ප්‍රධාන මාර්ගයේ කොටසක් ලොරියක් සමග ගිලා බසි….

July 4, 2020 at 8:02 am | lanka C news
ප්‍රධාන මාර්ගයේ කොටසක් ලොරියක් සමග ගිලා බසි….

නාවලපිටිය තලවකැලේ ප්‍රධාන මාර්ගයේ නාවලපිටිය මහ රෝහල ඉදිරිපිට ලොරි රථයක්  ගිලා බැස ඇති බව නාවලපිටිය පොලිසිය පැවසිය.

නාවලපිටිය රෝහල ඉදිරිපිට වෙලදසැලකට ලොරි රථයකින් රැගෙන එන ලද තිරිගු පිටි බාමින් සිටින අතරතුර ලොරි රථයේ පසුපස රෝදය එකවරම ගිලා බැසිමත් සමග ලොරි රථය එක් පැත්තකට ඇල වි ඇත.

නාවලපිටිය නගරයට ප්‍රධාන මාර්ගයට යටින් පානිය ජලය බෙදා හරින ජල නලයක් එලා තිබු කොටසකුයි මෙසේ ගිලා බැස ඇත.

ලොරි රථය කොටසක් ගිලා බැසිමත් සමග ජල නලයටද හානි සිදු වි ඇති නිසා ජලය ප්‍රධාන මාර්ගය හරහා කාන්දු විමත් සමග නාවලපිටිය නගරයට පානිය ජලය බෙදා හැරිමද නතර වි ඇත.

ගිලා බැස ඇති ලොරි රථය ඉවත් කිරිමෙන් අනතුරුව හානි සිදු වු ජල නලය අලුත්වැඩියා කිරිමේ කටයුතු ආරම්භ කරන බව නාවලපිටිය ජල සම්පාදන මණ්ඩලයේ නිලධාරියෙකු පැවසිය.

– හැටන් රංජිත් රාජපක්ෂ

32 views

5 Comments to “ප්‍රධාන මාර්ගයේ කොටසක් ලොරියක් සමග ගිලා බසි….”

  1. කෙටි-සදුන් says:

    මට කිසිවක් අවශ්‍ය නැත, මම මගේ බිරිඳට බිය වෙමි.
    මගේ එකම දක්ෂතාව පාලනය නොකර කතා කිරීම

    මම නිතරම උත්සාහ කරන්නේ ඉණිමඟට නැගීම සඳහා අනෙක් අයගේ බෙල්ල කපා දැමීමටයි

  2. 77 UNP says:

    ජලසම්පාදන මණ්ඩලය කරන තකතීරු වැඩක් තමයි මාර්ගයේ තාර තට්ටුව කපා එහි ජලනල එළීම. පාරේ දුවන වාහනවල එක රෝදයක් හරියටම නලයට උඩින් තමයි පිහිටන්නේ. මහාමාර්ග අමාත්‍යංශයත්, පළාත්පාලන ආයතනත් එකතුවෙලා පාරවල්වල නියමිත බිම් තීරුවම මාර්ගය විධියට සලකුණු කරලා වෙන්කරලා දෙන්න ඕන. ජලනළ , විදුලි සහ දුරකථන කේබල් සඳහා. ඒ කොටස පදිකයන් සඳහා සකස් කිරීමත් වැදගත්. අපිට දැකගන්න පුළුවන් දෙමටගොඩ-බොරැල්ලත් අලුත්මාවත හොඳින් කාපට් කරපු පාරවල්වල්වල කරණ ගොන් වැඩ. උන්ට මොකද ජනතාව බදු ගෙවනවා ඒවායේ හිලව්වට.

  3. Ajith says:

    ලංකාවේ ඕනෑම පාරක් ලස්සනට හදලා කාපට් කරලා වැඩිම උනොත් මාස දෙකක් හොඳට තියෙයි. ඊට පස්සේ ජලනළ එලන්න නැතිනම් ටෙලිෆෝන් හෝ විදුලි කම්බි එලීම හෝ කසලමාර්ග අලුත්වැඩියාව සඳහා පාර මැදින් කානු කපනවා. මහා විනාසයක් කරනවා. මාර්ගය අහුරා රථවාහන අවහිරකර මහජනතාවත් පීඩනයකට පත්කරනවා. ඒ විතරද මේ මගින් වෙන මුදල් නාස්තිය කොයි තරම්ද? මේ අය මේ වගේ දේ කරන්නේ නොදැනුවත් කමින් හෝ අනවබෝදෙයන් නොවෙයි. මහජන මුදල් ගසා කන්න අවස්තාව වැඩි කරගන්න කියලා අපටනම් තේරෙනවා. එත් රටේ පාලකයන්ට මේක තේරෙන්නේ නැත්තේ ඇයි කියලා නම් අපට තේරෙන්නේ නැහැ. සමහරටවිට පාලකයන්ටත් මේකෙන් හොඳ ගානක් යනවා ඇති.
    මේ ආයතන අතරේ හොඳ සම්බන්දතාවයක් තියාගන්න ඕනෑ කියලා මේවායේ පාලකයන්ට හිතෙන්නේ නැතිද?

Main News