නොදන්නා අර්ථිකය කතා කරන්න එපා.. පොකට් එකට සල්ලි දැම්මට රට දියුණු වෙන්නෙ නෑ.. ලන්ඩනයේ ඉගෙන ගත්තේ මොනවද.. ආර්ථික විශේෂඥයකුගෙන් සජිත්ට දැඩි විවේචන..

July 26, 2019 at 6:26 am | lanka C news
නොදන්නා අර්ථිකය කතා කරන්න එපා.. පොකට් එකට සල්ලි දැම්මට රට දියුණු වෙන්නෙ නෑ.. ලන්ඩනයේ ඉගෙන ගත්තේ මොනවද.. ආර්ථික විශේෂඥයකුගෙන් සජිත්ට දැඩි විවේචන..

නොදන්නා ආර්ථික විද්‍යාවක් ගැන කතා කිරීමෙන් වැලකී සිටින්නැයි ඇමති සජිත් පේ‍්‍රමදාස මහතාගෙන් ඉල්ලා සිටින බව හිටපු මහ බැංකු අධිපති අජිත් නිවාඩ් කබ්රාල් මහතා පවසයි.

සජිත් පේ‍්‍රමදාස මහතා විසින් මෑතකදී කරන ලද ප‍්‍රකාශයකට ප‍්‍රතිචාර දක්වමින් කබ්රාල් මහතා මෙසේද කීවේය.

“ඒක පුද්ගල ආදායම වැඩක් නෑ, අවශ්‍ය වෙන්නේ ඒකපුද්ගල සතුට” කියලා සජිත් ප්‍රේමදාස කියනවා, මම දැක්කා.

මේ කතාව අහලා මා ඇත්තටම පුදුම වුණා. මා එසේ පුදුම වුණේ මීට දින කිහිපයකට පෙර, සජිත් ප්‍රේමදාස London School of Economics එකෙන් උපාධියක් ලැබුවා කියලා අජිත් පී පෙරේරා රූපවාහිනී වැඩසටහනක කියා සිටිය නිසා.

අජිත් පෙරේරා කියූ ආකාරයට, සජිත් එහෙම London School of Economics එකෙන් උපාධියක් ලබා තිබුණා නම්, එක්කෝ සජිත් ඒ විශ්වවිද්‍යාලයේදී ඉගැන්වූ  දේවල් සියල්ල අමතක කරගෙන, එහෙම නැත්තං, සජිත්ට පමණක් London School of Economics එක අලුත් ආර්ථික විද්‍යාවක් උගන්වලා තිබෙනවා.

LSE එහෙම උගන්නන්නේ නැහැයි කියලා මා දන්න නිසා, මට හිතෙන්නේ සජිත්ට මේවා සියල්ල අමතක වෙලා කියලා. එහෙම නම්, අපි එයාට ඒවා පොඩ්ඩක් මතක් කරල දෙන එක හොඳයි.

ඒක පුද්ගල ආදායම මනින්නෙ රටේ මුළු දළ දේශීය නිෂ්පාදිතය, රටේ ජනගහනයෙන් බෙදලයි. ඒ වගේම, එවැනි සංඛ්‍යා සහ තොරතුරු ප්‍රයෝජනවත් වන්නේ හඟුරන්කෙත හෝ තිස්සමහාරාමයේ සිටින පුද්ගලයන්ගේ ආදායම දේශපාලනික කෝණයකින් පෙන්වාදෙන්නට නොවේ. එම දත්ත ගණනය කරන්නේ රටේ ආර්ථිකයේ ප්‍රගතිය පිළිබඳව යම් මැනීමක් කරන්නට සහ ලෝකයේ අනිත් රටවල් සමග අපේ රට සන්සන්දනයක් කිරීමටයි. මේවා ගැන තේරුමක් නැත්නම් ඒවා ගැන කතා නොකර සිටීම වඩාත් හොඳයි. එහෙම කතා කරන්න ගිහිල්ලා, තමාගේ නොදැනුවත්කම ලෝකයට විදහා දක්වලා, ඇණ ගන්නවට වඩා හොඳයි, නිශ්ශබ්දව ඉඳීම. එතකොට, සමහරවිට ඔහු බුද්ධිමතෙක් කියලත් රටේ ජනතාව සිතන්නට බැරි නැහැ.

