ප්‍රධාන පාසලක ගුරුවරියකට සහ සිසුන් දෙදෙනෙකුට කොරෝනා.. පෙර අසාදිතයා පාසල් සිසුවෙක්..

January 21, 2021 at 6:22 am | lanka C news
ප්‍රධාන පාසලක ගුරුවරියකට සහ සිසුන් දෙදෙනෙකුට කොරෝනා.. පෙර අසාදිතයා පාසල් සිසුවෙක්..

හැටන් කලාප අධ්‍යාපන කාර්යාලය යටතේ පාලනය වන හැටන් ප්‍රදේශයේ ප්‍රධාන දමිල පාසලක ස්වයං නිරෝධානයට යොමු කර සිටි ගුරුවරියකට සහ 10 වසරේ අධ්‍යාපනය ලබන සිසුන් දෙදෙනෙකුට කොවිඩ් 19 වෛරසය අසාදනය වි ඇති බවට (20) දින ලද පි.සි.ආර් පරික්ෂණ වාර්තා අනුව තහවුරු වු බව හැටන් දික්ඔය නගර සභාවේ මහජන සෞඛ්‍ය පරික්ෂක ආර්.ආර්.එස් මැදවෙල මහතා පැවසිය.

ඉකුත් 15 දින එම පාසලේ 10 වසරේ අධයාපනය ලබන පාසල් සිසුවෙකුට කොවිඩ් 19 වෛරසය අසාදනය වි ඇති බවට තහවුරු වු නිසා එම සිසුවා බගවන්තලාව නිරෝධායන මධ්‍යස්ථානය කරා යොමු කර එම පාසලේ සිසු සිසුවියන් 38 දෙනෙකු සහ ගුරුවරුන් සිව්දෙනෙකු ස්වයං නිරෝධානයට යොමු කර පසුව සිදු කල පි.සි.ආර් පරික්ෂණය අනුව එම පාසලේ ගුරුවරියෙකුට සහ සිසුන් දෙදෙනෙකුට කොවිඩ් 19 වෛරසය අසාදනය වි ඇති බවට තහවුරු වු බවයි මහජන සෞඛ්‍යය පරික්ෂකවරයා කියා සිටියේ.

කොවිඩ් 19 වෛරසය අසාදනය වු ගුරුවරිය සහ සිසුන් දෙදෙනා නිරෝධායන මධ්‍යස්ථානයක් වෙත යොමු කරන බව මහජන සෞඛ්‍යය පරික්ෂකවරයා පැවසිය.

– හැටන් රංජිත් රාජපක්ෂ

7,393 views

One Comment to “ප්‍රධාන පාසලක ගුරුවරියකට සහ සිසුන් දෙදෙනෙකුට කොරෝනා.. පෙර අසාදිතයා පාසල් සිසුවෙක්..”

  1. නිසාර්M says:

    රත්මලාන කොතළාවල පීථය වටේ ඉන්න බෝඩිංවල ළමුන් ගොඩකට​ පොසිටිව් වෙලා…

Main News