පොහොට්ටුව ගැන රටපුරා දුර්මත පැතිරෙන්න පටන් අරන්..

September 27, 2021 at 12:00 pm | lanka C news
පොහොට්ටුව ගැන රටපුරා දුර්මත පැතිරෙන්න පටන් අරන්..

ආණ්ඩුට එරෙහි විවේචනවලට නිවැරදි පිළිතූරු නොදුන්නොත් සියයට තුන බොරු වලට ජනතාව රැවටෙන්න ඉඩ ඇතැයි සංචාරක අමාත්‍ය ප්‍රසන්න රණතුංග මහතා පවසයි.

ආණ්ඩුවට එරෙහිව විපක්ෂය විවධ බොරු ප්‍රචාරන කරන බවත් ඒ නිසා ආණ්ඩුව සහ ශ්‍රී ලංකා පොදුජන පෙරමුණ සම්බන්ධයෙන් විවිධ දුර්මත රට තුල පැතිර යාමට පටන්ගෙන ඇති බවත් පෙන්වා දුන් ඇමතිවරයා ඒවා නිවැරදි කර ආණ්ඩුව මෙන්ම පක්ෂයද ආරක්ෂා කර ගැනීම ශ්‍රී ලංකා පොදුජන පෙරමුණේ මහජන නියෝජිතයන්ගේ සහ පාක්ෂිකයන්ගේ  වගකීමක් බවද පෙන්වා දෙයි.

අමාත්‍යවරයා මෙසේ පැවසුවේ “2022 ඔබට අය වැයෙන්” නමින් පැවැත්වෙන රැස්වීම් මාලාවේ කැස්බෑව ආසනයේ රැස්වීම අමතමිනි.

එහිදී වැඩිදුරටත් අදහස් දැක්වූ අමාත්‍යවරයා මෙසේ ද පැවසීය.

“ග්‍රාමීය සංවර්ධන කමිටු සමග සම්බන්ධ වෙලා ගම සංවර්ධනය කරන යෝජනා හඳුනා ගැනීම මේ දිනවල සිදු කෙරෙනවා. ගමම එක තැනකට එකතු කරලා කොට්ඨාසයට අවශ්‍ය සංවර්ධන ව්‍යාපෘති හදුනාගන්න ඕනෑ. ජීවනෝපාය සංවර්ධන කටයුතු සඳහා සියයට හතළිහක් වෙන් වෙනවා. ඒ මුදල් යොදාගෙන සංචාරක ව්‍යාපාරය වැනි ක්ෂේත්‍ර වල සිටින අය නගා සිටවූවොත් ඒ බදු මුදල් වලින් රටේ ආර්ථිකය නගා සිටුවන්න පුළුවන්. පොදු යටිතල පහසුකම් සඳහා තවත් සියයට හතළිහක් වෙන් වෙනවා.පරිසර හා තිරසර සංවර්ධනයට සියයට දහයක්, සමාජ සුභසාධන කටයුතු වලට තවත් සියයට දහයක් වෙන් කරන්න පුළුවන්. ග්‍රාමසේවක වසම් මට්ටමෙන් රාජ්‍ය නිලධාරීන් කැඳවලා ගම ම එතැනට එකතුවෙලා ගමට ලැබිලා තියෙන ප්‍රතිපාදන ගැන දැනුවත් කරලා, ගමේ යෝජනා ටික හඳුනාගෙන යෝජනා අපට භාර දෙන්න. ජනවාරි මාසේ ඉඳලා ඒ යෝජනා ක්‍රියාත්මක කරන්න අපි කටයුතු කරනවා. එහි ප්‍රතිඵලය ලැබුණම දක්ෂ මන්ත්‍රීවරුන්ට තමන්ගේ ගම දියුණු කරගන්න පුළුවන්. ගමේ සංවර්ධන කටයුතු ක්‍රියාත්මක කරන්න ඔබට සවියක් වෙන්න වත්මන් මුදල් අමාත්‍ය බැසිල් රාජපක්ෂ මහතා සූදානම්. ගමේම අදහස් අරගෙනයි මේ කටයුතු ඉදිරියට ගෙනියන්නෙ. සමහර මන්ත්‍රීවරුන් කාණු හදන්න කැමතියි. ඒ උනාට හිතු හිතු විදියට දැන් ඒව කරන්න බෑ. ගමේ ව්‍යවසායකයෝ හඳුන ගන්න ඕනේ. ගම සංචාරක ව්‍යාපාරය සමඟ සම්බන්ධ නම් ගමේ පුද්ගලික ව්‍යවසායකයෝ ඇති කරන්න මේ මුදල්වලින් හැකියාව ලැබෙනවා. ගම වඩු කර්මාන්තයට  ප්‍රසිද්ධ නම් වඩු කර්මාන්තය දියුණු කරන්න මේ මුදල්වලින් පුළුවන්කම ලැබෙනවා.ගමේ පාරවල් ටික හදාගන්න පුළුවන්. පාසල් දියුණු කරන්න ප්‍රතිපාදන වෙන් කර ගන්න පුළුවන්. ඒ සඳහා  ඔබ ගමේ නායකත්වය ගෙන කටයුතු කරන්න.

