නෙදර්ලන්තයේ ජිනවංශ හිමි කකුල් ගැටගසා දියේ ගිල්වා ඝාතනය කරලා..- මරන පරීක්‍ෂණ තොරතුරු මෙන්න..

December 10, 2020 at 3:50 pm | lanka C news
නෙදර්ලන්තයේ ජිනවංශ හිමි කකුල් ගැටගසා දියේ ගිල්වා ඝාතනය කරලා..- මරන පරීක්‍ෂණ තොරතුරු මෙන්න..

ඝාතනය කර රත්ගම කලපුවට දමා තිබිය දී රත්ගම පොලිසිය මගින් සොයා ගන්නා ලද රත්ගම, කටුදම්පේ, පොල්ගස්දූව ආරණ්‍ය සේනාසනයේ භාවනායෝගීව වැඩවිසූ නෙදර්ලන්ත ජාතික හිමිනමගේ මෘත දේහය පිළිබඳ පශ්චාත් මරණ පරීක්ෂණය අද (10) ගාල්ල, කරාපිටිය ශික්ෂණ රෝහලේදී පැවැත්වීමට නියමිතව තිබුණි.

පසුගිය 08 වැනිදා පස්වරුවේ මෙම ස්වාමින් වහන්සේගේ මෘතදේහය රත්ගම පොලීසිය මගින් සොයා ගන්නා අවස්ථාවේ දී උන්වහන්සේගේ දෙපා කොන්ක්‍රීට් කැබැල්ලක්ද සහිතව වයරයකින් ගැට ගසා තිබූ බව රත්ගම පොලීසිය කියයි.

නෙදර්ලන්ත ජාතිකයෙක් වන මෙම ස්වාමින් වහන්සේ නෙදර්ලන්තයේ ජිනවංශ නමින් පැවිදිව රත්ගම, කටුදම්පේ, පොල්ගස්දූව ආරණ්‍ය සේනාසනයේ වැඩ වාසය කරමින් සිට ඇති අතර ප්‍රදේශවාසීන් උන් වහන්සේ සුදු හාමුදුරුවෝ නමින් හදුන්වා තිබෙන බව පොලිස් පරීක්ෂණ වලදි තහවුරු වී තිබේ. පසුගිය 06 වන දින සිට මෙම ස්වාමින් වහන්සේ ආරණ්‍යය සේනාසනයෙන් අතුරුදන්ව සිට ඇති බවද පොලිස් පරීක්ෂණ වලදි තහවුරු වී තිබිණ.

මෙම ස්වාමින් වහන්සේ කිසියම් හෝ අයෙකු විසින් ඝාතනය කොට දියේ ගිල්වා හෝ දියේ ගිල්වා ඝාතනය කරන්නට ඇතැයි පොලීසිය විශ්වාස කරයි. වයස අවුරුදු පනස් නවයක් පමණ වන මෙම හිමිනම මීට දින හතරකට පමණ පෙර මිය යන්නට ඇතැයිද පොලීසිය විශ්වාස කරයි.

ඝාතනයට ලක් වූ මෙම ස්වාමින් වහන්සේගේ මහේස්ත්‍රාත් පරීක්ෂණය ගාල්ල ප්‍රධාන මාහේස්ත්‍රාත් හර්ෂණ කැකුණවෙල මහතා විසින් ඊයේ (09) පෙරවරුවේ සිද්ධිය වූ ස්ථානයට  පැමිණ පවත්වන ලදී. ගාල්ල, කරාපිටිය ශික්ෂණ රෝහලේ විශේෂඥ අධිකරණ වෛද්‍ය නිලධාරිණි ජානකී වරුෂවිතාණ මහත්මිය ද එම ස්ථානයට පැමිණ පශ්චාත් මරණ පරීක්ෂණයට අදාල මූලික කටයුතු සිදුකර තිබේ.

වයස අවුරුදු පනස් නවයක් පමණ වන මෙම හිමිනම මීට දින හතරකට පමණ පෙර මිය යන්නට ඇතැයි පොලීසිය විශ්වාස කරයි.

