ප්ලාස්ටික් වෙනුවට කෙසෙල් ගසෙන් නව නිපැයුමක් එයි.. අපේ රටේ පැලවත්ත සමාගමේ ඇණැවුමම බාර දෙයි..

September 3, 2020 at 10:00 am | lanka C news
ප්ලාස්ටික් වෙනුවට කෙසෙල් ගසෙන් නව නිපැයුමක් එයි.. අපේ රටේ පැලවත්ත සමාගමේ ඇණැවුමම බාර දෙයි..

කෙසෙල් කඳ යොදා ගනිමින් නිෂ්පාදනය කරන පරසර හිතකාමී යෝගට් කෝප්පය ඇතුළු අනෙකුත් ආහාර ඇසුරුම් පෙළක් පර්යේෂණ මට්ටමින් නිපදවා ඇති ‘එකෝ – මා පැකේජින් පෞද්ගලික ආයතනයේ’ සභාපති, නව නිපැයුම්කරුවකු වන මේනක ආරියරත්න මහතාට කඩිනමින් සිය නිෂ්පාදනය වෙළඳපොළට නිකුත් කිරීම සඳහා අවශ්‍ය සහයෝගය ලබා දීමට කර්මාන්ත අමාත්‍ය විමල් වීරවංශ මහතා කටයුතු යොදා තිබේ.

ඒ අනුව පරිසර හිතකාමී, සෞඛ්‍යාරක්ෂිත යෝගට් කෝප්ප ඇතුළු ආහාර ඇසුරුම් පෙළක් මෙරට ජනතාව ලබා දීමටත් ඉදිරියේ දී ඒවා ශ්‍රී ලාංකේය අභිමානය සහිතව විදෙස් වෙළඳාපොළට නිකුත් කිරීමටත් හැකි වනු ඇති බවට මේනක ආරියරත්න මහතා පවසයි.

පසුගියදා අමාත්‍යවරයා කර්මාන්ත අමාත්‍යාංශයේ දී හමුවීමෙන් අනතුරුව සිය නිෂ්පාදන පෙළ පිළිබඳව වැඩිදුරටත් අදහස් දැක්වූ මේනක ආරියරත්න මහතා මෙසේද සඳහන් කළේය.

‘කෙසෙල් කඳට මිල වටිනාකමක්’

“අපි මේ වන විට කෙසෙල් කඳ යොදා ගෙන ආහාර ඇසුරුම් නිෂ්පාදන පෙළක් නිෂ්පාදනය කොට තිබෙනවා. මේ සඳහා මෙරට කෙසෙල් ගොවීන් ඵලදාව නෙලා ගැනීමෙන් පසු ඉවත දමන කෙසෙල් කඳන් තමයි අපි යොදා ගන්නේ. මෙතෙක් කලක් කෙසෙල් ගොවියාගේ ‘කෙසෙල් කඳට’ මිල වටිනාකමක් ලැබුණේ නැහැ. නමුත් අපේ නව නිපැයුම් පෙළත් සමඟ කෙසෙල් කඳට මිල වටිනාකමක් ලැබෙනවා. ඒ නිසා කෙසෙල් ගොවියාට තම අස්වැන්න මත පදනම් නොවූ ආදායමක් ලැබෙනවා. එමගින් කෙසෙල් වගාව ප්‍රවර්ධනය වීමක් ද මෙමඟින් සිදුවේවි.

‘පරිසර හිතකාමී යෝගට් කෝප්පය’

අපි මේ කෙසෙල් කඳ භාවිතා කරමින් සාදන ආහාර ඇසුරුම් පෙළ කාබනික, පරිසර හිතකාමී ආහාර ඇසුරුම් පෙළක්. මේ පරිසර හිතකාමී ආහාර ඇසුරුම් පෙළ නිසා මෙතෙක් කලක් පරිසරයට එකතු වූ විශාල ප්ලාස්ටික් අපද්‍රව්‍ය ප්‍රමාණයක් නතර කරන්න පුළුවන් වෙනවා. මාසයකට ප්ලාස්ටික් යෝගට් කෝප්ප ලක්ෂ 100ක් නිෂ්පාදනය වෙනවා. ඒ නිසා අපට උපකල්පනය කළ හැකියි, ‘මාසයකට පරිසරයට එකතු වන ප්‍රතිචක්‍රීය කළ නොහැකි ප්ලාස්ටික් අපද්‍රව්‍ය ප්‍රමාණය කොපමණද’ කියා. ඒ පරිසරයට සිදු වන හානිය අවම කර ගැනීම පිළිබඳවත් සිතමින් තමයි මේ කෙසෙල් කඳ උපයෝගී කර ගනිමින් අපේ පරිසර හිතකාමී, සෞඛ්‍යාරක්ෂිත යෝගට් කොප්පය නිර්මාණය කළේ. එය ප්‍රධාන නිපැයුමයි. ඊට අමතර බත් ඇතුළු ආහාර ඇසුරුම් පෙට්ටි, ආහාර ඔතන කඩදාසි ලෙස ප්ලාස්ටික් ආශ්‍රිත ආහාර ඇසුරුම් සියල්ලට අපි විකල්ප ඇසුරුම් නිෂ්පාදනය කිරීමට සූදානම්.