කොවිඩ් වසංගතයෙන් අපි ඉගෙන ගත්ත පාඩම් තියෙනවා. රටවල් වහපුවම අපේ රටට බඩු එන්නේ නැහැ.ලෝකයේ අනෙක් රටවල් තමන්ගෙ රටවල් දියුණු කරද්දි අපි වගේ රටවල් අනෙක් රටවල් මත යැපෙන එක මේ වෙලාවෙ සෑහෙන්න බලපෑවා. දේශීය ආර්ථිකය දියුණු කර ගැනීමට අවශ්‍ය පියවර අපි ක්‍රියාත්මක කරන්න ඕනේ.වර්තමාන  මුදල් ඇමතිවරයා උත්සාහ කරන්නේ ඒකටයි. සමහරු ආණ්ඩුවේ කැබිනට් එකේ වාඩිවෙලා ඉඳගෙන කැබිනට් යෝජනා එලියට ඇවිත් විවේචනය කරනවා. එහෙම කරන්න බැහැ. ඒක කරන්න තිබුනේ කැබිනට් එකේදියි. කැබිනට් එකේ තීන්දුවක් ගත්තම අපි හැමෝටම ඒ තීන්දුවට සාමූහිකව වගකියනවා. හරි වෙන්නත් පුළුවන් නැති වෙන්නත් පුළුවන්. ඔබතුමන්ලාත් ආසන සංවිධායකවරයා සමඟ එකතු වෙලා එක වැඩ පිළිවෙලක් ආසනය තුළ ගෙන ගියොත් අපේ ඉලක්ක සම්පූර්ණ කරගන්න පුළුවන්.

යුද්ධය අවසාන කාලයේ මේ රටට විදේශිකයො ආවේ ලක්ෂ තුනක් හතරක් වගේ. යුද්ධයක් තියෙන රටකට ආයෝජකයෝ එන්නෙ නැහ. මේ රටේ ආයෝජනය කරන්න හිටපු මිනිස්සු වෙනත් රටවල ආයෝජනය කළා. ඇඟලුම් කර්මාන්තය මුලින්ම පටන් ගත්තේ ලංකාවේ. අපේ රටේ වෘත්තීය ක්‍රියාමාර්ග හා යුද්ධය නිසා ආයෝජකයෝ අපේ රටෙන් ගියා. අද බංගලිදේශය ඇඟලුම් ක්ෂේත්‍රයේ ඉදිරියට ඇවිත්. මේවා ගැන හොඳ අවබෝධයකින් කටයුතු කරන එක අපේ වගකීමක්. අපි එකතුවෙලා කටයුතු කළොත් රට දිනවන්න පුළුවන්. විවේචන එල්ල වෙනකොට ඒ ගැන අපෙන් අහන්න. විවේචන වලට අපි හරියට උත්තර නොදුන්නොත් සියයට තුන බොරුවෙන් රට පාලනය කරනවා. ඒකට ඉඩ තියන්න එපා. පක්ෂය  ශක්තිමත් වුණොත් ආණ්ඩුව ශක්තිමත් වෙනවා. පක්ෂය දුර්වල වුණොත් ආණ්ඩුව දුර්වල වෙනවා. මේක අපි අත්දැකීමෙන් කියන්නෙ. පක්ෂය ශක්තිමත් කිරීමේ වගකීම තියෙන්නෙත් අපිට. ගමේ ශාඛාව ශක්තිමත් කරලා, ජනතාව ශක්තිමත් කරපුවම අපිට පුළුවන් බොරු වලට උත්තර දෙන්න. සමාජ මාධ්‍ය වල වැඩිපුරම යන්නේ බොරු.

රසායනික පොහොර විස නාසක නතර කරන්න වසර ගණනාවක සිට උත්සහ කරනවා. මහා පරිමාණ රසායනික පොහොර ව්‍යාපාරිකයන් සිටිනවා. ඒ උනාට ඒ අය තමන්ගේ ළමයින්ට කන්න දෙන්නෙ කාබනික පොහොර යොදන නිවසේ පාවිච්චියට හදාගන්න එළවළු.අපට දෙනවා විස රසායනික කෑම ටික.අද පිළිකා රෝහලේ තත්ත්වය බලන්න. පිලිකා රෝහලේ රෝගීන් වැඩි නිසා අලුතෙන් රෝහල් හදනවා. වකුගඩු රෝහල් හදනවා. රෝහල්වල වකුගඩු වාට්ටු වෙන් කරනවා. නමුත්, රසායනික පොහොර භාවිතය නතර කරන්න උදව් කරන්නේ නැහැ. ජනාධිපතිතුමා ඒ අභියෝගයට මුහුණ දෙන්න සූදානම්. මේ නිසා ගොවියන්ට ප්‍රශ්නයක් තියෙන බව අපි දන්නවා. කෙටි කාලයක් ඉවසීමෙන් මේ තත්ත්වයට මුහුණ දුන්නොත් විසඳුම් හොයා ගන්න පුළුවන්. ගමට අවශ්‍ය කරන කාබනික පොහොර හදන්න හදන්න  ව්‍යවසායකයෙක් ඉදිරිපත් වෙනවා නම් ඔහුට අවස්ථාව දෙන්න ඕන.ඊලග අවුරුද්දට අපිට මේ තරම්  කාබනික පොහොර ප්‍රමාණයක් අවශ්‍යයි , ගමට  අවශ්‍ය පොහොර ගමේම හදාගන්නම් කියලා කියන්න පුළුවන්.

