පැවති පාර්ලිමේන්තුව කැදවීම ගැන හිටපු කතානායකගෙන් නිවේදනයක්..

May 3, 2020 at 10:40 am | lanka C news
පැවති පාර්ලිමේන්තුව කැදවීම ගැන හිටපු කතානායකගෙන් නිවේදනයක්..

හිටපු කතානායක කරු ජයසූරිය මහතා විසින් නිකුත් කරන ලද මාධ්‍ය නිවේදනයක් මෙහි දැක්වෙයි.

මාධ්‍ය නිවේදනය

රට තුළ ව්‍යවස්ථා අර්බුදයක් ඇති වීම වැළැක්වීම සඳහා පාර්ලිමේන්තුව යළි කැඳවන ලෙස ඉල්ලා සිටිමින්ද, එවන් කැදවීමකදී වසංගත උවදුර ජයගැනීම සඳහා රජයට පුුර්ණ සහය ලබාදෙන බවට ප්‍රතිඥා දෙමින්ද, පාර්ලිමේන්තුව නියෝජනය කළ විපක්ෂයේ මන්ත්‍රීවරු බහුතරයක් විසින් ගරු ජනාධිපතිතුමා වෙත කර ඇති යෝජනාව මෙම අර්බුදය විසඳීමට සියලු පාර්ශවයන්හි සහභාගීත්වයෙන් ප්‍රජාතන්ත්‍රවාදීව ගතහැකි කාලෝචිත පියවරක් බව මාගේ හැඟීම විය.

එහිලා වු යහපත් අරමුණු ඉටුකර ගැනීම සඳහා කිසිදු පැකිලිමකින් තොරව හිටපු කථානායකවරයා ලෙස මාගේ සහය ලබාදෙන බවද මින් පෙර නිල ට්විටර් සටහනක් මගින් ප්‍රකාශ කළෙමි.

එය කිසිදු විටෙක මා විසින් පාර්ලිමේන්තුව කැඳවීමේ යෝජනාවක් ඉදිරිපත් කිරිමක් නොවන අතර සද්භාවයෙන් හා පිරිසිදු සිතින් යුතුව මාතෘභූමියේ යහපත වෙනුවෙන් කරන ලද යෝජනාවකට සහය දැක්වීමක් පමණි.

මාගේ එම ස්ථාවරය ඇතැම් පුද්ගලයන් විසින් ශිෂ්ඨසම්පන්න නොවන ආකාරයට අර්ථ දැක්වීම අභාග්‍යයකි. මා මින් පෙර ප්‍රකාශ කර ඇති ලෙසටම හිටපු කථානායකවරයා ලෙස ඒකපාර්ශවිකව පාර්ලිමේන්තුව කැඳවා රට තුළ පැන නගිමින් පවතින ව්‍යවස්ථා අර්බුදයක් වඩාත් උග්‍ර තත්වයට පත් කිරිමට මා දායක නොවන බවටත් ආණ්ඩුක්‍රම ව්‍යවස්ථාවේ සහ අධිකරණයේ තීරණ ප්‍රකාරව කටයුතු කිරිමට බැඳි සිටින බවටත්, ජාතික වගකීමකින් යුතුව ප්‍රකාශ කරමි.

කරු ජයසුරිය
හිටපු කථානායක

491 views

76 Comments to “පැවති පාර්ලිමේන්තුව කැදවීම ගැන හිටපු කතානායකගෙන් නිවේදනයක්..”

  1. ලොලිපොප් මොංගල් says:

    පඩි නැතිව, පෙන්ෂන් නැතිව නෙවෙයි උන්ගේ දේපල සේරම රජයට ලියල දුන්නත් තිබුන පාර්ලිමේන්තුව ආයිමත් එපා. පාර්ලිමේන්තු චන්දෙ තියන්න බැරි නං ඔහොම යන්. පුළුවන් දවසක ජනමත විචාරණයක් තියන්න. ලක්ෂ 75කින් දිනන්න පුළුවන්.

  2. Maha Janatawa says:

    මුන්ට පින් පඩි දෙන්න පාර්ලිමේන්තුව ඇරියොත් මසකට,
    ඇමති වැටුප 65,000
    නිවාස දීමනාව 100,000
    ඉන්ධන දීමනාව 75,000
    දුරකථනය දීමනාව 50,000
    පැමිණීමේ දීමනාව 2500
    එකතුව = 292,500 (ලක්ෂ 3 කට කිට්ටුයි)
    රියදුරු සහ පෞද්ගලික කාර්යමන්ඩලයේ වියදම් සමග 350,000 (ලක්ෂ 3 හමාර) පනිනවා.
    350,000 x 225 = 78750000 = ලක්ෂ 787ක්
    මේකෙන් 5000 ගානේ පවුල් 15,750 කට මාසයක් කන්න දෙන්න පුළුවන්!

