පොහොට්ටුවෙන් ජනාධිපතිවරණයට එන්න කකුල් කැඩුණු අශ්වයන්ට ඉඩ දෙන්නේ නෑ..

June 10, 2019 at 1:20 pm | lanka C news
පොහොට්ටුවෙන් ජනාධිපතිවරණයට එන්න කකුල් කැඩුණු අශ්වයන්ට ඉඩ දෙන්නේ නෑ..

ඉදිරියේ දී පැවැත්වෙන ජනාධිපතිවරණයේ දී කකුල් කැඩුණු අශ්වයකු ඉදිරිපත් කර පරාජයට පත්වීමට ශ්‍රී ලංකා පොදුජන පෙරමුණට කිසිදු අවශ්‍යතාවක් නොමැති බව ශ්‍රී ලංකා පොදුජන පෙරමුණේ ගම්පහ දිස්ත්‍රික් නායක, පාර්ලිමේන්තු මන්ත්‍රී ප්‍රසන්න රණතුංග මහතා ප්‍රකාශ කළේය. රටේම කැමැත්ත දිනාගත් පොහොට්ටුවෙන් ඉදිරිපත්වීමට කකුල් කැඩුණු අශ්වයන් බලාගෙන සිටින නමුත් මහින්ද රාජපක්ෂ මහතාගේ ආශිර්වාදයෙන් ඉදිරිපත් කරනුයේ පොහොට්ටුවේම අපේක්ෂකයකු පමණක් බවත් රණතුංග මහතා අවධාරණය කළේය.

ප්‍රසන්න රණතුංග මහතා මෙම අදහස් පළ කළේ ශ්‍රී ලංකා පොදුජන පෙරමුණේ මිනුවන්ගොඩ ආසන බල මණ්ඩල රැස්වීමට උඩුගම්පොළ දී එක්වෙමිනි.

මන්ත්‍රීවරයා එහිදී වැඩිදුරටත් මෙසේද ප්‍රකාශ කළේය.

‘රටේ දේශපාලන ක්ෂේත්‍රය අද වෙන කොට තීරණාත්මක සන්ධිස්ථානයකට ඇවිත් තිබෙනවා. දැන් වෙන කොට රටම අවුල් ජාලයක් වෙලා ඉවරයි. දේශපාලනය, ආර්ථිකය, ආරක්ෂාව වගේ සෑම ක්ෂේත්‍රයක්ම කඩාගෙන වැටිලා තියෙන්නේ මේ ආණ්ඩුවේ තියෙන අකාර්යක්ෂමතාව නිසයි.

ජනාධිපතිවරයා වගේම අගමැති ප්‍රමුඛ ආණ්ඩුවත් අපේ රටේ ඉතිහාසයේ පත්වෙච්ච දුර්වලම පාලකයන් බවට කිසිම විවාදයක් නැහැ. මේ අවුල ලෙහා ගැනීම සඳහා ඇති එකම විකල්පය වහාම මැතිවරණයකට යාමයි. නමුත් ජනාධිපතිවරයා වගේම අගමැතිවරයාත් මැතිවරණවලට බයයි.

පළාත් පාලන මැතිවරණයේදී පොහොට්ටුවට විශිෂ්ට ජයක් ලැබුණා. ඒ නිසා ආණ්ඩුව පළාත් සභා මැතිවරණය වසර දෙකක් තිස්සේ කල්දමමින් ඉන්නවා. කොහොම වුණත් ජනාධිපතිවරණය අනිවාර්යෙන් මේ අවුරුද්දේ තියන්නම වෙනවා. තව මාස හතරකින් මැතිවරණ කොමිසම ජනාධිපතිවරණය ප්‍රකාශයට පත් කළ යුතුයි.

අපට දැනගන්න ලැබිලා තියෙනවා ජනාධිපතිවරණය කල්දාගන්න සමහරු උත්සහ කරනවා කියලා. හැබැයි කාටවත් ජනාධිපතිවරණය කල්දාන්න අපි ඉඩ තියන්නේ නැහැ. එහෙම කළොත් රටේම ජනතාව පාරට බස්සලා දැවැන්ත අරගලයක් කරන්න අපි සූදානම්. ජනාධිපතිවරණය පමණයි ජනතාවට ඉතුරු වෙලා තියෙන බලාපොරොත්තුව.

