පස් කන්දක් වැටී අධිවේගය වසා දමයි.. ප‍්‍රාදේශ ගණනාවකට නාය යාම් අනතුරු ඇගවේ..

July 20, 2020 at 12:40 pm | lanka C news
පස් කන්දක් වැටී අධිවේගය වසා දමයි.. ප‍්‍රාදේශ ගණනාවකට නාය යාම් අනතුරු ඇගවේ..

ඇති වී තිබෙන අධික වර්ෂාව හේතුවෙන් දක්ෂිණ අධිවේගී මාර්ගයේ පින්නදුව හා ඉමදූව අතර කොටසට පස්කන්දක් කඩා වැටී තිබේ.

ඒ හේතුවෙන් කොළඹ දෙසට පැමිණෙන මං තීරුව වසා දැමීමට කටයුතු කර ඇත.

මේ අතර ආපදා කළමනාකරණ මධ්‍යස්ථානය විසින් නාය යාම් අවදානම සම්බන්ධයෙන් පූර්ව අනතුරු ඇඟවීම නිකුත් කර ඇති නිවේදනය මෙහි දැක්වෙයි.

නායයාම් අනතුරු පුර්ව ඇගවීම්

ජාතික ගොඩනැගිලි පර්යේෂණ සංවිධානය විසින් කොළඹ, කලුතර, කෑගල්ල, රත්නපුර සහ ගාල්ල යන දිස්ත්‍රික්ක සදහා නායයාම් පුර්ව අනතුරු ඇගවීම් නිවේදන නිකුත් කර ඇත. පසුගිය පැය විසි හතර තුළ වර්ෂාපතනය මිලිමීටර් 100 ඉක්මවා ඇති ගාල්ල දිස්ත්‍රික්කයේ ඇල්පිටිය, නාගොඩ සහඑ නියාගම යන ප්‍රාදේශීය ලේකම් කොට්ඨාශවල නායයාම් අවදානම් කලාප වල ජීවත් වන ජනතාව තවදුරටත් වර්ෂාව ලැබේ නම් ආරක්ෂත ස්ථාන කරා ඉවත් වීමට සුදානම් වෙන ලෙස නායයාම් අවදානම් නිවේදන නිකුත් කර ඇත.

එසේම පසුගිය පැය විසි හතර තුළ වර්ෂාපතනය මිලිමීටර් 75 ඉක්මවා ඇති කොළඹ දිස්ත්‍රික්කයේ සීතාවක, කළුතර දිස්ත්‍රික්කයේ බුලත්සිංහල, වලල්ලාවිට සහ පාලින්දනුවර, කෑග්ල්ල දිස්ත්‍රික්ක්යේ දෙහිඕවිට සහ රත්නපුර දිස්ත්‍රික්කයේ කුරුවිට සහ ඇහැලියගොඩ යන ප්‍රාදේශීය ලේකම් කොට්ඨාශ වල නාය යාම් අවදානම ප්‍රදේශවල ජීවත් වන ජනතාවට නායයාම්, කණ්ඩි කඩාවැටීම්, ගල් පෙරලීම් වැනි ආපදා සිදුවිය හැකි බැවින් අවධානයෙන් සිටින ලෙස ජාතික ගොඩනැගිලි පර්යේෂණ සංවිධානය විසින් අනතුරු ඇගවීම් නිකුත් කරන ලදී.

