ප්‍රසන්න රණතුංගගෙන් මෛත්‍රීට රහසිගත ලිපියක්..

May 25, 2017 at 3:50 pm | lanka C news
ප්‍රසන්න රණතුංගගෙන් මෛත්‍රීට රහසිගත ලිපියක්..

පාර්ලිමේන්තු මන්ත‍්‍රී ප‍්‍රසන්න රණතුංග මහතා විසින් ජනාධිපති මෛත‍්‍රීපාල සිරිසේන මහතා වෙත යොමු කර ඇති ලිපියක් පහත දැක්වෙයි.

ශ්‍රී ලංකා නිදහස් පක්ෂයේ ගරු සභාපති,
අතිගරු ජනාධිපති මෛත්‍රීපාල සිරිසේන මැතිතුමා,
ජනාධිපති ලේකම් කාර්යාලය,
කොටුව,

අතිගරු ජනාධිපතිතුමනි,

ශ්‍රී ලංකා නිදහස් පක්ෂය වර්තමානයේ මුහුණ දී තිබෙන අවාසනාවන්ත තත්ත්වයෙන් මුදා ගැනීම සම්බන්ධවයි

මෙවැනි ලිපියක් ඔබතුමා වෙත යොමු කරනු ලබන්නේ 70 දශකයේ සිට මිය යන තෙක්ම ශ්‍රී ලංකා නිදහස් පක්ෂයේ උන්නතිය සහ ජයග්‍රහණය වෙනුවෙන් ලේ, කඳුළු, දහදිය හෙලූ සැබෑ පාක්ෂිකයකු වන රෙජී රණතුංග මැතිතුමන්ගේ පුත්‍රයා ලෙසය. එසේම 1993 බස්නාහිර පළාත් සභා මැතිවරණයේ සිට 2015 මහ මැතිවරණය දක්වා ගම්පහ දිස්ත්‍රික්කයෙන් ඉහළම මනාප ලබා ගනිමින් ජනතා විශ්වාසය තහවුරු කරගත් ජනතා නියෝජිතයකු ලෙසය. ඒ කිසිවකටත් වඩා දිවා රෑ දෙකෙහිම ශ්‍රී ලංකා නිදහස් පක්ෂයේ ජයග්‍රහණයම පැතූ ඒ වෙනුවෙන් ජීවිත පරිත්‍යාගයෙන් කටයුතු කළ සැබෑ ශ්‍රී ලංකා නිදහස් පාක්ෂිකයකු ලෙසය.

ශ්‍රී ලංකා නිදහස් පක්ෂයට අද උරුමව ඇති ඉරණම සම්බන්ධයෙන් සැබෑ පාක්ෂිකයකු ලෙස මසිතේ ඇත්තේ බලවත් කණගාටුවකි. ‍2015 ජනවාරි 08 වැනි දා වන විට විධායක ජනාධිපතිවරයකුගේ නායකත්වය යටතේ පාර්ලිමේන්තුවේ තුනෙන් දෙකක බලයකුත් පළාත් සභා 9න් 8කත් පළාත් පාලන ආයතන සියල්ලම පාහේත් පාලන බලය හිමිකර ගෙන සිටි ශ්‍රී ලංකා නිදහස් පක්ෂය ප%මුඛ සන්ධානය අද සිටින තැන ඔබතුමාට හෝ රටට හෝ රහසක් නොවේ. දේශපාලන කෙළිබිමෙහි ජයකෙහෙළි නැංවූ අප පක්ෂය අද රුවල් කැඩුණු නෞකාවක් බඳු අන්ත අසරණ තත්ත්වයකට පත්ව තිබේ. 2015 වසරේ මුල භාගයේ දී පමණ මා ඔබතුමන් වෙත ලිපියක් මඟින් ලියා දැනුවත් කරන්නට උත්සාහ කළ එම කරුණ අද අපගේ දෙනෙත් ඉදිරියේම සැබෑවක් වී තිබේ.

