පුංචි ඡන්දෙන් මෛත‍්‍රී තුන්වැනියා වී ජනාධිපතිකමේ හුලං යනවාමයි.. – ලාල් කාන්ත කියූ හා සැගවූ කතාව මෙන්න..

October 1, 2016 at 12:01 am | lanka C news
පුංචි ඡන්දෙන් මෛත‍්‍රී තුන්වැනියා වී ජනාධිපතිකමේ හුලං යනවාමයි.. – ලාල් කාන්ත කියූ හා සැගවූ කතාව මෙන්න..

මීලග පළාත් පාලන මැතිවරණයේදී හිටපු ජනාධිපති මහින්ද රාජපක්‍ෂ මහතා වෙනත් පක්‍ෂයකින් තරග වදිද්දී ජනාධිපති මෛත‍්‍රිපාල සිරිසේන මහතා ශ‍්‍රිලනිපයෙන් තරග කලහොත් ස්ථිර වශයෙන්ම තුන්වන තැනට පත්වෙන බව ජනතා විමුක්ති පෙරමුණේ හිටපු මන්ත‍්‍රී කේ.ඞී. ලාල් කාන්ත මහතා පවසයි.

එවන් තත්වයකදී ජනිධපතිවරයාගේ තනතුරේ බලය දේශපාලනිකව අහෝසි වී ව්‍යවස්ථාවෙන් ලැබී ඇති බලතල මත පමණක් පවතිනු ඇතැයිද කී ඔහු එම තත්වය ඇතිවීම වලක්වා ගැනීම සදහා මීලග පළාත් පාලන මැතිවරණයේදී එජාප-ශ‍්‍රීලනිප හවුලකින් තරග වැදීමට ජනාධිපතිවරයා පෙලඹෙනු ස්ථිර බවත් කියා සිටියේය.

කෙසේ වෙතත් ජවිපෙ මන්ත‍්‍රිවරයා නොකීවද ඔහුගේ කතාවෙන් පැහැදිලි වූ අනෙක් කරුන නම් ජවිපෙ දැනටමත් ‘තුන්වැනි’ තැන අතහැරීමට හිත හදාගෙන සිටින බවයි.

නැතහොත් තමනට වාසි සහගත ලෙස ශූර දේශපාලන උපායන් තෝරනු වෙනුවට එජාප-ශ‍්‍රීලනිප හා ඒකාබද්ද විපක්‍ෂයේ දේශපාලන උපායන් මත ජවිපෙ දේශපාලන අනාගතය තීරණය වීමට ඉඩ හැරීමට තීරණය කර ඇති බවයි.

වඩාත් සරල ලෙස කියන්නේ නම් ජවිපෙට තුන්වැනි තැන අහිමි වී යාම යනු මුළු රටේම එකවර වැඩිම ඉතිරියේ වාසියට එන මන්ත‍්‍රී ආසනය අහිමිවීමයි.

ජවිපෙ අදද නියෝජනය කරන පාර්ලිමේන්තු, පළාත් සභා, පළාත් පාලන සියළුම මන්ත‍්‍රී ධුරයන් පාහේ වැඩිම ඉතිරියට අනුපාත ක‍්‍රමය යටතේ ලැබුනු එවාය.

එය එසේ වෙද්දී කවදත් තමනට අනන්‍ය ඡුන්ද පදනමක් සහිතව සිටින සුළු ජාතික පක්‍ෂ ගණනාවක් ජවිපෙට නඩා ආසන ප‍්‍රමාණයක් දිනාගෙන ජවිපෙ මෙරට දේශපාලන පිටියේ දහවන හෝ පහලොස්වන බලවේගය බවටද පත්වීමේ ඉඩකඩක් ඇත.

ලාල් කාන්ත ජවිපෙ මන්ත‍්‍රිවරයාගේ කතාවේ පැහැදිලි කිරීම මෙතරම් නොකලද නිසැක ලෙසම ඔවුන්ගේ පක්‍ෂයේ ඉහලම මට්ටමින් බියකරැ ලෙස සාකච්චා කර ඇති බවට නම් සැකයක් නම් නැත. ලාල් කාන්ත කියූ කතාව හා නොකී කතාව එසේ වෙයි.

65 views
Main News