අපි මැතිවරණවලට බය නැහැ. අපි ඕනෑම මැතිවරණයකට සූදානම්. පළාත් සභා ද, පාර්ලිමේන්තු ද, ජනාධිපතිවරණය ද කියලා වෙනසක් අපට නැහැ. අපට ඕනේ මොකක් හරි මැතිවරණයක්. මැතිවරණවලට බය නැත්නම් පුළුවන් නම් මැතිවරණයක් තියන්න කියලා අපි ආණ්ඩුවට අභියෝග කරනවා. ඕනැම මැතිවරණයක් ජයග්‍රහණය කරන්න අපට පුළුවන්.

මේ ආසන බල මණ්ඩලය අද තීන්දු කළා ජනා‍ධිපතිවරණ‍යට අපේ අපේක්ෂකයා පොහොට්ටුව නියෝජනය කරන කෙනෙක් විය යුතු බව. ඒ මතයේ තමයි මම මුල සිටම හිටියේ. මහින්ද මහත්තයාගේ ආශිර්වාදයෙන් අපට හොඳ අපේක්ෂකයෙක් ඉදිරිපත් කරන්න පුළුවන්. කකුල්  කැඩුණු අශ්වයෝ දාගෙන ජනාධිපතිවරණ රේස් එක දුවන්න අපට අවශ්‍ය නැහැ.

අපි රේස් එකට දාන්නේ හොඳට දුවන්න පුළුවන් ජවසම්පන්න අශ්වයෙක්. අපිට ඕනේ දිනන්න මිසක් පරදින්න නෙමෙයි. මේ වෙනකොට ලංකාවේ තියෙන ලොකුම තනි පක්ෂය තමයි පොහොට්ටුව. පොහොට්ටුව කියන්නේ මේ රටේ මිනිස්සුන්ගේ පක්ෂයයි. ඒක හැදුණේ ජනතාවගේ අතින්.

එක්සත් ජාතික පක්ෂය ජනාධිපතිවරණය පටන් ගන්නත් පෙරම පරාද වෙලා ඉවරයි. රනිල් ද, කරු ද, සජිත් ද කියන එක තෝර ගන්න බැරුව කුලල් කා ගන්නවා. අපේ පක්ෂයේ ඉන්නේ එක නායකයයි. හැබැයි පඳුරකට ගැහුවොත් එජාපයේ නායකයෝ විස්සක් තිහක් විසි වෙනවා. නිදහස් පක්ෂය ගැන නම් කතා කරලා වැඩක් නැහැ.

පක්ෂය ගැන අපට තියෙන්නේ කණගාටුවක්. මුළු රටම කියනවා මෛත්‍රි එපා කියලා. හැබැයි නිදහස් පක්ෂයේ පින් මන්ත්‍රීවරුන් ටික ගිහින් ලියුමක් දෙනවා මෛත්‍රි ඕනේ කියලා. මේවා තමයි හොඳම විහිලු. අපි ඒ මන්ත්‍රීවරුන්ගෙන් ඉල්ලා සිටින්නේ දැන්වත් ජනාධිපතිවරයාට ලනු දෙන එක නතර කරන්න කියලයි.

අනෙක් පක්ෂ සේරම එක මිටකට අරගෙන පරද්දන්න පුළුවන්කම පොහොට්ටුවට තිබෙනවා. අපි දැනටමත් පුළුල් සන්ධානයක් ගොඩනගමින් යනවා. ඒ සන්ධානයට අන්තවාදී, ජාතිවාදී පක්ෂ සහ පුද්ගලයන් හැර අනෙක් ඕනෑම දේශප්‍රේමී පක්ෂයකට, පුද්ගලයකුට එකතු වෙන්න පුළුවන්. දැනටතමත් අපි සමඟ පක්ෂ විශාල ප්‍රමාණයක් එකතු වෙලා ඉන්නවා.

ඒ පුළුල් සන්ධානය තුළින් ජනාධිපතිවරණයේදී 60% ඉක්ම වූ අතිවිශිෂ්ට ජයග්‍රහණයක් ලබා ගන්න අපට පුළුවන්. එතැන් සිට අපි වසර පහෙන් පහට සැලසුම් සහිතව මේ රට දියුණු කිරීමේ වැඩපිළිවෙළ අඛණ්ඩව ඉදිරියට ගෙනියනවා. නැවත වරක් මේ රට ආසියාවේ ආශ්චර්ය කරා ගෙන යාමට අපි සූදානම්.