අප ආදරණීය පක්ෂය මෙම අභාග්‍ය සම්පන්න ඉරණමට ලක්වන බව මා එදා ලිපියක් මඟින් ලියා එවූ අවස්ථාවේ දී එය පොඩි එකාගේ ලියුමක් යැයි අවඥාවෙන් බැහැර කළ ඔබතුමාත් ඊට සමච්චල් කළ පක්ෂයේ එවකට හිටපු මාධ්‍ය ප්‍රකාශකවරයාත් ගැන සානුකම්පිතව බලනු හැර අපට කළ හැකි වෙනකක් නොමැත. එස්. ඩබ්ලිව්. ආර්. ඩී බණ්ඩාරනායක ශ්‍රීමතාණන් දිවිපුදා රටට දායාද කළ, සිරිමාවෝ බණ්ඩාරනායක මැතිණිය ලෙයින්, කඳුලින් පෝෂණය කළ, චන්ද්‍රිකා බණ්ඩාරනායක මැතිනිය සහ මහින්ද රාජපක්ෂ මැතිතුමන් විසින් ශක්තිමත් කළ අපගේ උදාර පක්ෂය අද මුහුණපා සිටින කණගාටුදායක ඉරණමට වගකිවයුත්තන් පිළිබඳ අනාගතය නමැති අධිකරණයේ දී විනිශ්චය කෙරෙනු ඇති නිසා ඒ සම්බන්ධයෙන් කිසිවක් නොකියමි.

2015 ජනවාරි මස 08 වැනි දා පැවැති ජනාධිපතිවරණයේ දී ශ්‍රී ලංකා නිදහස් පක්ෂයේ මහ ලේකම් ධූරය අතහැර එක්සත් ජාතික පක්ෂය ඇතුළු ප්‍රතිවාදී බලවේග සමඟ එක්ව ජනාධිපතිවරණයට තරග කළ ඔබතුමා අතින් ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධා‍නයේ ජනාධිපති අපේක්ෂකයා වූ මහින්ද රාජපක්ෂ මැතිතුමා පරාජයට පත් විය. නොඉවසිය හැකි පරාජයක් හමුවේ වුව ද ජනවාරි මස 09 වැනි දින ජනාධිපතිවරණය ප්‍රතිඵල සම්පූර්ණයෙන් ප්‍රකාශයට පත් කිරීමටත් ප්‍රථම ජනතා තීන්දුවට හිස නැමූ මහින්ද රාජපක්ෂ මැතිතුමා අරලියගහ මන්දිරයෙන් ඉවත් වී මැදමුලන සිය නිවෙස බලා ගියේ සැබෑ ශ්‍රී ලංකා නිදහස් පාක්ෂිකයකුගේ විනය සහ නිහතමානීත්වය ලොවටම ප්‍රදර්ශනය කරමිනි.

රාජපක්ෂ මැතිතුමාගේ නික්ම යාම ලක්ෂ 58ක් වූ අප පාක්ෂිකයන්ගේ නෙත් කඳුළින් තෙමුවත් කඳුළු පිසලා ආඩම්බරයෙන් හිස ඔසවා සිනාසෙන්නට අපට වරම් ලැබුණේ අපේ පක්ෂයේ නායකයාගේ එම ශ්‍රේෂ්ඨ ක්‍රියාව නිසාය. ජනාධිපතිවරණයෙන් පරාජයට පත් වුවත් මහින්ද රාජපක්ෂ මැතිතුමන්ගේ නායකත්වයෙන් විපක්ෂයට වී නැවත වරක් කඳවුරු බැඳ ශ්‍රී ලංකා නිදහස් පක්ෂය ලෙස රටේ පාලන බලය ලබා ගැනීමට හැකිවෙතැයි ලක්ෂ 58ක් වූ ජනතාව අපේක්ෂා කළහ. එම අපේක්ෂාවන් හට දිරි ලැබුණේ ජයග්‍රාහී අපේක්ෂකයා එක්සත් ජාතික පක්ෂය ප්‍රමුඛ පොදු විපක්ෂයේ අපේක්ෂකයා වීම නිසාය. එසේම ජයග්‍රහණය කළ පසුව තමන් නිර්පාක්ෂිකව කටයුතු කරන බවට ජනාධිපතිවරණයට පෙරාතුරව ජනතාව හමුවේ ප්‍රකාශ කර තිබීම නිසාත් නිදහස් පාක්ෂිකයන් විශ්වාස කළේ ශ්‍රී ලංකා නිදහස් පක්ෂය එහි සභාපතිවරයා‍ වූ හිටපු ජනාධිපතිවරයාගේ නායකත්වයෙන් ඉදිරි ගමන අරඹනු ඇති බවය.

