පළාත් සභා මැතිවරණය එපා.. එය ජන වරමට විරුද්දයි.. අවශ්‍ය නව ව්‍යවස්ථාවයි…- ප‍්‍රධාන හිමිවරුන් රැසක් ජනපතිට දන්වති..

March 30, 2021 at 6:21 am | lanka C news
පළාත් සභා මැතිවරණය එපා.. එය ජන වරමට විරුද්දයි.. අවශ්‍ය නව ව්‍යවස්ථාවයි…- ප‍්‍රධාන හිමිවරුන් රැසක් ජනපතිට දන්වති..

මේ මොහොතේ පළාත් සභා මැතිවරණයක් පැවැත්වීම අවශ්‍ය නොවන බව ප‍්‍රධාන පෙලේ භික්ෂූන් වහන්සේලා පිරිසක් විසින් ජනාධිපති ගෝඨාභය රාජපක්ෂ මහතාට ලිඛිත දන්වා තිබේ.

උන්වහන්සේලා විසින් මේ බව සඳහන් කරමින් ජනාධිපතිවරයාට යොමු කර ඇති ලිපිය මෙසේය.

අතිගරු ජනාධිපතිතුමා සහ සියළුම පාර්ලිමේන්තු මන්ත්‍රීවරුන් වෙත.

පළාත්සභා මැතිවරණය කඩිනම් කිරීමේ දේශපාලන වරද පිළිබඳව

පසුගිය දිනවල ඔබතුමා විසින් පළාත්සභා මැතිවරණය වහා පැවැත්විය යතු බව පැවසීම පිළිබඳව අප සැම විමතියට පත්වූයෙමු. නමුත් අප එම ප්‍රකාශය විග්‍රහ කරනු ලැබුවේ ඒ වන විට පැවැත්වීමට නියමිතව තිබූ ජිනීවා මානව හිමිකම් කවුන්සිලයේ ඡන්ද විමසීම ඉලක්ක කර ගනිමින් කරනු ලැබූ උපක්‍රමික දේශපාලන ප්‍රකාශයක් ලෙසය. එසේ වුවත් එම ප්‍රකාශය මගින් ඉන්දියාවේ තීරණය වෙනස් නොවූ බව දැන් පැහැදිලිය. ඊට අමතරව ඉන්දියාව ශ්‍රී ලංකාවේ සහායට ඉදිරිපත් නොවීම පිළිබඳව අපගේ අප්‍රසාදය ඉන්දියානු රජයට ප්‍රකාශ කළ යුතු බව අපගේ පිළිගැනීමයි

ඉන්දියානු විදේශ අමාත්‍යවරයා ශ්‍රී ලංකාවට පක්ෂව ඡන්දය දීමෙන් වැලකී සිටින අතර පළාත් සභා මැතිවරණය පැවැත්විය යුතු බවට සහ 13 වැනි සංශෝධනය සම්පූර්ණයෙන් ක්‍රියාත්මක කළ යුතු බවට බලපෑම් සහගත ප්‍රකාශ නිකුත් කිරීම ද අපි දැඩි ලෙස හෙළා දකිමු. එය ඉතා පැහැදිලිවම ශ්‍රී ලංකාවේ අභ්‍යන්තර දේශපාලන තීන්දු තීරණ වලට ඇඟිලි ගැසීමක් මිස අන් යමක් නොවේ.

ඔබතුමා විසින් රටට ඉදිරිපත් කළ සෞභාග්‍යයේ දැක්ම ලේඛනය මගින් මහජනයාට ලබා දුන් ප්‍රධාන පොරොන්දුව වූ නව ව්‍යවස්ථාවක් සම්පාදනය කිරීම සඳහා ව්‍යවස්ථා සම්පාදක මණ්ඩලයක් පිහිටුවීම නිසා මහජනයා තුළ අනාගතය පිළිබඳව ඉමහත් බලාපොරොත්තු ජනිත විය. ඊට අමතරව 20 වැනි ආණ්ඩුක්‍රම ව්‍යවස්ථාව සම්මත කරනු ලැබූ අවස්ථාවේ නව ව්‍යවස්ථාවක් පිළිබඳ අපේක්ෂාව ඔබතුමා විසින් තව දුරටත් තහවුරු කරන ලදි. ඒ අනුව මහජන අපේක්ෂා අනුව සහ ඔබතුමා විසින් මැතිවරණයට පෙර ලබා දුන් පොරොන්දුව අනුව නව ව්‍යවස්ථාව සම්මත කිරීමේ ක්‍රියාවලියට ප්‍රමුඛතාවය දිය යුතු බව ඔබතුමා පිළිගන්නවා ඇත.

ඒ අනුව පහත සඳහන් හේතු මත නව ව්‍යවස්ථාව සම්මත කරනතෙක් පළාත්සභා මැතිවරණය කල් දමන ලෙස අපි ඔබතුමාගෙන් ඉතා ඕනෑකමින් ඉල්ලා සිටිමු.