රටක සමස්ත දළ දේශීය නිෂ්පාදිතය වැඩි කර ගන්නේ නැතුව, රටේ ආර්ථිකයේ වර්ධනයක් ඇතිකර ගන්නේ නැතුව, කිසිම කෙනෙකුගේ පසුම්බියට මුදල් දමන්නට බැහැ. එහෙම වර්ධනයත් නොකර, ජනතාවගේ පසුබිම්වලට මුදල් දැමිය හැක්කේ අයුතු ලෙස මුදල් අච්චු ගැසුවොත් පමණයි. එහෙම කළොත් රටේ උද්ධමනය දැවැන්ත ලෙස වැඩිවෙන බව සමහරවිට සජිත්ගේ විශ්වවිද්‍යාලය ඔහුට කියා නොදෙන්නට ඇති. නැත්නම් ඔහුට ඒවා අමතක වෙලා ඇති. මෙවැනි කතා කියන්නේ ඒ නිසා වෙන්නට පුළුවන්.

දළ දේශීය නිෂ්පාදිතය වර්ධනය නොකර, යම් කෙනෙක් සිතනවානම් රටක් සංවර්ධනය කරන්න පුළුවන් කියලා, ඒ අය සිටින්නේ සිහින ලෝකයක.

මුලින්ම රට සංවර්ධනය කරලා, රටේ මුළු ආදායම වර්ධනය කිරීමෙන් පමණයි, රට වැසියන්ගේ ජීවන තත්ත්වය සහ ඔවුන්ගේ පසුම්බිවල තිබෙන මුදල් ක්‍රමයෙන් වර්ධනය කරගන්නට පුළුවන් වන්නේ. ඒ මූලික පාඩම, ජනාධිපති වෙන්න සිහින බලන කෙනෙක් මුලින්ම ඉගෙන ගන්නට අවශ්‍යයි.

48 views

17 Comments to “නොදන්නා අර්ථිකය කතා කරන්න එපා.. පොකට් එකට සල්ලි දැම්මට රට දියුණු වෙන්නෙ නෑ.. ලන්ඩනයේ ඉගෙන ගත්තේ මොනවද.. ආර්ථික විශේෂඥයකුගෙන් සජිත්ට දැඩි විවේචන..”

  1. Ariyathilaka says:

    බුදු රදුන් වදාළ කර්මය, කර්ම විපාකය අප පිළිගන්නා බැවින් කිසිවෙකුට අපහාස, උපහාසයට පත් කිරීමේ අදහසක් අපට නැත. ධම්මපදයේ, හා ධම්මපදට්ඨ කථාවේ ඇති චුල්ලපන්ථක මහ අරහත් කථා වස්තුව අනුව අනෙකාගේ ඉගැනීම පිළිබඳව විමසීමේදී ප්‍රවේසම් වීම වටී. අපට ඇසීමට ඇත්තේ ප්‍රශන දෙකකි;
    1. London School of Economics විශ්ව විද්‍යාලයට ඇතුල් වීමේ මූලික සුදුසු කම කුමක් ද?
    2.London School of Economics විශ්ව විද්‍යාලයේ උපාධි ශ්‍රී ලංකාවේ පිළිගත් විශ්ව විද්‍යාල විසින් පිළිගනු ලබන්නේ ද?

    • Karu says:

      Real ‘Landon School of economics’ is a world recognized institution.It seems that he has not studied ‘economics’ anywhere.What he says about economics is utter rubbish.M.S. is better than this idiot.

  2. Xman says:

    Needless to worry, that basterd never going to be president in Srilanka. Next 10 years or more Ghota going to rule this contry in strict discipline, to get better devolopment.

  3. Parakum says:

    When people has excess money they spend it, like the BLACK MONEY you lot generated during your regime.

Main News