පක්‍ෂ නායකත්වය නැතිව සජිත්ට ජනාධිපති අපේක්‍ෂකකම දෙන්න රනිල් සූදානම්.. පැරදුනොත් නියෝජ්‍ය නායකකමෙනුත් ඉවතට… රනිල් දිගටම එජාප, විපක්‍ෂ නායක..

August 15, 2019 at 10:00 am | lanka C news
පක්‍ෂ නායකත්වය නැතිව සජිත්ට ජනාධිපති අපේක්‍ෂකකම දෙන්න රනිල් සූදානම්.. පැරදුනොත් නියෝජ්‍ය නායකකමෙනුත් ඉවතට… රනිල් දිගටම එජාප, විපක්‍ෂ නායක..

ජනාධිපතිවරණ අපේක්ෂකයා සම්බන්ධව එක්සත් ජාතික පක්ෂය තුළ මතුව ඇතිවී ඇති අර්බුදය දැන් පිපිරීමට ආසන්න බව එම පක්ෂයේම මැති ඇමතිවරුන්ගේ ප්‍රකාශ වලින් මනාව පැහැදිලිවන බව රත්නපුර දිස්ත්‍රික් පාර්ලිමේන්තු මන්ත්‍රී ඩබ්ලිව්.ඩී.ජේ සෙනෙවිරත්න මහතා පැවසීය.

ඒ මහතා මෙම අදහස්  පළකලේ රත්නපුර පැල්මඩුල්ල නිවසේ පැවති පාක්ෂික හමුවකට එක්වෙමිනි.

මෙහිදී වැඩිදුරටත් අදහස් දැක්වූ මන්ත්‍රීවරයා,

“ගෝඨාභය රාජපක්ෂ මහතා ජනාධිපති අපේක්ෂකයා ලෙස අපි නම් කලේ පොදුජන පෙරමුණට සම්බන්ධ ඒකාබද්ධ විපක්ෂයේ සියළුම මන්ත්‍රීවරුන් වගේම අපේ පෙරමුණට සම්බන්ධ සියළුම දේශපාලන පක්ෂවල පොදු එකඟතාවයකින්.එම නම් කිරීමේ අවසන් තීන්දුව ගැනීමේ අවස්ථාව අපි මහින්ද රාජපක්ෂ මහත්තයට දීලා තිබුණේ.එහෙම තමයි පක්ෂයක විනයක් වගේම නායකත්වයක් තිබිය යුත්තේ.

දැන් එක්සත් ජාතික පක්ෂයේ නායකත්වයට එළිපිටම අභියෝග කරන තැනට එහි පසුපෙළ මන්ත්‍රීවරු ඇවිල්ලා.පක්ෂයේ කෘත්‍යාධිකාරී මණ්ඩලය, පක්ෂයේ පාර්ලිමේන්තු කණ්ඩායම, පක්ෂ නායකත්වය තමයි එක්සත් ජාතික පක්ෂයේ ජනාධිපතිවරණ අපේක්ෂකයා තීන්දු කරන්නේ.

නමුත් යූඑන්පී ජනාධිපති අපේක්ෂකයා තමන්  බව සජිත් ප්‍රේමදාස මහත්තයා තමන් විසින්ම නම් කරගෙන  දැන් රට වටේම යනවා.රට පුරා පෝස්ටර් ගහනවා. මේක හරිම විහිළුවක්. පසුපෙළ මන්ත්‍රීවරු කිහිප දෙනෙකුත් ඔහු සමග රට වටේ යනවා.

රවි කරුණානායක,වජිර අබේවර්ධන,අකිල විරාජ් කාරියවසම්, ලක්ෂමන් කිරිඇල්ල වගේ ප්‍රබල අමාත්‍යවරු  රනිල් වික්‍රමසිංහ මහතා ජනාධිපතිවරණ අපේක්ෂකයා විය යුතු බවට ප්‍රකාශ කරනවා.සරත් ෆොන්සේකා මහත්තයා සජිත්ව ත්, රණසිංහ ප්‍රේමදාස පාලනය තුළ කොටි ත්‍රස්තවාදීන් පෝෂණය කිරීමත් දැඩිව විවේචනය කලා.මේ අනුව දැන් එක්සත් ජාතික පක්ෂය තුළ විශාල අර්බුදයක් බෙදීමක් ඇතිවෙලා. රනිල් වික්‍රමසිංහ මහතාගේ නායකත්වයට අවනත නොවන කණ්ඩායමක් පක්ෂය තුළ දැන් බිහිවෙලා තිබෙන බවයි අපට පෙනී යන්නේ. මන්ත්‍රීවරයා පැවසීය.