එහෙත් ජනාධිපතිවරණයෙන් සතියක් ඉක්මෙන්නටත් පෙර ඔබතුමා ශ්‍රී ලංකා නිදහස් පක්ෂයේ නායකත්වය ලබා ගැනීම සඳහා උනන්දු වන බව දැනගන්නට ලැබීම අප පාක්ෂිකයන් කිසිවිටෙකත් අපේක්ෂා නොකළ කරුණක් විය. ශ්‍රී ලංකා නිදහස් පක්ෂයේ නායකත්වය මහින්ද රාජපක්ෂ මැතිතුමාගෙන් උදුරා ගැනීම එම පක්ෂය ප්‍රමුඛ එක්සත් ජනතා නිදහස් සන්ධානයට ඡන්දය ප්‍රකාශ කළ ලක්ෂ 58ක ඡන්දදායකයන්ට සිදු වූ ඵෙතිහාසික අසාධාරණයක් මම දකිමි. ජනාධිපතිවරණ දෙකකට ඉදිරිපත්ව පරාජයට පත්වුවත් රනිල් වික්‍රමසිංහ මැතිතුමන්ට එක්සත් ජාතික පක්ෂයේ නායකත්වය අහිමි නොවුණු අතර ජයග්‍රාහී අපේක්ෂකයා කිසිවිටෙකත් එ. ජා. පයේ නායකත්වය ඩැහැ ගැනීමට ද උත්සාහ කළේ නැත. මෙරට පමණක් නොව ලෝකයේම කිසිදු නායකයකු තමන්ට විරුද්ධව ඡන්දය දුන් පිරිසක් මැදට ගොස් නායකත්වය භාර ගැනීමට කටයුතු කර ඇතැයි මම නොසිතමි. ඔබතුමාට විරුද්ධව ඡන්දය ප්‍රකාශ කළ ලක්ෂ 58 ජනතාවක් මැදට ඔබතුමා තල්ලු කර දැමීම කාගේ වුවමනාවට සිදු වූ කුමන්ත්‍රණයක් ද යන්න ජනතාවට ර‍හසක් නොවෙතත් ඒ සම්බන්ධයෙන් නිවැරැදි කියවීමක් තවම ඔබතුමාගේ පාර්ශ්වයෙන් සිදුව නොමැති බව මම විශ්වාස කරමි.

හිටපු ජනාධිපතිවරයා තමන්ගේ ගැලවීම උදෙසා පක්ෂ නායකත්වය පිරිනැමූ බව ඔබතුමා සහ ඇතැම් ශ්‍රී ලංකා නිදහස් පක්ෂ ඇමැතිවරුන් වරින් වර ප්‍රකාශ කළ ද ලක්ෂ 58ක් වූ අප පාක්ෂිකයන් කිසිවිටෙකත් ඒවා විශ්වාස කරන්නේ නැත. එසේ විශ්වාස නොකරන්නේ ජනාධිපතිවරණය තෙක්ම මහින්ද රාජපක්ෂ මැතිතුමාගේ සෙවණෙහි සිට ඔබතුමා විවේචනය කළ ශ්‍රී ලංකා නිදහස් පක්ෂ ඇමැතිවරුන් පිරිසක් ජයග්‍රහණයෙන් පසුව ඔබතුමා වෙත ගොස් විකල්ප මධ්‍යම කාරක සභාවක් කැඳවමින් පක්ෂයේ පාලන බලය ලබා ගැනීමට කටයුතු කළ ආකාරය රහසක් නොවන නිසාය. ඔබතුමාගේ පාර්ශ්වයෙන් එල්ල වූ පීඩනය හමුවේ පක්ෂය නොබෙදී රැක ගැනීම උදෙසා පක්ෂ නායකත්වය පරිත්‍යාග කිරීමට මහින්ද රාජපක්ෂ ජනාධිපතිවරයා තීන්දු කළේය.