විශේෂයෙන්ම වර්ෂාවත් සමග නායයාම් අවදානම් ප්‍රදේශවල ජීවත්වන ජනතාව පොළවේ ඇතිවන ඉරිතැලීම්, ගැඹුරට හෑරුණු පැලුම් හා පොළවේ ගිලා බැසීම්, ක්‍රමයෙන් ඇලවී යන ගස්, විදුලි කණු, වැටවල්, හා දුරකථන කණු ආදිය, ගොඩනැගිලිවල ගෙබිම හා බිත්ති මත ඇතිවන පිපිිරුම් හා ඒවායේ ක්‍රමික වර්ධනය වීම, එක්වර ජල උල්පත්මතුවීම හෝ පෙර පැවති උල්පත් බොරවීම, අවහිරවීම හෝ නැතිවීම වැනි නායයාම් පුර්ව ලක්ෂණ නිරීක්ෂණය වේ නම් එම ස්ථානවලින් හැකි ඉක්මනින් ඉවත්වීමට කටයුතු කරන මෙන් ආපදා කළමනාකරණ මධ්‍යස්ථානය ජනතාවට දැනුම් දේ.

එසේම පවතින කොවිඩ් වසංගත අවදානම හේතුවෙන් ගංවතුර තත්වයක් ඇති වුවහොත් එම තත්වය පාලනය කරගනිමින් ජීවිත සහ දේපළ ආරක්ෂා කර ගැනීම කටයුතු කරන ලෙස ආපාදා කළමනාකරණ මධ්‍යස්ථානය ජනතාවගෙන් ඉල්ලා සිටී,

පවතින කාලගුණ තත්වය හේතුවෙන් ඇතිවිය හැකි ආපදා පිළිබදව දැනගැනීම සදහා ආපදා කළමනාකරණ මධ්‍යස්ථානයේ 117 දුරකථන අංකයෙන් විමසන ලෙස තවදුරටත් ජනතාවට දැනුම් දේ.

– Janaka Handunpathiraja

27,258 Viewers

3 Comments to “පස් කන්දක් වැටී අධිවේගය වසා දමයි.. ප‍්‍රාදේශ ගණනාවකට නාය යාම් අනතුරු ඇගවේ..”

  1. lotus says:

    ණය නිසා ජනතාවට මරණය, රටේ සුපිරි ස්ථරයට රමණය.
    රටේ සුපිරි ස්තරය වන ආර්තික හා දේශපාලනික බලය හොබවන ප්‍රභූ පවුල් කීපයක්ද,රජයේ හා හමුදාවේ අධිකරණයේ ඉහල නිලධාරීන්ද ආගමික නායකයින්ද කුඩු ජාවරම් කාරයින් ඇතුලු විවිධ ජාවාරම් කාරයින්ද පාතාලයේ ක‌ෙරැමන්ද අන්‍යෝනය සහජීවනයකට එළබ මේ රටත් අතිමහත් සාමාන්‍ය ජනතාවත් විනාශයට පත්කරමින් සිටී.
    ජීවයේ පැවැත්මට ඔක්සිජන් අත්‍යාවශ්‍ය සේම ම‌ෙම සුපර් ස්තරයේ පැවැත්මට අවශ්‍ය ද‌ෙයක් ඇත.ඒ විදේශ ණයයි.ඔවුන් තම ශ්‍රී විභූතිය බලය මැරකම මේ හැම ද‌ෙයක්ම පවත්වාගන්නේ මේ ගන්න ණය කුට්ටි පිටින් තමතමන් අතර බ‌ෙදී යන යාන්ත්‍රණයක පිහිට‌ෙනි. එම යන්ත්‍රණය එම ස්තරය අත පවතින එම ස්තරය විසින් හොබවන ආණ්ඩු බලයයි.

  2. Ranga says:

    කාලගුන කාරයො ටික කොහෙද හිටියෙ. මෙච්චර තද වැස්සක් වහින බව නිකමටවත් දැන්වූයේ නැහැ. මුන්ගෙ අනාවැකි ඔක්කොම කඳු කඩා පාත්වෙලා නාය ගියාටත් පස්සෙ තමය්.
    වන්දි ඉල්ලන්න බැරි එකම ආයතනය තමය් කාලගුන දෙපාර්තමේන්තුව.

    • lol says:

      Kalin kohomada kiwwe? misala andu nisa wasangatha roga, naya yam. dan kohomada ? ubala tamayi ban patta wahalu kiyanne. walaliyalla dan gihilla

Main News