පලාලි ගුවන්තොටුපොළ ‘යාපනය ජාත්‍යන්තර ගුවන්තොටුපොළ’ ලෙසට නම් කෙරේ… දැන් ජාත්‍යන්තර ගුවන්තොටුපොළ 5ක් ලංකාවේ….

October 3, 2019 at 5:30 pm | lanka C news
පලාලි ගුවන්තොටුපොළ ‘යාපනය ජාත්‍යන්තර ගුවන්තොටුපොළ’ ලෙසට නම් කෙරේ… දැන් ජාත්‍යන්තර ගුවන්තොටුපොළ 5ක් ලංකාවේ….

පලාලි ගුවන්තොටුපොළ යාපනය ජාත්‍යන්තර ගුවන්තොටුපොළ ලෙසට නම් කෙරේ. ඒ ප්‍රවාහන සහ සිවිල් ගුවන්සේවා අමාත්‍ය අර්ජුන රණතුංග මහතා ඉදිරිපත් කළ යෝජනාවට අමාත්‍ය මණ්ඩලයේ අනුමැතිය හිමි වීමෙනි.

ප්‍රාදේශීය ගුවන් තොටුපොළක් ලෙසට පැවැති යාපනය පලාලි ගුවන්තොටුපොළ කලාපීය සහ ජාත්‍යන්තර තොටුපොළක් ලෙසට සංවර්ධනය කිරීම ප්‍රවාහන සහ සිවිල් ගුවන්සේවා අමාත්‍ය අර්ජුන රණතුංග මහතාගේ ප්‍රධානත්වයෙන් ආරම්භ කෙරුණේ පසුගිය ජූලි මස පස්වැනිදායි.

එම සංවර්ධන කටයුතු මේ මස දහවැනිදා වන විට අවසන් කිරීමට අපේක්ෂා කෙරේ. ජාත්‍යන්තර ගුවන් ගමන් සඳහා ගුවන්තොටුපොළ විවෘත කිරීම ජනාධිපති මෛත්‍රීපාල සිරිසේන මැතිතුමාගේ සහ අග්‍රාමාත්‍ය රනිල් වික්‍රමසිංහ මහතාගේ ආශිර්වාදයෙන් ලබන 17 වැනිදා හෝ ඊට ආසන්න දිනක සිදු කිරීමට අපේක්ෂා කෙරේ.

පියවර තුනකින් සංවර්ධනය කෙරෙන යාපනය ජාත්‍යන්තර ගුවන් තොටුපොළෙහි ජාත්‍යන්තර සිවිල් ගුවන්සේවා සංවිධානයේ සංකේත අංකය (ICAO CODE) වන්නේ VCCJ වෙයි. ජාත්‍යන්තර ගුවන් ප්‍රවාහන සංගමයේ සංකේත අංකය (IATA) වන්නේ JAF වෙයි. මෙම නම් කිරීමට සමගාමීව මඩකලපුව ගුවන් තොටුපොළ මඩකලපුව ජාත්‍යන්තර ගුවන්තොටුපොළ ලෙසද රත්මලාන ගුවන්තොටුපොළ කොළඹ රත්මලාන ජාත්‍යන්තර ගුවන්තොටුපොළ ලෙසද නම් කෙරේ.

මඩකලපුව ජාත්‍යන්තර ගුවන්තොටුපොළහි ජාත්‍යන්තර සිවිල් ගුවන්සේවා සංවිධානයේ සංකේත අංකය VCCB ද ජාත්‍යන්තර ගුවන් ප්‍රවාහන සංගමයේ සංකේත අංකය BTC ද වෙයි. කොළඹ රත්මලාන ජාත්‍යන්තර ගුවන් තොටුපොළහි ජාත්‍යන්තර සිවිල් ගුවන්සේවා සංවිධානයේ සංකේත අංකය VCCC ද ජාත්‍යන්තර ගුවන් ප්‍රවාහන සංගමයේ සංකේත අංකය RML ද වෙයි.

මෙම නම් කිරීමත් සමඟ ලංකාවේ දැනට ඇති ජාත්‍යන්තර ගුවන්තොටුපොළ ගණන පහ දක්වා ඉහළ යයි. ඒ කොළඹ කටුනායක බණ්ඩාරනායක ජාත්‍යන්තර ගුවන්තොටුපොළ, කොළඹ රත්මලාන ජාත්‍යන්තර ගුවන්තොටුපොළ, යාපනය ජාත්‍යන්තර ගුවන්තොටුපොළ, මඩකලපුව ජාත්‍යන්තර ගුවන්තොටුපොළ සහ මත්තල ජාත්‍යන්තර ගුවන්තොටුපොළ ලෙසිනි.

– තමීර මංජු

28,040 Viewers

6 Comments to “පලාලි ගුවන්තොටුපොළ ‘යාපනය ජාත්‍යන්තර ගුවන්තොටුපොළ’ ලෙසට නම් කෙරේ… දැන් ජාත්‍යන්තර ගුවන්තොටුපොළ 5ක් ලංකාවේ….”

  1. කරයිද බං says:

    ආඩම්බරය කියන්නට උතුරට පලාලි
    මත්කුඩු ගොඩ ගසයි නොහිතම දවාලි
    රත්තරන් ඇන්න වරෙන් ඇඟෙ සඟවාලි
    මත්තෙන් තුරන් රටක් කරයිද බං පලාලි

    • Nuwan says:

      LTTE diaspora wanted this and Ranil Mangala Chandrika LTTE friends gave it as a present. By declaring the airport as an international Airport it will become difficult to use it as a airforce base. This is the idea behind this

  2. john the baptice says:

    රට ඉන්න දෙමළ ඩයස්පෝරාවට පහසු ගමන් මගක්

  3. Chin Wijaya says:

    VCCC, VCCJ ආදී නම් කිරීම් නම් මීට වසර 60-70 කටත් වඩා ඉහත දී කෙරුන ඒවා. VCCG ගල් ඔය -අම්පාර​, VCCW වීරවිල, VCCA අනුරපුර , VCCJ – Jaffna, VCCT – Trinco/Chinabay

    රත්මලාන ගුවන් තොටට VCCC කියන්නේ ඒකාලේ Colombo Airport ඒක නිසා.

  4. මත්තල වී…
    පලාලි තල් ද?

  5. LION says:

    පලාලි ගුවන්තොටුපොළ ගුවන් හමුදාවට බාර දිය යුතුය

Main News