අවසානයේ දී අප පාක්ෂිකයන්ට සිදු වූයේ ජනාධිපතිවරණයේ දී තමන් ප්‍රතික්ෂේප කළ පුද්ගලයකුගේ නායකත්වය පිළිගැනීමටය. ශ්‍රී ලංකා නිදහස් පක්ෂය අද මෙම අභාග්‍යසම්පන්න ඉරණමට මුහුණ දී සිටින්නේ තමන්ට ඡන්දය නොදුන් ලක්ෂ 58ක ජනතාව අතරට ගොස් නායකත්වය ලබා ගැනීමට ඔබතුමා කටයුතු කිරීම නිසා බව මාගේ විශ්වාසය වේ. 2015 ජනාධිපතිවරණයේ දී ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානයට ඡන්දය ප්‍රකාශ කළ සියලුදෙනා අදටත් තමන්ගේ නායකයා වශයෙන් පිළිගනු ලබන්නේ මහින්ද රාජපක්ෂ මහතා බව කිසිවකුටත් රහසක් නො‍වේ. එම පිරිස සැමවිටම සිටගන්නේ මහින්ද රාජපක්ෂ මැතිතුමා සිටගන්නා තැනය. තමන්ට අවනත නොවන පක්ෂ සංවිධායකවරුන්, මන්ත්‍රීවරුන් සහ පාක්ෂිකයන් මර්දනය කිරීම ඔබතුමා ගත් විවිධ පියවර නිසා එම තත්ත්වය තව තවත් වර්ධනය වූ බවට නිසැක සාක්ෂියක් බවට මැයි මස 01 වැනි දා පොදුජනයාගෙන් පිරුණු ගාලුමුවදොර පිටිය පත්විය.

මහින්ද රාජපක්ෂ මැතිතුමන්ගේ ජනරැලිවලට ගලන ජනගඟ දිනෙන් දින ඉහළ යන්නේත් පළාත් පාලන මන්ත්‍රීවරුන්ගෙන් සියය 99ක් ම මහින්ද හැර වෙනත් නායකයකු පිළිනොගන්නා බව කියන්නේත් පළාත් සභා කිහිපයක බල තුලනය පිළිබඳ ගැටලු හටගෙන ඇත්තේත් 2015 ජනා‍ධිපතිවරණයේ දී අප පක්ෂය පරාජයට ඇද දැමූ ඔබතුමන් හට ශ්‍රී ලංකා නිදහස් පක්ෂයේ අයිතියක් නොමැති බවට ජනතාව විශ්වාස කරන නිසාය. එසේම පළාත් පාලන මැතිවරණය දින නියමයක් නොමැතිව කල් දමා පළාත් සභාවල බහුතර මතය පිළිනොගන්නා ලෙස ආණ්ඩුකාරුන්ට නියෝග කිරීමට සිදුව ඇත්තේත් ජනප්‍රිය සංවිධායකවරුන්ගේ සංවිධායකකම් ගලවා දැමීමෙන් නොනැවතී පාර්ලිමේන්තු මන්ත්‍රී ධූරය උදුරා ගන්නා බවට තර්ජනය කරන්නට සිදුව ඇත්තේත් නොයෙකුත් බොරු චෝදනා එල්ල කර උසාවි ගාණේ රස්තියාදු කරවන්නේත් පක්ෂයේ බලය තහවුරු කර ගැනීමට ඔබතුමාට මේ වනතුරුම නොහැකි වූ නිසා බව පැහැදිලිය.

