පැනඩෝරා චෝදනා බහුතරයක් බොරු..- තිරු නඩේෂන් අල්ලස් කොමිසමට කියයි..

October 17, 2021 at 12:02 am | lanka C news
පැනඩෝරා චෝදනා බහුතරයක් බොරු..- තිරු නඩේෂන් අල්ලස් කොමිසමට කියයි..

ආන්දෝලනාත්මක ලෙස වත්කම් රැස්කිරීම සම්බන්ධයෙන් පැන්ඩෝරා පත්‍රිකා මගින් තමන්ට එල්ල වී ඇති විදේශ වත්කම් සම්බන්ධ චෝදනා තිරුකුමාර් නඩේසන් මහතා ප්‍රතික්ෂේප කර ඇත.

ඔහු එම චෝදනා ප්‍රතික්ෂේප කර ඇත්තේ අල්ලස් හෝ දූෂණ විමර්ශන කොමිසමට පසුගිය සිකුරාදා (15) පැමිණ විශේෂ ප්‍රකාශයක් කරමිනි. සිකුරාදා දෙවැනි දිනටත් අල්ලස් කොමිසමට පැමිණි තිරැකුමාර් නඩේසන් පැය හතරක් එහි රැඳී සිටිමින් විමර්ශන නිලධාරීන්ගේ ප්‍රශ්න කිරීම්වලට පිළිතුරු ලබා දුන්නේය.

එහිදී ඔහු ප්‍රකාශ කර ඇත්තේ තමන් සතු දේශීය වත්කම් සියල්ල පිළිබඳ තොරතුරු විවෘතව හෙළිදරව් කළ හැකි බවත් එහෙත් පැන්ඩෝරා පත්‍රිකාවල සඳහන් වත්කම් රැස්කිරීම් වලින් බහුතරයක් බොරු චෝදනා බවත්ය. අල්ලස් හෝ දූෂණ කොමිසමට අවශ්‍ය නම් ජාත්‍යන්තර විමර්ශනයක් සිදුකරන ලෙසද ඔහු කොමිෂන් සභාවට දන්වා ඇතැයි වාර්තා වේ.

පැන්ඩෝරා පත්ත්‍රිකාවල නම සඳහන් තිරුකුමාර් නඩේසන් මහතාගේ බිරිඳ වන හිටපු රාජ්‍ය අමාත්‍ය නිරූපමා රාජපක්ෂද අල්ලස් හෝ දූෂණ කොමිසම හමුවට කැඳවා ප්‍රශ්න කිරීමට නියමිත අතර එම කැඳවීම සඳහා සිතාසි ලබන සිකුරාදා යවන බවද එම කොමිසමේ ආරංචි මාර්ග සඳහන් කරයි.

– deshaya

16,845 views

7 Comments to “පැනඩෝරා චෝදනා බහුතරයක් බොරු..- තිරු නඩේෂන් අල්ලස් කොමිසමට කියයි..”

  1. දුමින්ද තියරි බයියා says:

    මට මතක නෑ..මම දන්නේ නෑ..මගේ නම ත් මට මතක නෑ..මම හරි අහින්සකයි. ඇල් වතුර ත් නිවලා නිවලා බොන්නේ කිව්වා නම් ඉවරයි.

  2. 3% ට බය බයියා. says:

    බැදුම්කර සිද්දියත් බොරු .අර්ජුන් මහෙන්ද්‍රන්ගෙ කන තාම පොහොට්ටුවේ කට්ටිය හොයාගන්න බැරි වෙලා තියෙන්නේ .

  3. Jagath says:

    ඔන්න අපි පිළිගත්තා ඕවා බොරු කියලා -69 ලක්ෂෙ

  4. බයිසන් says:

    ආණ්ඩුව පක්ෂයට හිතවත් බලවතුන් පිළිබඳව කරන විමර්ෂණ හරියට ගගට ඉනි කපනවා වගේ අතිසාර්ථක පුස් ව්‍යායාමයක් කියල හැමෝම දන්නවා.

  5. Nuwan says:

    පව් මේ අහිංසක මිනිස්සු. අවංකව මිලියන 35000ක් හම්බ කරගත්ත එකට තියන ඉරිසියාව. මේවා ජාත්‍යන්තර කුමන්ත්‍රණ. ඩයස්පෝරාවෙ වැඩ

  6. Jagath says:

    රාජපක්ෂලා කියන්නේ දේශප්‍රේමී සතයක්වත් හොරකම් නොකරන දෙවිවරු වගේ අය -මීට 69 ලක්ෂෙ 😄😄

  7. Open mind says:

    එයා කියන දේවල් පිළිගෙන කටයුතු කරන්න. අපරාදේ කාලය හා මුදල්.

Main News