පාස්කු බෝම්බ ප්‍රහාරය : බදියුදීන් නිදහස්.. කතානායකට දන්වයි..

June 23, 2019 at 12:02 am | lanka C news
පාස්කු බෝම්බ ප්‍රහාරය : බදියුදීන් නිදහස්.. කතානායකට දන්වයි..

අප්‍රේල් 21 දින සිදුවූ මරාගෙන මැරෙන බෝම්බ ප්‍රහාරයට හිටපු අමාත්‍ය රිෂාඩ් බදියුදීන්ගේ කිසිදු සබඳතාවයක් නැති බව විශේෂ පොලිස් වාර්තාවක් මගින් කතානායකවරයාට දැනුම් දුන්නේය.

මේ සම්බන්ධයෙන් චෝදනා එල්ල වූ රිෂාඩ් බදියුදීන් – එම්. එල්. ඒ. එම්. හිස්බුල්ලා සහ අසාද් සාලි යන මහත්වරුන් සම්බන්ධයෙන් සොයා බැලීමට පත්කරන ලද විශේෂ පොලිස් විමර්ශන කමිටුව මගින් මෙම වාර්තාව සකස් කර ඇත.

ජ්‍යෙෂ්ඨ නියෝජ්‍ය පොලිස්පති කේ.ඩී. ප්‍රියන්ත මහතාගේ සභාපතීත්වයෙන් තවත් ජ්‍යෙෂ්ඨ පොලිස් නිලධාරීන් දෙදෙනකුගේ සහභාගීත්වයෙන් මෙම කමිටුව ක්‍රියාත්මක විය.

අදාළ තැනැත්තන් පාස්කු ප්‍රහාරයට සම්බන්ධ බවට චෝදනා නැගූ පිරිස්වලට තමන් සතු සාක්ෂි සහිතව පොලිස් විමර්ශන කමිටුවට පැමිණිලි ඉදිරිපත් කිරීමට සතියක කාලයක් ලබාදුන්නේය.

එම කමිටුවට පැමිණිලි ගණනාවක් ලැබුණි. ඒවා විමර්ශනය කළ පොලිස් කමිටුව එල්ල වූ චෝදනා සාක්ෂි සහිතව කිසිසේත් ඔප්පු වී නැතැයි නිගමනය කළේය.

අනතුරුව මේ තිදෙනාගෙන් රිෂාඩ් බදියුදීන් අමාත්‍යවරයා අප්‍රේල් 21 ප්‍රහාරයට හෝ ත්‍රස්ත කටයුතුවලට සම්බන්ධ බවට නැගුන චෝදනා පදනම් විරහිත බව කතානායකවරයාට වාර්තා කර ඇත.

– deshaya

62 views

21 Comments to “පාස්කු බෝම්බ ප්‍රහාරය : බදියුදීන් නිදහස්.. කතානායකට දන්වයි..”

  1. රතනෙ says:

    ඔය පොලිස් කාරයො Scotland Yard පොලිසියට යවපල්ල. මුං හරි දක්ශයිනෙ සතියෙන් විමර්ශන කරලනෙ. ලංකාවෙ උසාවි වහමු. මේ වගේ පොලිස් කමිටු දාල නඩු අහමු. මාස දෙකෙන් ඔක්කොම නඩුවල.තීරණ දෙයි. ලැජ්ජයි ශ්‍රී ලංකා පොලිසිය. ඔයිට.නරකද පාරෙ හිගා කෑවනම්. ඒක නම්බුයි. නැද්ද?

  2. අංකූරා says:

    ආණ්ඩුවේ ප්‍රධාන ඉලක්කයක් තමයි විමල්ලා කියන දේවල් වලට වලංගු භාවයක් නොදීම , මින් ඉහත දීත් විමල්ලා අනතුරු හඟවන විට විජාතික කුමන්ත්‍රණයක් ද කියමින් ඒවා නොසලකා හැරියේය . ඒ ඔවුන්ගේ ගමන ජනතා විරෝධයකින් තොරව යාමටය.

  3. S.Premarathne says:

    ඇයි? දැන් අධිකරණ ඔක්කොම විසුරුවා හැර ලද ? පොලිසි වලින් විනිශ්චය කරන්නේ.

  4. Love nature says:

    ” කකුළුවා දිය කෙළින්නේ ‘හැළිය’ රත් වෙනකම් ද?”

  5. Priyankara says:

    Milliyana ganan hora kapu Banku horu nidahase inna anduwakin meeta wada deyak balaporoththu wenna baha.

  6. Sadda says:

    හරි. තවම වාර්තාව ප්‍රසිද්ධ උනේ නැහැනේ. දැන් පොලිස් පරීක්ෂණ කෙරෙන්නේ යහපාලන ක්‍රමයට නිසා බලමු තව ටිකක්. අහිංසකයෝ 350 ක් වගේ ගානක් මැරුනා විතරනේ. ඒ තරම් දෙයක් උනෙත් නැහැනේ.

Main News