නොරොච්චෝල මගේ වැඩක්.. මගේ සැලසුම ඉරා දමා මහින්ද පගා ගැහුවා.. අද විදුලිය නැත්තේ ඒ නිසා.. මං හරි කේන්තියෙන් ඉන්නේ..
March 29, 2019 at 11:20 am | lanka C news
අද පවතින විදුලි අර්බුදය දැක තමන් බොහෝ තරහින් ඉන්නා බව හිටපු ජනාධිපතිනි චන්ද්රිකා කුමාරතුංග මහත්මිය පවසයි.
නොරොච්චෝල බලාගාරය ඇතුළු විදුලි බලාගාර ගණනාවක් ඉදිකිරීම් ආරම්භ කලේ තම කාලයේ බවත් ඇය සදහන් කරයි.
නමුත් පසුව එහි මුල් ගිවිසුම ඉරා දමා රාජපක්‍ෂ ආණ්ඩුව විසින් තම යුගයේ ඇස්තමේන්තුව මෙන් දෙගුණයක් ගෙවා චීන සමාගමකට එය ඉදිකිරීමට බාර දුන් බවත් ඇය චෝදනා කරයි. එම වැඩිපුර ගෙවූ ගනන කොහෝ ගියාදැයි දන්නා බවත් ඇය කීය.
තමන් සැලසුම් කල ලෙස නොරොච්චෝල ඉදිකලේ නම් අද විදුලි අර්බුදයක් නැති බවත් ඇය සදහන් කලාය.
ත‍්‍රිකුණාමලය ප‍්‍රදේශයේදී මාධය වෙත අදහස් පල කරමින් ඇය මේ බව කියා සිටියාය.
මෑතකදී විදුලි බලාගාර කිහිපයක් සදහා අවසර නොදීමද අද විදුලි අර්බුදයට හේතුවක් යයි කී ඇය හිටපු විදුලි බල ඇමතිවරයා ඊට වගකිව යුතු යයිද සදහන් කලාය.
78 views
