්ත නිවාඩුව සදහා දේශිය සංචාරකයන් විශාල පිරිසක් (04) සහ (05) දිනයන්වල නුවරඑලියට පැමිණ ඇත.

කොවිඩ් 19 වෛසරය පැතිර යාමේ අවධානමත් සමග නුවරඑලියට පැමිණෙන දෙස් විදෙස් සංචාරකයන්ගේ විශාල අඩුවක් දක්නට ලැබුණු අතර වෛරසය පැතිර යාමේ අවධානම තරමක් අවම විමත් සමග පනවා තිබු නිරෝධායන රෙගුලාසි ලිහිල් කිරිමෙන් අනතුරුව නුවරඑලියට විශාල සංචාරකයන් පිරිසක් පැමිණ සිටියේය.

නුවරඑලියට සංචාරකයන් පැමිණිමේ අඩුවක් තිබු නිසා නුවරඑලිය ප්‍රදේශයේ සංචාරක හෝටල් සහ නවාතැන්පොලවල් වල  ව්‍යාපාර කටයුතු අඩාල වි තිබු අතර යලිත් සංචාරකයන් පැමිණිම නිසා නුවරඑලිය ප්‍රදේශයේ සංචාරක කර්මාන්තය යලිත් යථා තත්ත්වයට පැමිණෙමින් පවති.

නුවරඑලිය නගරයේ සියළුම සංචාරක හෝටල් සහ නිකේතන (04) දිනයේ සංචාරකයන්ගෙන් පිරි තිබු අතර එසේ පැමිණි සංචරකයන් විශාල පිරිසක් මුඛ ආවරණ පැලද නොසිටිය.

– හැටන් රංජිත් රාජපක්ෂ

329 views
Main News