පසුගිය පාලන කාලයේ භීෂණය අමතක කරන්න එපා… සාධාරණ මැතිවරණයක් සඳහා එ.ජා.ප.ය සමඟ එක්වන්න.. – සාගල

December 14, 2017 at 4:40 pm | lanka C news
පසුගිය පාලන කාලයේ භීෂණය අමතක කරන්න එපා…  සාධාරණ මැතිවරණයක් සඳහා එ.ජා.ප.ය සමඟ එක්වන්න.. – සාගල

එක්සත් ජාතික පක්ෂය ඉතා සාධාරණ මැතිවරණයක් සිදුකරන බවත් අතීතයේ රට තිබුණු තත්වය ගැන සිහිපත්කරමින් සාධාරණ මැතිවරණයක් සඳහා සියලුම දෙනාට ආරාධනා කරන බව අමාත්‍ය සාගල රත්නායක මහතා පැවසීය.

අමාත්‍යවරයා මේ බව ප්‍රකාශ කර සිටියේ මාතර දිස්ත්‍රික්කයේ පස්ගොඩ, මාලිම්බඩ, හක්මන යන ප්‍රාදේශීය සභා සහ වැලිගම නගර සභාව සඳහා නාම යෝජනා පත්‍ර ලබාදීමේ අවස්ථාවට සහ පිටබැද්දර, කොටපොල යන ප්‍රාදේශීය සභා සඳහා ඇප මුදල් තැන්පත් කිරීමේ අවස්ථාවට අද (14) පෙරවරුවේ මාතරදී එක්වෙමිනි.

එම අවස්ථාවට මුදල් හා ජනමාධ්‍ය අමාත්‍ය මංගල සමරවීර, මාතර දිස්ත්‍රික් පාර්ලිමේන්තු මන්ත්‍රී බුද්ධික පතිරණ යන මහත්වරුන් ඇතුළු එක්සත් ජාතික පක්ෂයේ මැති ඇමතිවරුන් රැසක්ද එක්ව සිටියේය.

එහිදී වැඩිදුරටත් අදහස් දක්වමින් අමාත්‍ය සාගල රත්නායක මහතා මෙසේ සඳහන් කළේය,

” අවුරුදු 2 ට කලින් අපි නාම යෝජනා බාරදීලා රජයක් බිහිකරලා රට ගොඩනැගීමේ කාර්ය භාර්ය ආරම්භ කළා.ඒ වෙනුවෙන් මාතර දිස්ත්‍රික්කය විදියට, අපි විශාල වගකීමකින් යුතුව කටයුතු කළා. අපි එදා ආරම්භ කරපු කාර්ය භාර්ය සාර්ථකව ඉදිරියට ආපු නිසා තමයි රටේ ජනතාවට සාධාරණව ජීවත්වෙන්න පුළුවන් වටපිටාවක් ඇතිවුනේ. ඒ තත්වය අපි ඉදිරියටත් පවත්වාගෙන යනවා.

අපි රටේ ජනතාවගේ ආර්ථික තත්වය හොඳ තැනකට ගෙන එන්න කටයුතු කරනවා. ඒ සඳහා ගම ගොඩනගන කටයුක්ත ශක්තිමත්ව කරන්නයි පුංචි ආණ්ඩු ටිකත් අපිට ලබාගන්න යන්නේ. අපි බොහොම සාධාරණව මැතිවරණය සිදුකරනවා. මම කියන්නේ ජනතාව අතරට ගිහින් මැතිවරණය කරන්න. හැබැයි ගහ මරාගන්නේ නැතිව සාධාරණ මැතිවරණයක් කරන්න කියලයි.

ඒ වගේම කියන්න කැමතියි දැන් සමහරුන්ට අපි බලයට එන්න කලින් මේ රටේ තිබුණු වාතාවරනය අමතක වෙලා. ඒ වගේම තමයි කොන්ත්‍රාත් කරලා එදා සීග්‍රයෙන් දියුණු වෙච්ච පිරිසත් අද රටේ ජනතාවට අමතක වෙලා. මම ජනතාවට කියනවා මිට අවුරුදු දෙකකට කලින් මේ රට තිබුණු තැන ගැන අමතක කරන්න එපා. ඒ වගේම තමයි අපි බලාපොරොත්තු වෙන්නේ රටේ ජනතාවට සාධාරණව ඔලුව උස්සන්න පුළුවන් සමාජයක් ගොඩනැගීමයි.” යනුවෙන් අමාත්‍යවරයා එහිදී කියා සිටියේය.

– දිලංක ගුණතිලක

17 views

9 Comments to “පසුගිය පාලන කාලයේ භීෂණය අමතක කරන්න එපා… සාධාරණ මැතිවරණයක් සඳහා එ.ජා.ප.ය සමඟ එක්වන්න.. – සාගල”

  1. Saradiel says:

    වසර 2ක් චන්දය කල්දැම්මේ බයටද අලියා මේ වතාවේ පරදින්නේ 30 වතාවට

  2. Ranjan says:

    මට නම් පිස්සු නෑ තොපිට දෙන්න ඉන්න පිස්සො ටික දෙයි.

  3. Ga says:

    Banku horakame namen chande denna ma patte anna api balagena nine.

  4. Saman lanka says:

    88/89 kaleda?

  5. saman says:

    88-89 භීෂණය නේද?

  6. ඇටම් බොම් says:

    අප දුටු ලොකුම භීෂණ දෙකකි.
    1.) JVP භිෂණය
    2.) UNP බටලන්ද වධකාගාරය
    සාගල කතා කරන්නේ මෙයින් මොන එක ගැනද?

  7. Podda says:

    SLFP people rarely attacked UNPers after winning elections. UNPers attacked SLFPers even they were lost. UNPers stacked even people who strike to get few rupees for their salary.

  8. vishnu says:

    මූට මතක නෑ මුගෙ ලොක්ක විස්කි බිබී 89දී
    බටලන්දෙ කොල්ලෝ මරපුව

  9. cvr says:

    88/89 කාලය ගැනද ?

Main News