01. මහජන අපේක්ෂා අනුව නව ව්‍යවස්ථාව මගින් පළාත්සභා ව්‍යුහය තුළ සහ බලතල පිළිබඳව වෙනස්කම් සිදුවීම සඳහා ඉතා ඉහළ සම්භාවිතාවක් ඇත. එම නිසා නව පළාත්සභා පිහිටුවිය යුත්තේ එම ව්‍යවස්ථාමය ප්‍රතිපාදන සහ ඊට අදාළ නව නීතිමය රාමුවකට අනුවය. එවැනි තත්වයක් තිබියදී පැරණි පළාත්සභා ක්‍රමය නැවත ස්ථාපිත කිරීම සඳහා කඩිනමින් මැතිවරණයක් පැවැත්වීම කිසිසේත්ම සාධාරණීකරනය කළ නොහැක.

02. නව ව්‍යවස්ථාව පිළිබඳව සැලකිල්ලක් නොදක්වා එම මහජන අපේක්ෂාවට පිටුපාමින් පළාත්සභා මැතිවරණය පැවැත්වුවද මහජනතාවගේ ‍දෙවන අපේක්ෂාව වන මනාප ඡන්ද ක්‍රමය වෙනස් කිරීම සඳහා නව පළාත්සභා පනතක් අවශ්‍යවේ. එම නව පනත කළබලකාරී ලෙස සම්මත කිරීමට උත්සාහ කළහොත් සීමා නීර්ණයන් පිළිබඳ බරපතල ගැටළු ඇතිවිය හැකි අතර ජාතිවාදී සහ ආගම්වාදී ලෙස කොට්ඨාශ බෙදීමේ අනතුරක්ද මතුවේ. එවැනි තත්වයක් තුල පැරණි ක්‍රමය යටතේ පැරණි පනත සංශෝධනය කොට මැතිවරණය පැවැත්වීමද මහජන අපේක්ෂා වලට පිටුපෑමකි. එම නිසා ව්‍යවස්ථාවක් සම්මත කිරීමෙන් පසුව බිහිවන පළාත්සභා හෝ වෙනත් සභාවක ව්‍යුහය සහ බලතල අනුව නව පනතක් සකස් කිරීම වඩා තර්කානුකූල වේ.

03. කෝවිඩ් වසංගත තත්වය තවදුරටත් පවතින තත්වයක් යටතේ සහ භයානක තුන්වන රැල්ලක් මතු වීමේ අවධානමක් තිබියදී අත්‍යවශ්‍ය නොවන මැතිවරණයක් දේශපාන උවමනාවක් මත පැවැත්වීම මගින් පවතින ආණ්ඩුව මහජන අප්‍රසාදයට පත්විය හැක.

04. පළාත්සභා මැතිවරණය කල් දැමීම සිදු වූයේ පසුගිය ආණ්ඩුුව සමයේ දීය. එම නිසා මැතිවරණ කල් දැමීම පිළිබඳව වර්තමාන ආණ්ඩුවට චෝදනා කිරීමට හැකියාවක් නැත. එවැනි තත්වයක් තුළ මැතිවරණ කල් දැමීම නැමති චෝදනාවට බිය වී කළබලකාරී ලෙස මැතිවරණය පැවැත්වීම කිසිසේත්ම සාධාරණීකරනය කළ නොහැක.

05. පසගිය වසර තුනක කාලය තුළ පළාත්සභා නොමැතිවීම පිළිබඳව කිසිදු මහජන උද්ඝෝෂණයක් පැන නැඟුනේ නැත. එ් නිසා එම මැතිවරණය නව ව්‍යවස්ථාව සම්මත කරනතෙක් කල් දැමීම පිළිබඳව කිසිදු මහජන විරෝධයක් පැන නැඟීමට ඉඩක් නැත.

06. රට ආර්ථික අර්බුදයක ගිලී පවතින තත්වයක් තුළ ආර්ථිකය උද්දීපනය කිරීම සහ මහජනයාට ආර්ථික ඉඩ ප්‍රස්ථා වර්ධනය කිරීම සඳහා රාජ්‍ය මුදල් වැඩි වශයෙන් යෙදවීම වැදගත්වේ. එවැනි අවස්ථාවක පළාත්සභා මැතිවරණය පැවැත්වීම සඳහා වැය කළ යුතු රු. කෝටි 500ක පමණ මුදල ඒ සඳහා වන හදිසි රාජ්‍ය පිරිවැය දැරීම සඳහා යොදා ගැනීම වඩා යෝග්‍ය වේ.

මෙම කරුණු සියල්ල පිළිබඳව සහ පොදු මහජන අපේක්ෂා සැලකිල්ලට ගෙන නව ව්‍යවස්ථාවක් සම්මත කරනතෙක් පළාත්සභා මැතිවරණය පැවැත්වීම කල් දමන ලෙස නැවත වතාවක් ඔබතුමාවෙත අවධාරණය කිරීමට කැමැත්තෙමු.

