පොල් බෑය මිල වැඩි වුණාට මොකද අපි අක්‍ෂි කාච නොමිලේ දෙනවා.. පිලිකා රෝගීන්ට මියෙන තෙක් නොමිලේ බෙහෙත් දෙනවා..

January 19, 2018 at 6:27 am | lanka C news
පොල් බෑය මිල වැඩි වුණාට මොකද අපි අක්‍ෂි කාච නොමිලේ දෙනවා.. පිලිකා රෝගීන්ට මියෙන තෙක් නොමිලේ බෙහෙත් දෙනවා..

පළාත් පාලන මැතිවරණයේ එක්සත් ජාතික පක්ෂයේ ප්‍රථම මැතිවරණ ප්‍රචාරක රැළිය පක්ෂ නායක අග්‍රාමාත්‍ය රනිල් වික්‍රමසිංහ මහතාගේ ප්‍රධාන්වයෙන් මහනුවර පොදු වෙළෙදපොල භුමියේ දී (18) පස්වරුවේ පැවැත්විනි.

එම රැස්වීමට සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා ද එක්ව සිටියේය.

එහිදී අදහස් දැක් වූ සෞඛ්‍ය අමාත්‍යවරයා – “2015 ජනවාරි 08 මහනුවර මැතිවරණ වේදිකාවට මම පැමිණියේ පසුගිය රජය පෙරළා දැමීම සදහායි. එදින වත්මන් ජනාධිපතිවරයා සහ අග්‍රාමාත්‍යවරයා සමග අපි ආවේ රාජ්‍ය බලය ලබාගැනීම සදහායි. අද දින අග්‍රාමාත්‍යවරයා සමග අපි එන්නේ ගමේ බලය ලබාගැනීමටයි. කන්ද උඩරට ජනතාව පෙබරවාරි මස 10 වන දා එම බලය එක්සත් ජාතික පක්ෂයට ලබාදෙනවා. පසුගිය රජය සමයේ රට තුල පැවැතියේ ශෝචනීය තත්ත්වයක්. එදා මනුෂ්‍ය ඝාතන, වංචා දුෂණ සිදු කළ පිරිස් එම මුදල් අරගෙන අද බලය ලබාගන්න ඔබ වෙත එනවා. නමුත් ඔවුන්ට පාඩමක් ඉගැන්වීමට ජනතාව සුදානමින් සිටිනවා.

වත්මන් රජය මොනවද කළේ කියලා කවුරුත් අහනවා. මේ තරම් රටට විශාල වැඩකොටසක් ඉටු කළ රජයක් වෙනත් නැහැ. කොළඹ සිට මහනුවර දක්වා මධ්‍යම අධිවේගී මාර්ගය ඉදිකරමින් පැයක කාලයක් තුල මහනුවරට පැමිණීමට අවස්ථාව උදා කිරීමට රජය සුදානම්. පාසල් දරුවන්ට රක්ෂණ ක්‍රමයක් ආරම්භ කිරීම, රාජ්‍ය සේවක වැටුප් රුපියල් 10,000 කින් ඉහළ නැංවීම, විශ්‍රාමිකයින්ගේ වැටුප් විෂමතාවය නැති කිරීම, සරසවි අධ්‍යාපනය පුළුල් කිරීම සහ පහසුකම් ලබාදීම, ග්‍රාමීය මාර්ග සංවර්ධනය, අත්‍යාවශ්‍ය ද්‍රව්‍යවල මිල අඩු කිරීම වැනි සේවාවන් රැසක් රජය විසින් ඉටු කර තිබෙනවා. ඉදිරියේ දී තවත් සහන රැසක් ලබාදීමට මේ රජය සුදානම්.

සෞඛ්‍ය සේවාව අතින් ගත් විට අත්‍යාවශ්‍ය ඖෂධ වර්ග 48 ක මිල අඩු කරමින් විවිධ වෙළෙද නාම ඖෂධ වර්ග 400 ක පමණ මිල අඩු කර තිබෙනවා. නොමිලේ ස්ටෙන්ස් ලබාදීම, නොමිලේ අක්ෂි කාච ලබාදීම, පිළිකා රෝගීන්ට ජිවිතාන්තය දක්වා නොමිලේ ප්‍රතිකාර කිරිම වැනි සේවාවන් ද ඊට ඇතුලත්. නමුත් වර්තමානයේ අහන්නේ පොල් බෑය කීයද කියලයි. පොල් පරිභෝජනය කරන අපට අමාරු වුවත්, පොල් ගොවීන්ගේ ආර්ථිකය ඉහළ නංවා තිබෙනවා. සහන රැසක් ලබාදුන් රජයට බැදුම්කරය පදනම් කර ගනිමින් චෝදනා එල්ල කරනවා. පසුගිය රජයේ සිටි හොරු තමයි චෝදනා එල්ල කරන්නේ. එවැනි හොරු කන්ද උඩරටත් ඉන්නවා. කන්ද උඩරට ඉන්න හිටපු අමාත්‍යවරයෙකුගේ වත්කම් හෙළි කළේ ඔහුගේම බිරිද විසින්. අද අමාත්‍යවරයෙකුටවත් වංචා දුෂණ සිදු කර බේරෙන්න බැහැ. විවිධ චෝදනා එල්ල වන විට රවී කරුණානායක මහතා පවා අමාත්‍යධූරයෙන් ඉල්ලා අස්වුනා.