තවදුරටත් අදහස් දක්විමින්,

සජිත් ප්‍රේමදාස මහත්තයා කොච්චර දැඟලුවත් එක්සත් ජාතික පක්ෂයේ නායකත්වය කවදාවත් රනිල් වික්‍රමසිංහ මහත්තයගෙන්නම් ගන්න හම්බ වෙන්නෙ නැහැ.රනිල්ට පක්ෂය ඇතුලෙන් ජනාධිපතිවරණයට සජිත්ව දාන්න විශාල බලපෑමක් ආවොත් රනිල් වික්‍රමසිංහ මහත්තයා කැමති වෙයි.මොකද වික්‍රමසිංහ මහත්තයා දන්නවා මේ පාර ජනාධිපතිවරණයට කවුරු දැම්මත් පරදායි කියලා.සජිත් ජනාධිපතිවරණෙට ඉදිරිපත්වෙලා පරදා උනාම නිකම්ම නැවතත් විපක්ෂ නායක ධූරය තමන්ට ලැබෙනවා කියලත් රනිල් දන්නවා.සජිත්ට පක්ෂෙ නියෝජ්‍ය නායකකමත් අවසානෙදි නැතිවෙනවා.ඒකයි වෙන්නේ.සෙනෙවිරත්න මහතා වැඩිදුරටත් පැවසීය.

ධම්මික තිලකරත්න

56 views

8 Comments to “පක්‍ෂ නායකත්වය නැතිව සජිත්ට ජනාධිපති අපේක්‍ෂකකම දෙන්න රනිල් සූදානම්.. පැරදුනොත් නියෝජ්‍ය නායකකමෙනුත් ඉවතට… රනිල් දිගටම එජාප, විපක්‍ෂ නායක..”

  1. Charles says:

    Sajith will get rhe nomination from UNP but Ranil will do everything for Sajith’s loss

  2. Gayantha says:

    රනිල් ඕක මැරෙනකන් මොකෙක්ටවත් දෙන්නේ නෑ. ඕකට වෙන්නේත් සිරිසේන ශ්‍රිලනිපය කෑවා වගේ වැඩක්

  3. yakooo kohomada ponnna raniyagey game tolk eka.paraya chandeyta nogihinma vipaksa naaayakatwaya gannna tamae balaaaporootuwa.oya wagey game ghala taamae ahinsaka rata waciyaaawa akaa saraayak rawatttuwey.

  4. නියම උගුල. පැරදුනොත් උපනායක කමත් නැහැ. ඒ නිසා සජි සද්දෙ වහල ජනාදිපති අපේක්ෂකකම එපා කියයි. එතකොට රනිල් නිකම්ම අපේක්ෂක වෙලා පරදියි. ගෝටා දිනුම්.

  5. kokkai, kekkai says:

    Dilip Wedaarachchi kiyuwa hariyata hari. Ranil kokken hair kekken hari lasanata Sajithta wade denawa.
    Wenne allapu aththath, paya gahapu aththath nathi weemai!
    Gedara giyoth ambu nasee, Maga hitiyoth tho nasee kiyanne mewata thamai!

  6. kokkai, kekkai says:

    Dilip Wedaarachchi kiyuwa hariyata hari. Ranil kokken hair kekken hari lasanata Sajithta wade denawa.
    Wenne allapu aththath, paya gahapu aththath nathi weemai!
    Gedara giyoth ambu nasee, Maga hitiyoth tho nasee kiyanne mewata thamai!
    Alayak nemei Molayak ( kapatiram walata )

  7. Wajira says:

    සජිත්ට අපේෂ්ක කම ගන්ඩ කලින් කරන්ඩ ඔ්න පක්ෂ නායකත්වය ගන්න එකයි‍. ඒකට කරන්ඩ අවශ්‍ය ‌ව‌ෙන්නේ ම‌ෙවර චන්දයට රනිල්ව ඉදිරිපත් කරවලා, පැරදුනාම පක්ෂ නායකත්වය අරග‌ෙන 2025 ට සුදානම් වන එකයි. ම‌ේ සැරේනම් කලින් වැඩියි ‌ක‌ොලුගැටයාට !!

    • Dushantha says:

      සජිත් කියන්නෙ ගොන් කථා වගේ කරන්නෙත් ගොන් වෑඩ. ජනාධිපති වරනෙට ඉල්ලන්ඩ කලින් පක්ෂෙ නායකයා වෙලා නොහිටියොත් සජිත් අතු ගෑවිලාම යනවා. ඉස්සෙල්ලා පක්ෂ නායකයා වෙලා ඊලඟ ජනාධිපති වරනෙට ලෑස්ති වෙන එකයි කරන්ඩ තියෙන්නෙ.

Main News