මේ වගට,

  1. පුජ්‍ය ඕමාරේ කස්සප අනුනාහිමි
  2. පුජ්‍ය මුරුත්තෙට්ටුවේ ආනන්ද හිමි
  3. පූජ්‍ය බෙංගමුවේ නාලක අනුනාහිමි
  4. පූජ්‍ය කිරම විමලජෝති හිමි
  5. මහාචාර්ය පූජ්‍ය ඉත්තැදෙමලියේ ඉන්දසර හිමි
  6. මහාචාර්ය පූජ්‍ය මැදගොඩ අභයතිස්ස හිමි
  7. මහාචාර්ය පූජ්‍ය මල්වානේ චන්දරතන හිමි
  8. පුජ්‍ය හෑගොඩ විපස්සි හිමි
  9. පූජ්‍ය වැලිමිටියාවේ ඥානරතන හිමි
  10. ආචාර්ය කපුගොල්ලෑව ආනන්ද කිත්ති හිමි
15,607 views

7 Comments to “පළාත් සභා මැතිවරණය එපා.. එය ජන වරමට විරුද්දයි.. අවශ්‍ය නව ව්‍යවස්ථාවයි…- ප‍්‍රධාන හිමිවරුන් රැසක් ජනපතිට දන්වති..”

  1. සකු says:

    දන්නෙ නෙති නිසා අහන්න නෙ මේ රටට ඕන කුනු ගොඩ ක් ගේන්න පුලුවන් ද
    ගෙනාවොත් දඩුවම් නෙද්ද ප්‍රති අපනයනය විතරයි ද .
    මරු රට නේ එක රටක් එක නීතියක්

    • Sura says:

      පොල්තෙල් ආනයනය කළ සමාගම් 04ක් ගැන මුලින් ම කීවනේ. එයින්,
      මුල්ම දවසේ පරීක්ෂණ දෙකෙන්ම අසමත් වුණු සමාගමේ ආනයනය කළ තෙල් තෙවැනි පරීකෂණයකින්වත් සමත්වෙලාද, දැන් ඒගැන කතාවක් නැත්තේ….
      දැන් කතාඩ කරන්නේ සමාගම් 03ක් ගැන පමණයිනේ.

  2. country man says:

    THIS IS THE BEST SUGESTION AT THE MOMENT. WE HAVE MORE IMPORTENT PROBLEMS AT THIS JUNCTURE.SPENDING MONEY FOR THE COVID VACCINE SHOULD BE GIVEN THE PRIORITY. ELECTIONS CAN COME AFTER.

    • The PEOPLE says:

      The foremost wish of the people who voted to bring this government into power is to take this opportunity given to bring a new constitution to safeguard the national interests of the nation.They expect patriotic MPs in the opposition too to support it. The people are prepared to make any sacrifices and undergo any period of austerity,in case other powerful nations try to interfere in our internal matters which would be done for the betterment of our motherland.

    • The PEOPLE says:

      The foremost wish of the people who voted to bring this government into power is to take this opportunity given to bring a new constitution to safeguard the national interests of the nation.They expect patriotic MPs in the opposition too to support it. The people are prepared to make any sacrifices and undergo any period of austerity,in case other powerful nations try to interfere in our internal matters which would be done for the betterment of the motherland.

  3. දුස්රා says:

    “පසුගිය දිනවල ජනාධිපතිවරයා විසින් පළාත්සභා මැතිවරණය වහා පැවැත්විය යුතු බව පැවසීම ජිනීවා මානව හිමිකම් කවුන්සිලයේ ඡන්ද විමසීම ඉලක්ක කර ගනිමින් කරනු ලැබූ උපක්‍රමික දේශපාලන ප්‍රකාශයක්ලු.. .ඉන්දියාවද ගොනාට ඇන්දවීමක්ලු”
    මේ හාමුදුරැවන් පිරිසක් ලෝකයේ අනෙක් රටවල් සහ ඉන්දියාව දෙස බලන ආකාරයයි..ජනාධිපතිගේ දෘෂ්ඨියද ඊට වෙනසක් නැති බව පැහැදිලිය.
    නූතන රාජ්‍යත්‍රන්ත්‍රික ලෝකයක වනචාරී ලෙස කටයුතු කරන්නට ගොස් දැනටමත් කඳ හරහා ඇනගෙන ඉන්න වානරයන් ඉන්දියාව ගොනාට අන්දන්න ගොස් තවත් ලොකු අමාරැවක වැටෙන බව නම් ඉඳුරාම කිව හැක.

  4. clement says:

    Niyama dusrawak apee hamuduruwoo damme,,,ratata adaree nisa nemai,, unwahansela path karagth raja apath nathiwa gedara yawanna minissu balagena innawa,,, eaa kontharathuwa thamai unwahansela karanne..

Main News