මෙම නිෂ්පාදන පෙළ වෙළෙඳපොළට හඳුන්වා දීමේ අභියෝගය මා හමුවේ පැවතුණා. ඒ සඳහා අවශ්‍ය සහයෝගය බලාපොරොත්තුවෙන් මා කර්මාන්ත අමාත්‍ය විමල් වීරවංශ මහතා හමුවුණා. කර්මාන්තකරුවන්ට සවියක් වීමට, ඔවුන්ගේ ගැටලු ඍජුව අමාත්‍යතුමන්ට ඉදිරිපත් කිරීමට ලබා දී ඇති ‘සඳුදා කර්මාන්තකරුවන්ගේ දිනයේ දී තමයි මා එතුමා හමුවුණේ. මා හට අවශ්‍ය සහයෝගය ලබා දීමට ඇමතිතුමා ඉතා කැමැත්තෙන් මැදිහත් වුණා. ලංකා කාර්මික සංවර්ධන මණ්ඩලයේ සභාපතිතුමන් කැඳවා අපේ මේ පරිසර හිතකාමී, සෞඛ්‍යාරක්ෂිත ආහාර නිපැයුම් පෙළ වෙළඳපොළට නිකුත් කිරීම සඳහා වන ක්‍රියාදාමයට උපරිම සහයෝගය ලබා දෙන ලෙස එතුමන් උපදෙස් දුන්නා. ඒ නිසා මට මේ අභියෝගය ජය ගත හැකි යැයි විශාල විශ්වාසයක් ඇති වුණා. මගේ බලාපොරොත්තුව හැකි ඉක්මනින් අපේ නිෂ්පාදන වෙළෙඳපොළට නිකුත් කර මෙරට ජනතාව පරිසර හිතකාමී. සෞඛ්‍යාරක්ෂිත ආහාර පරිභෝජනයකට හුරු කර වීමයි.

ඒ වගේම දැනටමත් ප්ලාස්ටික් යෝගට් කෝප්පය වෙනුවට අපේ පරිසර හිතකාමී, සෞඛ්‍යාරක්ෂිත යෝගට් කෝප්පය සිය නිෂ්පාදන සඳහා යොදා ගැනීමට ‘පැලවත්ත ඩෙයරි ප්‍රොඩක්ට්’ ආයතනය ගිවිසුම් ගතව සිටින බවත් කියන්න කැමතියි.”

අනුරුද්ධ බණ්ඩාර රණවාරණ,
මාධ්‍ය ලේකම්,
කර්මාන්ත අමාත්‍යාංශය

68,870 views

13 Comments to “ප්ලාස්ටික් වෙනුවට කෙසෙල් ගසෙන් නව නිපැයුමක් එයි.. අපේ රටේ පැලවත්ත සමාගමේ ඇණැවුමම බාර දෙයි..”

  1. ලපයා says:

    බොරු වැඩ..මෙ මොනාද මල හොල්මන්..මුලු රටම කැලබිලා

    • suren says:

      Excellent step. But be careful all Muslim chaps who import freely anything will disguise in various names to spread false news against these steps as you see in some comments here.

    • narada says:

      විජයගේ තිරිසන් ලේ කලවන් උන ජාතියක්, ජම්මයක් නැති පරාදීන උන් අපේ හෙළ රටේ ඉන්නවා. උන් තිරිසන් ගති පෙන්නන එක නවතන්නේ නෑ. ලපයා හොද උදාහරණයක්

  2. කුහකයා says:

    ඉන්දියාවෙන් හෝ නොදන්නා රටකින් මේකට ආදේශකයක් ගෙනල්ලා මෙයාගේ වැඩේ ඇනකොන්ඩා කරලා රට නංවමු

  3. SDG says:

    This is a good initiative, appreciate minister’s positive move. Need to give financial support as well, if required .It can be improved as a Sri Lankan product. Even though the production cost may be little higher than the plastic, this must be encouraged. The price difference can be covered from the product which contains (yogurt, rice etc..)

  4. Aruna says:

    We will definitely shift to Palawatta yogurt if they start this.
    Also there is a opportunity for another entrepreneur to produce small wooden spoons for yogurt. The current plastic yogurt spoons are a huge threat.

  5. රටවැසි says:

    හා එන්න , කකුලෙන් අදින කට්ටිය වැඩ පටං ගන්න . පහු උනොත් කොහු වෙයි . ඉක්මනට ම ඇදපියෝ ඕඕඕඕ .

  6. dilshan says:

    WOW, superb work!!!. What a solution for daily plastic waste.

    • Aniwa says:

      we need to introduce to use recyclable plastics. That’s what the western world have been doing for years.

  7. අනිල් ප්‍රනාන්දු says:

    දැනට තියන සම්පත් යොදාගෙන කල හැකි කාර්යයක් තමයි මෘදුකාංග සහ තොරතුරු තාක්ෂණය සම්බන්ධ කර්මාන්ත. ගෙඩි පිටින් විදේශ බලවේග මේවාට සම්බන්ධ වෙලා ඉන්නවා නැති කරන්න නේද?. නියෝජිතායතනය බොරු කරනවා නේද?, ව්‍යාපෘති ගැන විගණනය කලොත් හොරු අහුවෙයි නේද. අදාල ඇමැති කැමැති නම් ලොකු වැඩක් කල හැකිය.

  8. manoj says:

    Superb step !!! Really appreciate Mr.Wimal 🙂 🙂 🙂

  9. hitan says:

    great work

  10. සමන් says:

    My hats-off to Minister weerawansha

Main News