සිද්ධිය වූ ස්ථානයට  ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා හා අධිකරණ වෛද්‍ය නිලධාරිණිය පැමිණ මහේස්ත්‍රාත් පරීක්ෂණය හා පශ්චාත් මරණ පරීක්ෂණයේ මූලික කටයුතු සිදුකරන ලදී.

දකුණු දිසාව භාර ජේෂ්ඨ නියෝජ්‍ය පොලිස්පති රොෂාන් සිල්වා මහතා විසින් මෙම ඝාතනයේ සුලමුල සොයා ගැනීම සදහා පොලිස් කණ්ඩායම් තුනක් ඔස්සේ පරීක්ෂණ ආරම්භ කර තිබේ. මෙයින් එක් කණ්ඩායමක් රත්ගම පොලිස් ස්ථානාධිපතිවරයා යටතේත් තවත් කණ්ඩායමත් ගාල්ල කොට්ඨාශ භාර අපරාධ විමර්ශණ අංශයේ ස්ථානාදිපතිවරයා යටතේත් යොදවා තිබෙන බව නියෝජ්‍ය පොලිස් පති රොෂාන් සිල්වා මහතා ප්‍රකාශ කළේය.

එයට අමතරව නියෝජ්‍යය පොලිස්පතිවරයා විසින් අපරාධ පරීක්ෂණ දෙපාර්තමේන්තුවේ කණ්ඩායමක්ද කොළඹින් ගෙන්වාගෙන පරික්ෂණ ආරම්බකර තිබෙන බවද දකුණු පළාත් නියෝජ්‍යය පොලිස්පති කාර්යාලය කියයි. ගාල්ල ජේෂ්ඨ පොලිස් අධිකාරිවරයා ඇතුළු උසස් පොලිස් නිලධාරීන් පිරිසක් ද මෙම පරීක්ෂන සදහැ මැදිහත්ව තටයුතු කරන බව දකුණු පළාත් නියෝජ්‍යය පොලිස්පති කාර්යාලයේ ප්‍රකාශකයෙක් සදහන් කළේය.

රත්ගම කටුදම්පේ පොල්ගස්දූව ආරණ්‍ය සේනාසනයේ වැඩ වාසය කරන භික්ෂූන් වහන්සේලා 13 නමකගෙන් මේ වන විට පොලීසිය ප්‍රකාශ සටහන් කරගෙන තිබේ. එයට අමතරව මෙම භික්ෂූන් වහන්සේ පිණ්ඩපාතය සදහා වැඩමකල නිවෙස් හිමියන්ගෙන්ද ප්‍රකාශ සටහන් කරගෙන තිබෙන බවත් ඝාතනයට ලක් වූ හිමියන්ගේ ජංගම දුරකතනයට ලැබුණු හා උන්වහන්සේ ලබාගත් දුරකතන ඇමතුම් ඔස්සේද පුළුල් පරීක්ෂණ ආරම්භ කර තිබෙන බව දකුණු පළාත් නියෝජ්‍ය පොලිස්පති කාර්යාලයට සම්බන්ධ ආරංචිමාර්ග සදහන් කරයි.

නෙදර්ලන්තයේ ජිනවංශ නම් වූ මෙම භික්ෂූව් වහන්සේ අතිදක්ෂ පිහිණුම් ශූරයෙකු බවත් එවන් තත්ත්වයක් තුල දියේ ගිලි මිය යෑම ගැටළු සහගත බව ප්‍රදේශවාසීන් රැසක්ම පොලීසියට ප්‍රකාශ කර තිබේ. උන් වහන්සේ තමන් විසින්ම ඔරුව පැදගෙන එගොඩට ගොස් පිණ්ඩපාතය සදහා වැඩම කරන බවද ප්‍රදේශවාසී ප්‍රකාශ කල බව රත්ගම පොලීසිය කියයි. මෙම භික්ෂූන් වහන්සේ ඉතා සිල්වත් ගුණවත් හිමිනමක් බවද පොලිස් පරීක්ෂණ වලදී තහවුරු වි තිබේ.