මම කියන්න කැමැතියි බැදුම්කර කොමිසමෙන් එක්සත් ජාතික පක්ෂයට හා අග්‍රාමාත්‍යවරයාට සහතිකයක් ලැබුන බව. ලංකාවේ ලොකුම මුල්‍ය වංචාව සිදුව ඇත්තේ පසුගිය රජය සමයේයි. ඒ රජය සමයේ සිදුව ඇති බැදුම්කර වංචාවල වටිනාකම රුපියල් බිලියන 4000 ක් වනවා. ඒ පිළිබදව සොයා බැලීමට විශේෂඥයින්ගෙන් යුත් කොමිසමක් ජනාධිපතිවරයා විසින් පත් කරනවා. මම කියන්න කැමැතියි වසර 2020 වනවිට රාජපක්ෂලාගේ ලිපිනය තිබෙන්නේ වැලිකඩයි. ලියුම් දාන්න අය ඉන්නවා නම් වැලිකඩට යොමු කරන්න.

පසුගිය රජය සමයේ සිදු වූ වංචා දුෂණ සෙවීමට අපි ප්‍රමාද වුනා. නමුත් 2018 වසරේ දී සියලු සොරකම් වල තොරතුරු එළියට එනවා. රණවිරු රාජපක්ෂ මේ වන විටත් විදේශගත වෙලා. ඩුබායි බැංකු ගිණුම්වල ඇති ගිණුම්වල වටිනාකම් සහ අනෙකුත් තොරතුරු සොයාගෙන තිබෙනවා. මෙම පරීක්ෂණ ප්‍රමාදවීම නිසා රාජපක්ෂලා දැන් වීරයෝ වෙලා. ජනතාවට අවශ්‍ය සෑම සහනාධාරයක්ම ලබාදීමට රජය සුදානම්. ඒ සදහා එක්සත් ජාතික පක්ෂයට ජනවරම ලබාදෙන්න. මෙම සුන්දර මැතිවරණ ක්‍රමය ආරක්ෂා කරන්න. එය ඔබට ලබාදුන්නේ මෛත්‍රී රනිල් පාලනයයි. පිපෙන්නේ නැති පොහොට්ටුව බලන්න කණ්නාඩි 10 ක් විතර දාන්න ඕනි. කණ්නාඩි 10 ක් දැම්මත් එය පේන්නේ නැහැ. පොහොට්ටුව පක්ෂය හරියට බොම්බයි මොටයි වගේ. මෙම රජය වසර 2020 දක්වා රට පාලනය කරනවා. ඉන් පසු පැවැත්වෙන මැතිවරණයෙන් ජයගෙන අපි වසර 2025 දක්වා ද රට පාලනය කරනවා.” යැයි ද වැඩිදුරටත් පැවැසීය.

– ප‍්‍රසන්න අධිකාරී

13 views

8 Comments to “පොල් බෑය මිල වැඩි වුණාට මොකද අපි අක්‍ෂි කාච නොමිලේ දෙනවා.. පිලිකා රෝගීන්ට මියෙන තෙක් නොමිලේ බෙහෙත් දෙනවා..”

  1. RK says:

    Yes Sir. Polbaya wageda Aksikacha, දිනකට 2k 3k hama ගෙදරකට ඕනෑනේ. අනික hama gedarakama පිළිකා රෝගීන් වැහි vahala. පුලුවන් nam අරයගෙ කඩුව එවන්න මටත් bada කපාගන්න. ඔබලාගේ සේ

    • leel says:

      පහුගිය ආන්ඩු වලිනුත් ඔවා කලේ නිකන් තම්යි…හැබැයි මුන් වගෙ අඩබෙර ගැහුවෙ නැ……හරියට මුන් දැන් පාරකට තාර දාල, තාර දාපු එකාටම කියල බැනර් එකක් දාගන්නව වගෙ..”අපේ පාරට තාර ටික දාපු අහවල් ඇමති තුමාට පාරෙ ජනතාවගේ ප්‍රනාමය” කියල…හික්…හික්…

  2. ඇත්ත says:

    පිටරටින් පොලුත් ගෙන්හල්ල කවපන්…එතකොට තව පිළිකා බෙහෙත් පොවන්න පුලුවන්…

    • podda says:

      Ane gon katha nokia hitapan…yako pol naththan genna wenawa thamai..Nathuwa tho mokada karanna kiyanne…Badajariyoooo

      • lanka says:

        ගෙනෙන් ගෙනෙන්..උබෙ අම්මවත් පිටරටින් ම ගෙනෙන්…

  3. Lolla says:

    මට මෙලොව ඉන්න අප්පිරියම මිනිසා

  4. Upul says:

    You are the most ignorant idiot in this parliament. What is the use of giving all that if people are dyeing of not having being able to have at least one daily meal? First you need to fill your stomach before you need the lenses for your eye YOU IDIOT… GET THAT RIGHT.

  5. kadiya says:

    අක්ෂි කාචයෙන් පොල් සම්බෝලයක් හරි කිරි හොද්දක් හරි හදන හැටි කියල දෙන්න මන්ද බුද්දික දත් දොස්තර මහත්තයෝ.

Main News