ශ්‍රී ලංකා නිදහස් පක්ෂය තුළ දිනෙන් දින වර්ධනය වන මහින්ද රැල්ල නිසා පක්ෂ නායකත්වය ඔබතුමාට කටු ඔටුන්නක් වී ඇති බව දැන් රටම පිළිගන්නා කරුණකි. එම නිසා අප කාරුණිකව ඉල්ලා සිටින්නේ තමන්ට අයිතියක් නොමැති ශ්‍රී ලංකා නිදහස් පක්ෂයේ නායකත්වය අතහැර දමා ජනාධිපතිවරණයේ දී පොරොන්දු වූ පරිදි ‍නිර්පාක්ෂිකව කටයුතු කරන ලෙසය. අද ඔබතුමාට කටු ඔටුන්නක් වී ඇති පක්ෂ නායකත්වය පාක්ෂිකයන්ගේ ආදරය, විශ්වාසය සහ ගෞරවය දිනා ගත් මහින්ද රාජපක්ෂ මැතිතුමාගේ හිසට රන් ඔටුන්නක් වනු ඇත. අද ඔබතුමා ප්‍රතික්ෂේප කරන නිදහස් පාක්ෂිකයන් තමන් ආදරය කරන එම නායකයා කර මතින් ඔසවාගෙන ගොස් සුදුසු තැන තබනු ඇත. ශ්‍රී ලංකා නිදහස් පක්ෂය නමැති ප්‍රෞඪ අතීතයක් සහිත අභිමානවත් පක්ෂය විනාශ කිරීමේ චෝදනාවෙන් ඔබතුමා ගැලවෙනු ඇත්තේ එවිටය.

තවදුරටත් කරුණු ඉදිරිපත් කිරීමේ අවශ්‍යතාවත් මා නොදකින අතර ශ්‍රී ලංකා නිදහස් පක්ෂය වැටී ඇති ආගාධයෙන් බේරා ගැනීමේ අවස්ථාව පක්ෂයට සැබෑ ලෙසම ආදරය කරන පිරිස අතට පත් කිරීමට අවශ්‍ය ශක්තිය ධෛර්ය ඔබතුමන් හට ලැබේවා කියා ප්‍රාර්ථනා කරමි. චන්ද්‍රිකා බණ්ඩාරනායක මැතිනිය ජනාධිපති ව සිටි සමයේ ළඟින් සිටිමින් කේළාම් කිවු ඇතැම්හු මහින්ද රාජපක්ෂ මැතිතුමන් ජනාධිපති ධූරයට පත් වූ පසු එතුමා ළඟට වී කේලාම් කියමින් සිටියහ. මහින්ද රාජපක්ෂ මහතා පරාජයට පත් වීමෙන් අනතුරුව එතුමන් හැර දැමූ එම පිරිස ඔබතුමාට සමීප වී නොයෙක් ආකාරයේ ඉච්චා බස් මඟින් ඔබතුමන් නොමඟ යැවීමට උත්සාහ කරමින් සිටින ආකාරයක් අපට පෙනෙන්නට ඇති අතර රජතුමාගේ සිරුරේ වැසූ මැස්සා මැරීමට කඩුව එසවූ වඳුරා මෙන් වූ එවැනි උපදේශකයන්ගෙන් ලැබෙන ගුරුහරුකම් පිළිබඳ දෙවරක් සිතන ලෙසත් ගෞරවයෙන් යුක්තව ඉල්ලා සිටිමි.

දිර්ඝ කාලයක් පක්ෂයේ මහලේකම්වරයා ලෙස කටයුතු කළ ඔබතුමන්ගේ දෑතෙන් පක්ෂයේ ගෙල සිරකිරීම ලක්ෂ 58ක් වූ අපට ඡන්දය දුන් ජනතාවගේ ද ගෙල සිරකිරීමක් වෙතැයි මම විශ්වාස කරමි. එවන් අවාසනාවන්ත තත්ත්වයකට නොවැටී බුද්ධිමත්ව සිතා බලා අපගේ ආදරණීය පක්ෂය රැක ගැනීම වෙනුවෙන් අවශ්‍ය පියවර ගන්නැයි ගෞරවාදරයෙන් යුක්තව ඉල්ලා සිටිමි.

ස්තුතියි,
මෙයට,
සේවයට කැප වූ
ප්‍රසන්න රණතුංග (පා.ම.)

46 views

17 Comments to “ප්‍රසන්න රණතුංගගෙන් මෛත්‍රීට රහසිගත ලිපියක්..”

  1. Ruwan says:

    Ranathunga pawulatama pissu.

  2. Maduwaligaya says:

    ස්තුතියි, ආදරණීය ප්‍රසන්න රණතුංග මැතිතුමනි.

    ස්තුතියි,

  3. M de silva says:

    Dear Prasanna
    Well said. Hope he will understand the situation of the party. But don’t expect any miracles from him.HE is a. ………..

