පාස්කු බෝම්බ කමිටුවෙන් පාස්කු ප‍්‍රහාරයේ සම්පූර්ණ වගකීම ජනාධිපතිට පටවයි..?

June 2, 2019 at 3:28 am | lanka C news
පාස්කු බෝම්බ කමිටුවෙන් පාස්කු ප‍්‍රහාරයේ සම්පූර්ණ වගකීම ජනාධිපතිට පටවයි..?

පාස්කු ඉරිදා ප්‍රහාරය සම්බන්ධයෙන් සොයා බැලීම සදහා පත් කල තේරීම් කාරක සභාව චෝදනා වලින් ගැලවීම සදහා ආණ්ඩුව අටවා ගත් ප්‍රෝඩාවක් බවත් එය හොරාගෙ අම්මගෙන් පේන ඇසීමක් බවත් ශ්‍රී ලංකා පොදුජන පෙරමුණේ ගම්පහ දිස්ත්‍රික් පාර්ලිමේන්තු මන්ත්‍රී ප්‍රසන්න රණතුංග මහතා පෙන්වා දෙයි.

පාස්කු ඉරිදා ප්‍රහාරයේ වගකිමෙන් අත සෝදා ගෙන එය ජනාධිපතිවරයා  පිට පටවා ගැලවීමට ආණ්ඩුව මෙමගින් උත්සහ දරණ බව පෙන්වා දෙන රණතුංග මහතා ජනාධිපතිවරයාට හෝ ආණ්ඩුවට පාස්කු ප්‍රහාරයේ වගකීමෙන් කිසිදා ගැලවිය නොහැකි බවද පෙන්වා දුන්නේය.

කෘතහස්ත දේශපාලාඥඤයෙකු වූ  දිවංගත රෙජී රණතුංග මහතාගේ 11 වන ගුණසැමරුම නිමිත්තෙන් රෙජී රණතුංග සමරු ස්මාරකයට පුෂ්පෝපහාර දැක්වීමෙන් පසු මාධ්‍ය අමතමින් රණතුංග මහතා මේ බව සදහන් කළේය.

දිවංගත රෙජී රණතුංග මහතාගේ 11වන ගුණ සමරුව නිමිත්තෙන් ප්‍රසන්න රණතුංග මහතාගේ උඩුගම්පල නිවසේ මතක ධර්ම දේශණාවක් පැවති අතර එය පැවැත්වූයේ දොඹවල  ශ්‍රී සද්ධර්මගුප්ත පරිවෙනාධිපති රාජකීය පණ්ඩිත කොබ්බෑවල මේධංකර හිමියන් විසිනි.

පුෂ්පෝපහාර වැඩ සටහනෙන් පසුව මාධ්‍ය හමුවේ වැඩිදුරටක් අදහස් දැක්වූ රණතුංග මහතා මෙසේද කීවේය.

” තේරීම් කාරක සභාව තනිකරම ප්‍රෝඩාවක් බව අප දැනගෙන හිටියා. ඒ නිසා තමයි අපි එය නියෝජනය කීරීම ප්‍රතික්ෂේප කළේ. මෙම තේරීම් කාරක සභාව  හරහා මෙරට බුද්ධි අංශ පාවාදීමටත් ආණ්ඩුව කටයුතු කරමින් ඉන්නවා. බුද්ධි අංශ පාස්කු ඉරිදා ප්‍රහාරය පිළිබදව ආණ්ඩුවට තොරතුරු අනාවරණය කර තිබියදීත් ඒ ගැන පියවර නොගැනීම ගැන මේ රටේ ජනතාව ඉන්නේ කේන්තියෙන්. ඒකෙන් ගැලවෙන්න තමයි ආණ්ඩුව මේ සියළු උප්පරවැට්ටි දාන්නේ.

දැන් බලන්න මංගල සමරවීර ඇමතිවරයා ගේ මාධ්‍ය අධ්‍යක්ෂකවරයා ආයුධත් සමග අත් අඩංගුවට අරන් පැය 24ක් යන්නත් කලින් ඇප දෙනවා. මිනුවන්ගොඩ සිද්ධියේදී ඒ සිද්ධියට කිසිදු සම්බන්ධයක් නැති තරුණ පිරිසක් හීනටියනෙන් අත් අඩංගුවට අරන්  රිමාන්ඩ් කරනවා. අහිංසක අය රිමාන්ඩ් කරලා බඩුත් එක්ක අත් අඩංගුවට ගත් ආණඩුවේ ගජ මිතුරන්  නිදහස් කිරීම තමයි මේ ආණ්ඩුවේ සමනල න්‍යාය.

මේ ආණ්ඩුවේ මොලේ කචල්. අංජ බජල්. දැන් මේ ආණ්ඩුව ගෙවන්නේ තමන්ගේ අවසාන කාලේ. ආණ්ඩුව ගැන මිනිසුන්ගේ ඉවසීමේ සීමාව දැන් ඉවරයි. හෙට අනිද්දා වෙන කොට මේ රටේ මිනිස්සු ආණ්ඩුවේ කිසිම ඇමති වරයෙක්ව ගෙදරට වද්ද ගන්න එකක් නෑ. ඒ තරමට මේ ආණ්ඩුව මේ රටේ ජනතාවට එපා වෙලා ඉවරයි. දැන් මොන උප්පරවැට්ටිය දැම්මත් ආණ්ඩුව ගෙනියනවා බොරු.”

දිවංගත රෙජී රණතුංග මහතාගේ සහෝදරයන් හා පවුලේ ඥාතීන් මෙන්ම මිනුවන්ගොඩ ප්‍රාදේශීය සභාවේ සහ නගර සභාවේ සභාපති වරු මන්ත්‍රීවරු ඇතුළු මහජන නියෝජිතයන් රැසක් මෙම අවස්ථාවට එක්ව සිටියහ.

– ප‍්‍රදීප් අනුර කුමාර

109 views

4 Comments to “පාස්කු බෝම්බ කමිටුවෙන් පාස්කු ප‍්‍රහාරයේ සම්පූර්ණ වගකීම ජනාධිපතිට පටවයි..?”

  1. UD says:

    මේ ආණ්ඩුවේ කිසිම දෙයක් ජනතාවට විශ්වාස නෑ..
    ඒ නිසා කිසිවක් නොකර රඟපාන්නේ නැතුව පාඩුවේ ඉන්න…

  2. Open mind says:

    ඔව්..එයා සුද්ධවන්තයා.

  3. gadol says:

    මේ අපරාදයට දැනගෙන ඉඩ දුන් අයට පාපය ගෙවන්න සිදුවෙනවා නියතයි

  4. ජනාධිපති දැනගෙන කර ඇරිය කියන එක පැහැදිලියි.දේශපාලන එදිරිවාදිකම් පිරිමහන්න ආරක්ෂක කවුන්සලය නොකැඳවා ඉඳල දැන් කන්කෙඳිරි ගානවා.

Main News