පැකනිල් පේ‍්‍රමදාස වී මිලදී ගැනීමේ ජාතික වැඩපිළිවෙල කඩාකප්පල් කරන්න බොරු කියනවා….

February 21, 2021 at 6:28 am | lanka C news
පැකනිල් පේ‍්‍රමදාස වී මිලදී ගැනීමේ ජාතික වැඩපිළිවෙල කඩාකප්පල් කරන්න බොරු කියනවා….

‘වී මිලදී ගැනීමේ ජාතික වැඩපිළිවෙල කඩාකප්පල් කිරීමට විපක්ෂ නායක සජිත් ප්‍රේමදාස බොරු කියනවා’ යයි කෘෂිකර්ම ඇමති මහින්දානන්ද අලුත්ගමගේ මහතා පවසයි.

මාධ්‍ය හමුවක් අමතමින් ඒ මහතා මෙසේද කියා සිටියේය.

“පසුගිය ජනාධිපති වරණයේදී අපි රටේ ජනතාවට පොරොන්දුවක් දුන්නා වීවලට රුපියල් 50ක සහතික මිලක් දෙන බවට.පාරිභෝගිකයාට රුපියල් 97ක සහතික මිලට හාල් ලබා දෙන්නත්.ඒ අනුව ඒ වැඩපිළිවෙල මේ වන විට ක්‍රියාත්මක වෙනවා.එළඹෙන අලුත් අවුරුද්දට රුපියල් 97ක සහතික මිලට පාරිභෝගිකයාට සහල් අපි ලබා දෙනවා.රජය මගින් පොහොර සහනාධාරය ලබා දෙන ගොවීන් මේ සඳහා අපි යොදා ගන්නවා.

හෙක්ටයාරයකින් වී කිලෝ 1000ක් රජයේ ජාතික වැඩපිළිවෙලට ලබා දෙන ලෙස අපි ඉල්ලීමක් කර තිබෙනවා.විපක්ෂ නායක පැකනිල් ප්‍රේමදාස මහත්තයා ,පොහොර සහනාධාරය කැපුවොත් ගොවියොත් එක්ක පාරට බහිනවා කියලා තිබුණා.එයාගේ ආණ්ඩුව තියන කාලයේ වී කිලෝ එකක් ගත්තේ රුපියල් 32 ට.එදා සජිත් ප්‍රේමදාස හිටියේ කොහෙද?අපි ගත්තේ වියළි නාඩු වී කිලොවක් රුපියල් 50 යි.වියළි සම්බා 52 යි.ගොවියාට හොඳ මිලක් ලැබිලා තියනවා.

පොහොර,ජලය,කෘෂි රක්ෂණය,මේ සියල්ල අපි ගොවියාට නොමිලේ දෙන්නේ.අපි නොමිලේ දෙන පොහොර මිටියක් රුපියල් 4000 යි.රජයේ වැඩපිළිවෙලට දායක නොවන ගොවීන්ට පොහෝර ගන්න වෙන්නේ රුපියල් 4000 ක වෙළඳපොළ මිලට.ගොවියාට වී සඳහා ඉතා සාධාරණ මිලක් අපි නියම කර තියනවා.තෙත වී අපි මිලදී ගන්නවා.අපි කියන්නේ කැබිනට් තීන්දුවක් අනුව ක්‍රියාත්මක වැඩපිළිවෙලට සහය නොදුන්නොත් පොහොර සල්ලිවලට ගන්න වෙන්නේ කියලා මිසක් පොහොර සහනාධාරය කපනවා කියලා නෙමෙයි.පැකනිල් ප්‍රේමදාස මහතා මේ කරන්නේ වී සහ සහල් මාෆියාවට උදව් කරමින් ජනතාව නොමඟ යැවීම.ඒකට රැවටෙන්න එපා කියලා මේ රටේ ගොවියන්ගෙන් ඉල්ලනවා”

මෙහිදී අදහස් දැක්වූ කෘෂිකර්ම රාජ්‍ය අමාත්‍ය ශෂින්ද්‍ර රාජපක්ෂ මහතා ”අපි පැහැදිලිව කියන්න ඕනේ රටේම වී නිෂ්පාදනය මෙට්‍රික්ටොන් ලක්ෂ 30යි.අපි මිලදී ගන්නේ ලක්ෂ 3යි.සම්පුර්ණ රටේ අස්වැන්නෙන් 10%යි.මහා පරිමාණ වී මෝල් හිමියන්,ගබඩාකරුවන් මිලට ගන්නේ 30%ක් විතරයි.ඒ දෙකම නැතුව ගොවියාට 60%ක් වී ඉතිරි වෙනවා,බිත්තර වී සහ පරිභෝජනය සඳහා.ඒ නිසා කිසිදු ගැටළුවක් නොවෙන්න අපි මේ ජාතික වැඩපිළිවෙල ක්‍රියාත්මක කරන්නේ.ඒ නිසා විපක්ෂය කරන්නේ වී මිලදී ගැනීමේ වැඩපිළිවෙල කඩාකප්පල් කිරීමේ සැලසුම් සහගත වැඩපිළිවෙලක්.වීවලට සහතික මිලක් ලබා දීම රජයේ වැඩපිළිවෙලට.කිසිඳු ගැටළුවක්,අකටයුත්තක් වෙන්න අපි ඉඩ තියන්නේ නැහැ.විපක්ෂ නායකයා මේ කරන්නේ ජනතාව නොමඟ යවන එක කියලා රටේ ජනතාවට අපි කියන්න ඕනේ”.

– සුජිත් විතානපතිරණ

15,399 views
Main News