ප්‍රබල ඇමැති 4ක්‌ මහින්ද සමග එක්‌වෙති..

May 28, 2017 at 12:22 am | lanka C news
ප්‍රබල ඇමැති 4ක්‌  මහින්ද සමග එක්‌වෙති..

ඉදිරියේදී ඇතිවන තීරණාත්මක අවස්‌ථාවකදී තම උපරිම සහයෝගය ලබාදෙන බව ආණ්‌ඩු පක්‍ෂයේ ඇමැතිවරු හතරක්‌ හිටපු ජනාධිපති මහින්ද රාජපක්‍ෂ මහතා හමුවී ප්‍රකාශ කර ඇත.

මෙම හමුව පසුගිය සතියේ අවස්‌ථා තුනකදී සිදුවූ බව ඒකාබද්ධ විපක්‍ෂයේ ජ්‍යෙෂ්ඨ ප්‍රකාශකයකු පැවැසීය.

එක්‌සත් ජාතික පක්‍ෂය හා ශ්‍රී ලංකා නිදහස්‌ පක්‍ෂය නියෝජනය කරන ප්‍රබල ඇමැතිවරු පිරිසක්‌ මෙලෙස වරින් වර මහින්ද රාජපක්‍ෂ මහතා හමුවී සාකච්ඡා කළ බව හෙතෙම කීය.

පසුගියදා සිදුකළ ඇමැති මණ්‌ඩල සංශෝධනයට අයත්වූ ඇමැතිවරු කිහිප දෙනකු හා තවත් ඇමැතිවරු පිරිසක්‌ හිටපු ජනාධිපතිවරයා හමුවූ පිරිස අතර සිටින බවද හෙතෙම සඳහන් කළේය.

සම්මුතික ආණ්‌ඩුවේ ගිවිසුම්ගත වසර දෙක ලබන අගෝස්‌තු මාසයෙන් අවසන් වන බැවින් ඒ වනවිට තම තීරණය ගැනීම සඳහා තවත් ඇමැතිවරුන් පිරිසක්‌ සූදානමින් සිටින බවද එම ප්‍රකාශකයා සඳහන් කළේය.

– දිවයින

37 views

13 Comments to “ප්‍රබල ඇමැති 4ක්‌ මහින්ද සමග එක්‌වෙති..”

  1. රාහුල කොලුවා says:

    ඔය කියන ඇමතිවරු හතර දෙනා මහින්දව කරේ තියන් උස්සන් ආවත් ආයේ අපෙන් නම් ඕකුන්ට මනාප ලැබෙන්නේ නෑ… ඒ හින්දා ඔය ලැගලා ඉන්න වලේම දිගටම හිටියට අපිට කමක් නෑ…

Main News