    දැන් පේනවානේ රට දුප්පත් වෙලා තියෙන්නේ 225කට පින් පඩි ගෙවීම නිසා කියලා.

  3. Nandasoma Suri says:

    පසුගිය වසර ගණනාවක් තිස්සේ, පැවති යහපාලන රජයේ පැවැත්ම වෙනුවෙන් ඉතා අශිෂ්ට ලෙස ප්‍රජාතන්ත්‍රවාදය කණපිට හරවමින්ඔබ ක්‍රියා කළ ආකාරය අපි දැක්කෙමු.

    උද්ගතව ඇති හදිසි අවිනිශ්චිත තත්වය හමුවේ ප්‍රශ්ණ විසඳීමේ සැබෑ අරමුණක් ඇත්නම්, ගරු අගමැති තුමා විසින් කැඳවා ඇති රැස්වීමට සහභාගී වී ඔබලාගේ අදහස් හා යෝජනා ඉදිරිපත් කිරීමේ හැකියාවක් ඇත……!!
    පැන නැගී ඇති හදිසි අවස්ථාව මත සියලුම දේ ව්‍යවස්ථාව මතම සිදු කළ නොහැකි බව අවබෝධ කර ගැනීම වැදගත්ය……!!!

    සමස්ත ගැටලුවට විසඳුම ඇත්තේ ව්‍යවස්ථාව තුළ නොව, බලයේ සිටින කවුරුන් හෝ විසින් ගනු ලබන නිවැරදි තීරණ මතය. පාර්ලිමේන්තුව නොමැතිව මුදල් වියදම් කළ නොහැකි බවට නිශ්චිත වගන්ති ව්‍යවස්ථාවේ තිබුණද, මෙම අවස්ථාවේ පවතින ගැටලුව පිළිබඳව අවබොධයක් තිබේනම් සියලුම දෙනා කළ යුත්තේ අතිගරු ජනාධිපති තුමාට ඒ සඳහා බලය ලබා දීම හෝ එසේ නොහැකි නම් එතුමාට එම කාර්යය ඉටු කිරීමට ඉඩදී නිශ්ශබ්දව සිටීමයි……!!!!

  4. Nandasoma Suriyaarachchi says:

    සමස්ත ගැටලුවට විසඳුම ඇත්තේ ව්‍යවස්ථාව තුළ නොව, බලයේ සිටින කවුරුන් හෝ විසින් ගනු ලබන නිවැරදි තීරණ මතය. පාර්ලිමේන්තුව නොමැතිව මුදල් වියදම් කළ නොහැකි බවට නිශ්චිත වගන්ති ව්‍යවස්ථාවේ තිබුණද, මෙම අවස්ථාවේ පවතින ගැටලුව පිළිබඳව අවබොධයක් තිබේනම් සියලුම දෙනා කළ යුත්තේ අතිගරු ජනාධිපති තුමාට ඒ සඳහා බලය ලබා දීම හෝ එසේ නොහැකි නම් එතුමාට එම කාර්යය ඉටු කිරීමට ඉඩදී නිශ්ශබ්දව සිටීමයි……!!!!

    එවන් නිශ්චිත වගන්ති ව්‍යවස්ථාවේ නැත……!
    පාර්ලිමේන්තුව විසිරවීමෙන් පසුව නව පාර්ලිමේන්තුව රැස්වී මාස තුනක් ගතවන තුරු මුදල් වියදම් කිරීමේ බලය ජනාධිපති තුමාට ඇති බව ව්‍යවස්ථාවේ සඳහන් ව ඇත….

    විරුද්ධ පක්ෂය සූදානම් වන්නේ එසේ බලයක් නොමැති බවට තර්ක ඉදිරිපත් කරමින් පරණ පාර්ලිමේන්තුව නැවත කැඳවීමටයි…..

    පසුගිය රජයෙන් ඉදිරිපත් කිරීමට සූදානම් වූ මුදල් පනත සම්මත නොකිරීමට විපක්ෂය ගත් තීරණය නිසා විසක්ෂය කෙරෙහි විශ්වාසයක් තබා පාර්ලිමේන්තුව නැවත කැඳවීමේ හැකියාවක් ආණ්ඩුවට නැත…….!!!!!

  5. Magiya says:

    අනේ උඹලගේ සද් භාවය. අපි දන්නෙ නැද්ද ඒකෙ තරම.

Main News