පාස්කු බෝම්බ කොමිසමේ වාර්තාව ගැන පත්කල පාර්ලිමේන්තු කමිටුවට එල්ල වන චෝදනා ගැන ජනපතිගෙන් පිලිතුරු

February 23, 2021 at 8:40 am | lanka C news
පාස්කු බෝම්බ කොමිසමේ වාර්තාව ගැන පත්කල පාර්ලිමේන්තු කමිටුවට එල්ල වන චෝදනා ගැන ජනපතිගෙන් පිලිතුරු

ජනාධිපති මාධ්‍ය අංශය විසින් නිකුත් කර ඇති නිවේදනයක් මෙහි දැක්වෙයි.

පාස්කු ඉරිදා ප‍්‍රහාරය පිළිබඳ ජනාධිපති පරීක්ෂණ කොමිෂන් සභා වාර්තාව අධ්‍යයනය පිණිස ජනාධිපති ගෝඨාභය රාජපක්ෂ මහතා පත් කළ සය පුද්ගල කමිටුවට පුළුල් කාර්යභාරයක් පැවරී තිබේ.

මෙවන් මහා පරිමාණ ජාතික ව්‍යසනයක් නැවත ඇතිවීම වළක්වා ගනු සඳහා ජනාධිපති පරීක්ෂණ කොමිෂන් සභාව නිර්දේශ කර ඇති පරිදි පාර්ලිමේන්තුව, අධිකරණය, නීතිපති දෙපාර්තමේන්තුව, ආරක්ෂක හමුදා, රාජ්‍ය බුද්ධි අංශ ප‍්‍රමුඛ විවිධ ආයතන සහ බලධාරීන් ගතයුතු පියවර ඇතුළු සමස්ත ක‍්‍රියාදාමය හඳුනා ගැනීම සහ නිර්දේශ ක‍්‍රියාත්මක කිරීම එහි ප‍්‍රධාන ස්ථානය ගනී. මෙකී නිර්දේශ සාර්ථකව ක‍්‍රියාත්මක කිරීමට තනි ආයතනයකට නොපිළිවන.

පාස්කු ඉරිදා ප‍්‍රහාරය විමර්ශනය කළ ජනාධිපති පරීක්ෂණ කොමිසම 2019දී පත් කරන ලද්දේ පසුගිය රජය විසිනි.

පාස්කු ඉරිදා ප‍්‍රහාරය ජාතික ආරක්ෂාවට හා ස්ථාවරත්වයට, ආර්ථිකයට, ආගමික සහජීවනයට හා සමාජ ජීවිතයට අතිශය අනර්ථකාරී බලපෑමක් කළ සිදුවීමක් බව වත්මන් රජය නිගමනය කර තිබේ. ඊට මුල් වූ පසුබිම රටේ ස්වාධීනත්වයට හා ස්ථාවරත්වයට හානිකර බාහිර මැදිහත්වීම්වලට ද ඉඩ ප‍්‍රස්ථාව විවෘත කරයි. ශ‍්‍රී ලංකා රාජ්‍යය ඇතුළත සාමය සහ ආරක්ෂාව මෙන්ම ආර්ථික සමෘද්ධිය සහතික කිරීමට නම් මෙවැනි අන්තවාදී ප‍්‍රචණ්ඩත්වයක් නැවත ඇතිවීමට තිබෙන සියලූ ඉඩකඩ අහුරාලිය යුතුය. ඒ සඳහා ආගමික අන්තවාදය සහ ඒ හා බැඳුණු ත‍්‍රස්තවාදී ප‍්‍රචණ්ඩත්වය, ජන කොටස් අතර වෛරය අවුළුවන ප‍්‍රකාශ, මෙබඳු කණ්ඩායම්වලට විදේශ අරමුදල් ලැබීම මුළුමනින්ම නතර කිරීම අවශ්‍ය වේ.