    • Brahmana says:

      ඔච්චර ජන ගඟ ගලනwaa නම් නහය අඬන්නට හේතු කීම

      • kaniya says:

        ඇයි බුරුවො ජන ගග ගැලුවට චන්දයක් නොතියා ඒ ජනගඟ මොනවා කරන්නද ?මේක ප්‍රජාතන්ත්‍රවාදී රටක් බවත් ප්‍රජාතන්ත්‍රවාදයට හිස නමන බවත් බොහොම පැහැදිලිව තම ක්‍රියාවෙන් ඔප්පු කලේ මහින්ද නේද ?එහෙව් එකේ ජන ගග අරගෙන ඇවිත් ප්‍රජාතන්ත්‍ර විරෝදී ලෙස සිරිසේන ප්‍රමුක ආණ්ඩුව එලවන්න කියලද උඹ කියන්නේ ?දැන් මේ මයිත්‍රී කරන්නේ චන්ද කල් දැමීම නේද ? චන්දයක් තිබ්බානම් බය නැතිවජන ගගේ තරම බොට බලා ගන්න පුළුවන් .නහයෙන් අඩන්න දෙයක් නෑ නහයෙන් අඩන්නේ ආප්ප පාල

  4. Hemal says:

    Lions never eat grass.

  5. Anton Ranasinghe says:

    Dear Prasanna
    Don’t worry , all SLFP candidates are with you.
    Don’t expect anything from bloody My3.

  6. sam says:

    Prassanna you are a big flat lair. Think twice before you talk. Other wise you will be a joker. That is why Arjuna is better than you. The last election Mahinda lead was 2015 General Election which for the second time Sri Lankan voters rejected him more that the first time. At that time after leading the PA he got only 4,732,664. There after even from that total many have left him in fact they are now totally against him. So that means you might be talking a figue like 20,000,000. This is the reality. So Mahinda can never be a leader or grab the power during his life time.

    • Nandasoma says:

      you fool can not understand what Prasanna says….He is not talking about power ar anything….He says that Sirisena is not a leader of a party which people voted for him…..SLFP people voted for Mahinda…..So he should be the leader of SLFP. Ihat’s why Sirisena quit from SLFP leadership

    • Audit Superintendent says:

      Hey idiot! How did you calculate the amount of 20,000,000?
      Do you think that Aappa Sira will not call for elections for which their due dates have already passed a long time ago, if MR’s popularity is declining as you suggest?

      Can you explain to the readers of this website, why Sira’s party couldn’t win even a single Co-operative election
      held recently but MR is winning almost all of them with a clear majority?

      Don’t think all the people of this country are idiots like you, man!

    • Boo says:

      Then can you explain why Mayithri is so afraid to hold elections?

    • kapila says:

      If you trying to say Arjuna is better than prasanna you should go to a doctor because you might feel some kind of sickness my friend. people who rejected mahinda in 2015 are suffering due to their unwise decision. you may not feel same as you may have no brain to understand it. It is Sirisena who openly help UNP to defeat SLFP in general election. It is better to have provincial election then morons like you can realise what is the real situation of the country

  7. Nandasoma says:

    you fool can not understand what Prasanna says….He is not talking about power ar anything….He says that Sirisena is not a leader of a party which people voted for him…..SLFP people voted for Mahinda…..So he should be the leader of SLFP

  8. Manel says:

    Mr Ranatunga, I have never seen this man (Sirisena) as a leader and he will never be. You do not need to study him but just see how he behave, act and talk. He is really a puppet and US did a good job by finding him to run against Mahinda. He is cunning and small minded. He is fearful of his future because he knows the breadth and width of the crime he did by going against the people of this country. He will never listen to you.

  9. Manel says:

    Mr Ranatunga, I have never seen this man (Sirisena) as a leader and he will never be. You do not need to study him but just see how he behave, act and talk. He is really a puppet and US did a good job by finding him to run against Mahinda. He is cunning and small minded. He is fearful of his future because he knows the breadth and width of the crime he did by going against the people of this country. He will never listen to you.It is time to find a way to oust him another way.

  10. Purawesiya says:

    Kaleena wiggrahayak. Meka thamai wechchade. Kawruth kiyawiyayuthu lipiyak.

Main News