93,501 views

33 Comments to “නෙදර්ලන්තයේ ජිනවංශ හිමි කකුල් ගැටගසා දියේ ගිල්වා ඝාතනය කරලා..- මරන පරීක්‍ෂණ තොරතුරු මෙන්න..”

  1. පොළොන්නරුවේ හිටන් මහතා says:

    අපේ හාමුදුරුවනේ මගේ කාලේ නම් මේ වගේ අසමජ්ජාති වැඩ උනේ නැහැ. උඩින්ම ඉන්න කෙනා ගේ ඉඳන් ළඟින්ම ඉන්න මැති ඇමැතිවරු සහෝදර සමාගම විදේශවල පුරවැසියෝ උනහම මේ වගේ දේවල් වෙනවා.
    ප්‍රගීත් එක්නැලිගොඩ ලත් රහත් වෙච්ච රටක් නේ හාමුදුරුවනේ මේක.

    • Puka says:

      Mr ge eka kapala ubage kate ghanna watinawa

    • එක්නැලිගොඩ කොටියා says:

      එක්නැලිගොඩයා කොටින්ට මුට්ටිය අල්ලලා ගාන කපාගෙන හිටියා. වැඩේ පත්තු වෙනකොට ඩුබායි පැන්නා. දැන් ඉන්දියන් ගෑනියෙක් එක්ක ඉන්නවා. උගේ ගෑනිත් ඒක දන්නවා. උබලා දන්නෙ නෑ වගේ.

  2. බෝලිං says:

    සිල්වත් උපසම්පදා හිමි වරුන්ට විනෝදෙට පිහිනීම අකැපයි, කැතයි. ඔය හාමුදුරුවෝ කලපුවේ හිතේ පදමට පීනනවා කියන එක නම් එහෙ කවුරුත් දන්න එකක්. කොහොම වුනත් අකල් මරණය නම් කනගාටුදායක දෙයක්.

    • Puka says:

      Buahhhh

    • Sweden Doc says:

      Ay peenuwama sil bindenawa da? Lankawe hora ganayan gen 50% diabetes. Nikan kaka leda wewi thapinawa.

    • Amda says:

      උන් වහන්සේ මිනිස්සුන්ගෙ සල්ලි එකතු කරගෙන සුඛෝපභෝගී ජීවිතයක් ගත කලේ නෑනෙ..බෙන්ස් කාර් ගත්තෙ නෑනෙ….

      කෝටියක් සිල් කඩන චීවර ධාරීන් අතරෙ පිණ්ඩපාතෙන් යැපෙන ආරණ්යවාසි ස්වාමීන්වහන්සේලා ගැන අනවශ්‍ය කතාකියල පව් පුරවගන්න එපා.

  3. නෙදර්ලන්ඩ් ඹත්තුසේවා..! says:

    මුං..අපිව අාක්‍රමනය කරපු උන් .
    බ්‍රිතාන්‍ය ඡානම තමයි බාසාව වෙනස් උනාට
    නෙදර්ලන්ඩ් ඹත්තුසේවා..

  4. ක්‍රිමිනල් says:

    නෙදර්ලන්තයේ ජිනවංශ නම් වූ මෙම භික්ෂූන් වහන්සේ අතිදක්ෂ පිහිණුම් ශූරයෙකු බවත් එවන් තත්ත්වයක් තුල දියේ ගිලි මිය යෑම ගැටළු සහගත බව ප්‍රදේශවාසීන් රැසක්ම පොලීසියට ප්‍රකාශ කර තිබේ.

  5. Amda says:

    මේ රටට මොකද වෙලා තියෙන්නෙ… මිනිස්සු තිරිසන්නු වේගන යනව.

    මොකා උනත් කරපු එකා නම් ආනන්තරිය පාපයක් කරගෙන තියෙන්නෙ…පවුල පිටින්ම හැඳිගෑවිලා යයි.

    • අංඩොං says:

      ඈ බං ඇම්ඩෝ, උඹ මාර පොරක්නේ බං! පොලෝසීයටත් කලින් උඹ මිනීමැරුමක් කියලා නිගමනය කරලා, මිනීමරුවාවත් හොයාගෙන, ඒ පවුල පිටින්ම හැඳිගෑවිලා යන්න දඩුවම් නියම කරලත් ඉවරයි.

      ආනන්තරිය පාප වෙන්නේ කොහොමද කියලවත් උඹ දන්නවද?

Main News