මෙකී පළල් පරමාර්ථ සපුරා ගැනීමට ඒ ඒ රාජ්‍ය ආයතන සහ බලධාරීන් කළයුතු දේ සහ එකිනෙක කාර්යයට දිය යුතු ප‍්‍රමුඛත්වය ජනාධිපති පරීක්ෂණ කොමිෂම හඳුනාගෙන ඇත. නිර්දේශිත ක‍්‍රියාමාර්ග ගැනීමට පවතින පරිපාලන ව්‍යුහය ප‍්‍රමාණවත් නොවන්නේ නම් පරිපාලන යාන්ත‍්‍රණයෙහි අවශ්‍ය වෙනස්කම් කළ යුතුව තිබේ. ජනාධිපතිවරයා පත් කළ පාර්ලිමේන්තු කමිටුවට පැවරී ඇති වගකීම පාස්කු ප‍්‍රහාරය පිළිබඳ ජනාධිපති පරීක්ෂණ කොමිෂන් සභා වාර්තාවේ අන්තර්ගතය ගැඹුරින් අධ්‍යයනය කොට නැවත මෙවැනි විපතක් ඇතිවීම වළක්වා ගැනීමට සහ ශ‍්‍රී ලංකාවේ දිගුකාලීන සාමය, ආරක්ෂාව සහ ස්ථාවරත්වය සහතික කිරීමට ක‍්‍රියාත්මක විය යුතු ආකාරය වාර්තා කිරීමය.

පාස්කු ඉරිදා ප‍්‍රහාරය පිළිබඳ ජනාධිපති පරීක්ෂණ කොමිෂන් සභා වාර්තාවේ නිර්දේශ අනුව චූදිතයන්ට නඩු පැවරීම සහ විභාග කිරීම සම්මත යුක්තිය පසිඳලීමේ පරිපාටිය ප‍්‍රකාර සිදුවනු ඇත. ඊට මැදිහත්වීමක් පාර්ලිමේන්තු කමිටුවෙන් අපේක්ෂා නොකෙරේ. පරීක්ෂණ කොමිෂන් සභා වාර්තාවට අලූතින් නිර්දේශ එක් කිරීම ද කමිටුවට අයත් නැත. සත්‍ය එසේ වුවද පාර්ලිමේන්තු කමිටුවේ කාර්යභාරය පිළිබඳ වැරදි මතයක් සමාජගත කිරීමට ඇතැම් පිරිස් උත්සාහ කරමින් සිටිති.

– ජනාධිපති මාධ්‍ය අංශය

55,149 views

15 Comments to “පාස්කු බෝම්බ කොමිසමේ වාර්තාව ගැන පත්කල පාර්ලිමේන්තු කමිටුවට එල්ල වන චෝදනා ගැන ජනපතිගෙන් පිලිතුරු”

  1. Chitral siriwardene says:

    Please use executive president powers

    • nick says:

      Earlier this cardinal came for some praise trying to keep the public at peace.However it seems he has now taken a U turn & participating with the public for unruly protests, some priests calling press conferences and airing threats etc.He should understand the security details of the country are more important & be patient giving time to the government.See the problems the government has in its hand which are not its fault;covid issue, standing against Geneva threat declining economy etc.Be patient Cardinal.

  2. Dalit Prawasi says:

    පාස්කු කොමිසම පත්කලේ බෝම්බ ගැන හොයන්න. අපේරටත් ඉන්දියාවත් රහස් තොරතුරු බෙදාගන්න ගිවිසුමක් හරි අවබෝදයක් හරි තියෙන්න ඇතිනෙ. එතකොට ඔයවගේ තොරතුරු එදිනෙදා හුවමාරු කරගන්න ඕනිනෙ. නැතුව ඔන්න හෙට වැඩක් දෙනවා කිව්වම කියන්නෙ වැඩේ දෙන්නෙ කියන එකාමයි කියල. ඉතින් කොමිසම කිසිම කෙනෙක් ඉන්දියාවෙන් ගෙනාවද ගෙන්න ගන්න උත්සාහ කලාද? ඉන්දියන් කාරයො අපිට හිනාවෙනව. අපි එකිනෙකා කෙලගන්නව.

Leave a Comment

Main News