මෙම රුස්වීමේදී විශේෂ යෝජනා තුනක් ඒකමතිකව සම්මත කෙරෙණ. එළෙඹණ ඕනෑම මැතිවරණයකට ශ්‍රී ලංකා පොදුජන පෙරමුණ ප්‍රමුඛ ආණ්ඩු විරෝධී පුළුල් සන්ධානයක් ගොඩ නැගීම එළෙඹෙන ඕනෑම මැතිවරණයක් සදහා පොහොට්ටුව ලකුණින් තරග කිරීම සහ මැතිවරණ සටන මහෙය වීම මහින්ද රාජපක්ෂ මහතා විසින්ම සිදු කිරීම එම යෝජනා තුනයි. මෙම යෝජනා තුන සභාවට ඉදිරිපත් කලේ ප්‍රසන්න රණතුංග මන්ත්‍රී වරයාය.

මිනුවන්ගොඩ ප්‍රාදේශීය සභාවේ සභාපති කුමාර අරංගල්ල උප සභාපති සුජීව සම්පත් යන මහත් වරුද මෙහිදී කථා කලහ.

– ප‍්‍රදීප් අනුර කුමාර

39,734 Viewers

9 Comments to “පොහොට්ටුවෙන් ජනාධිපතිවරණයට එන්න කකුල් කැඩුණු අශ්වයන්ට ඉඩ දෙන්නේ නෑ..”

  1. john the baptice says:

    දැනට කකුල් කැඩුණු අශ්වයන් සජිත් රනිල් කරු

    • එපාම එපා says:

      කකුල් කැඩුන අය විතරක් නෙමෙයි මොලේ හොඳ නැති වගේම පපුව හොඳ නැති අයත් එපා.

  2. Karu says:

    මොනවා වුණත් එකත් එකටම ගෝඨාභයගෙ කකුලක් මේ ආංඩුව කඩනවා. ෂුවර්.
    තවත් අශ්වයෙක් සූදානම් කර ගෙන ඉන්න.
    බාගදා ගෝඨාභය හිරේට දාන එකම ආංඩුවට විහින් කෑමක් වෙන්නත් පුළුවන්.

  3. සීගිරි says:

    අවුරැදු 71 කාලය තුල විවිධ අගමැතිවරැ,ජනාධිපතිවරැ හා විවිධ රජයන්, ආණ්ඩු හා සන්ධාන අවසානයේ අසාර්කථ වීමත් හා එහෙම වන්නට හේතුවත් තේරැම් කර දිය හැකි එකම විදිය මේ නවයටත් විජිත රාජ්‍ය ව්‍යූහය හා යාන්ත්‍රණය අපට නොගැලපෙන එමෙන්ම ජාතියට විනාශය ගෙන දෙන දෙයක් බව තේරැම් කර දීමෙන් පමණි.මේ මොහොතේ රටේ එකම යථාර්තවාදී දේශපාලන අවශ්‍යතාව මේ වෙනස අරඹයා පැන නගින ව්‍යාපාරයක් පමණි….
    මේ රාජ්‍යය ව්‍යූහය හා ක්‍රියාකාරිතවය තුලම දියුණුව,යහපත,සමෘදිය උදා කරනවා යයි කියාගෙන යමෙක් ඉදිරිපත්වේ නම් එක්කෝ ඔහු අලි බොරැ කාරයෙකි නැත්නම් මෝඩයෛකි.

  4. SANA says:

    REDDA THAMAI

  5. වරදට දඬුවම නියතයි says:

    SLFP එක සහමුලින්ම කාල රටත් අවරුදු ගානකටම කාල ඊළඟට රටගොඩ ගන්න තියන එකම බලවේගය වන පොහොට්ටුවත් කන්නයි යන්නේ. කාලකන්නියා.

  6. Saman says:

    මෙයාට පුලුවන්නේ මිනිසුන්ගේන් කප්පම් ගන්න… නඩු යනවා .. එවා මිනිසුන්ට අමතක නැහැ මහත්තයෝ….

  7. Samayama says:

    Kimbulek!

  8. Mangala says:

    Mekath maha jara kakkek. Okkotama issella munwa elawanna ona.

Leave a Comment

Main News