පුද්ගල දත්ත එක් තැනකට රැස් කිරීමෙන් වෙනත් පාර්ශවයකට යාමේ අවදානමක්..

January 4, 2020 at 12:40 pm | lanka C news
පුද්ගල දත්ත එක් තැනකට රැස් කිරීමෙන් වෙනත් පාර්ශවයකට යාමේ අවදානමක්..

ශ්‍රී ලංකා තොරතුරු තාක්ෂණ සංගමය විසින් නිකුත් කරන ලද නිවේදනයක් මෙහි දැක්වෙයි.

ශ්‍රී ලාංකික පුරවැසියන්ගේ තොරතුරු එක් දත්ත මධ්‍යස්ථානයක් වෙත රැස් කිරීමට වත්මන් රජය ගෙන ඇති තීරණය කාලෝචිත ක්‍රියාවක් බව අප ශ්‍රී ලංකා තොරතුරු තාක්ෂණ සංගමය පෙන්වා දෙමු.

එහෙත් මෙවැනි දත්ත මධ්‍යස්ථානයක් ස්ථාපනය කිරීමට ප්‍රථම පුද්ගල දත්ත ආරක්ෂණය කිරීමට වැඩපිළිවෙලක් සකස්කළ යුතු අතර විශේෂයෙන්ම එක් මධ්‍යස්ථානයකට රැස් කරනු ලබන පුද්ගල තොරතුරු රජය හෝ විවිධ වෙනත් පාර්ශව විසින් අවභාවිතා කිරීමට හැකියාවක් පවතී.

යම් පුද්ගලයෙකුගේ රාජ්‍ය ලියාපදිංචි තොරතුරු පමණක් නොව එම පුද්ගලයාගේ දුරකථන සංවාද, එම පුද්ගලයාගේ සෞඛ්‍ය තත්වය වැනි එම පුද්ගලයාට පමණක් අනන්‍ය වූ රහසිගත තොරතුරු මෙම දත්ත මධ්‍යස්ථානයෙහි නොදුරු අනාගතයේදී ගබඩාවිය හැකි බැවින් එම දත්තවලට රජයට හෝ වෙනත් පාර්ශවයකට කිසිදු සටහනක් නොමැතිව පිවිසිය හැකිය.

එසේ සිදුවන අවභාවිතා වලට සහ රජය විසින් ජනතාවට නොදන්වා සිදුකරනු ලබන Mass surveillance වැඩසටහන් වලට එරෙහිව නෛතික ක්‍රියාමාර්ග ලබාගැනීමට ශ්‍රී ලාංකික පුරවැසියන්ට නොහැකි බැවින් ( ශ්‍රී ලංකා රජය ව්‍යවස්ථානුකූලව පෞද්ගලිකත්වය මූලික මානව අයිතිවාසිකමක් ලෙස පිලි නොගනී ) මෙසේ ජාතික දත්ත මධ්‍යස්ථානයකට සියලුම ශ්‍රී ලාංකික පුරවැසියන්ගේ දත්ත එක්රැස් කිරීම විශාල ගැටලුවක් ලෙස දැකගත හැකිය.

රජය ජාතික දත්ත මධ්‍යස්ථානයක් පිහිටුවීමට පෙර ජනතාවගේ පෞද්ගලිකත්වය ආණ්ඩුක්‍රම ව්‍යවස්ථාවෙහි මුලික මිනිස් අයිතිවාසිකමක් ලෙස පිළිගත යුතු අතර දත්ත ආරක්ෂණය සදහා පෞද්ගලිකත්ව පනතක්ද සම්පාදනය කල යුතු බව අප ශ්‍රී ලංකා තොරතුරු තාක්ෂණ සංගමය ලෙස රජයට අවධාරණය කරන්නෙමු.

රජීව් යසිරු කුරුවිටගේ මැතිව්
සභාපති
ශ්‍රී ලංකා තොරතුරු තාක්ෂණ සංගමය

328 views

8 Comments to “පුද්ගල දත්ත එක් තැනකට රැස් කිරීමෙන් වෙනත් පාර්ශවයකට යාමේ අවදානමක්..”

  1. OLU says:

    මේ MCC මර උගුලේ එක් කොටසක් ..මෙය අනතුරු දායකයි ..වහාම නතර නතර කල යුතුයි ..ජනතාවගේ පුද්ගලික තොරතුරු අනතුරේ හෙලීමක්
    මෙය නතර කල යුතුයි ..මෙයට අපේ සම්පුර්ණ විරුද්ධත්වය පල කරමු

  2. sunimal says:

    මෙය තම අයිතිවාසකම් පාවාදීමක් මෙය තහනම් කල යුතුය මෙය එම් සී සි සමානය,

  3. john the baptice says:

    මේක ඇමෙරිකානු උගුලක් රැවටෙන්න එපා,

  4. exUNPer V says:

    මේ ක්‍රමය මුලු ලෝකෙම අද වෙන දෙයක්. දත්ත ඩේටා බේස් ආරක්ෂාව ත් ඒ සමග කරන දෙයක් . මැතිව් උගන්වන්න එනවා.
    කවුද බොලේ මැතිව් ?

  5. Tommy says:

    උබල හිහිං අර ඇමසන් වනයෙ කවදාවත් එලියට ආවෙ නැති එවුං එක්ක ප්දිංචි වෙයල්ල. මේ ලෝකෙ මිනිස්සුංගෙ තොරතුරු එකතැන නැති රටවල් කීපයෙන් එකක් වෙන්නෙ ලංකාව.
    ඒ නිසා තමය් ලංකාවෙ උන්ට වැඩක් කරගන්න ගියාම මාස් ගනන් තැන් තන්වල බඩගාන්න වෙන්නෙ.
    තිරතුරු ආරක්ෂා කරගන්න ඕන තරං ක්‍රම තියෙනව. තොරතුරු සංගමය නොදන්නවා ට….

    • Saradiel says:

      අනුන් කරනදේ කිරීමෙන් අන්තිමට අඩපල්ලා මේවා තමන්ගේ බෙල්ල තමන්ම හිර කර ගැනීමක්.

    • Disce ammata discede says:

      Well said. !

  6. Ranji says:

    Birth certificate, national identity card, drivers license, passport, and any other document should bear same number.This will stop same person having more than one passport, birth certificates, drivers licenses, and other documents . This is a way to stop corruption, and deception.

Main News