පක්ෂයට ආදරය කරන රජයත් එක්ක කටයුතු කරනවගකීමෙන් කටයුතු කරන අයයි මෙතන ඉන්නේ.ආසන සංවිධායකවරයා සමග එකතු වෙලා අයවැයෙන් ගමට ලැබෙන මුදල් ඉදිරි දැක්මක් ඇතිව වැය කරලා ගම සංවර්ධනය කරන්න, තමන්ගේ කොට්ඨාසය සංවර්ධනය කරන්න කටයුතු කරන්නයි කියලා ඉල්ලා සිටිනවා. ”

මෙම අවස්ථාවට අමාත්‍ය ගාමිණී ලොකුගේ , පාර්ලිමේන්තු මන්ත්‍රී සහන් ප්‍රදීප්, පාර්ලිමේන්තු මන්ත්‍රී කෝකිලා ගුණවර්ධන යන අයද සහභාගී වූහ.

– ප්‍රදීප් අනුර කුමාර

28,010 views

19 Comments to “පොහොට්ටුව ගැන රටපුරා දුර්මත පැතිරෙන්න පටන් අරන්..”

  1. Sagara says:

    මුන්ට ඕක දැන්ද තේරෙන්නෙ.

  2. ගම්පහ මිනිස්සු says:

    තරහා ගන්න එපා, මේකා ඉස්කෝලේ 9 පන්තියට විතරයි ගිහින් තියෙන්නේ. ඉතින් ඔයිට වැඩිය දෙයක් ඔකගෙන් බලාපොරොත්තු වෙන්න එපා. ගඟට මුට්ටි දාන්ඩ දර පලන්න වත්ත සුද්ධ කරන්න වගේ දෙකට ඇර මු පාර්ලිමේන්තු එවපු ගම්පහ මිනිස්සුන්ගෙන් තමයි අහන්න ඕනේ මුට වෙන් පුළුවන් දෙයක් ගැන.

  3. BONIKARA THARUWA says:

    kiyala wedak naha Amathithumani!
    Mehemagiyoth kelawenawa; obata nowe, ratata.

  4. අපේ රට says:

    69 ලක්ෂක් ජනයා පොහොට්ටුව විස්වාසකර බලයට ගෙනාවෙ රටෙ සම්පත් රටට නොකියා මහරැ පිට උන්ට බදුදිමට නොවෙ. රටට හිතකරනම් ජනයාට කියන්න.. සිරිමා පිටදෙ රටට ගත්තා ජවිපෙට බනින් නැතිව තමන් දෙස හැරි බලා නිවැරිදිවෙන්න.එවිට ජනයා ඔබසමගයි නැත්නම් පිලිතුර අගුනයි.

  5. Gon athal says:

    Muth niyama Hurulayek thamai… Giya palathama gandai..

  6. wasudewa says:

    පොහොට්ටුව ගැන රටපුරා දුර්මත පැතිරෙන්න පටන් අරන්..—————

    දුර්මත නොවේ මහත්තයෝ , දැන් “දුර්ගන්ද ” තමා පටන් අරන් තියෙන්නේ .ගඳේ ඉන්නබෑ, ඉවසන්න බැ , නිළ මැස්සො ගුගොඩවල් උඩ , පනුවෝ ගු ගොඩේ (මොකෝ උන් දන්නේ නැ නේ ගු ගොඩේ ඉන්නේ කියා) .ඊළඟ චන්දෙන් , මිනිස්සු මේ ගදයන් ගෙදර යවාවි

  7. Anuradha says:

    තෝපිලාවගේ අපතකයින් ඉන්නාවිට මේ දේය වෙනවා තමයි කිසිම දැනීමක් නැති කඳ ,බඩ මහාත විතරයි බං උබට තිබෙන්නේ මොලේ කියලා කළඳක් වත් නැහැ සිතන්න වැඩක් කරන්නට ප්‍රථම.

  8. ගෞම් ඊයාරාජ් says:

    අන්න තෝයි , කෙහෙවලියයි , චානක කොටයි පීත්ත පටි කපලා ඔපන් කර්පු ගුවන් තොටුපොලේ හදපු පී.සී.ආර් එක්කය අක්‍රිය වෙලා. ඇත්තටම මුන් වගේ එවුන් හොදයි , ඔය අලුතෙන් හදන පාරවල් වල ගල් තලන්න ගල් රෝල වෙනුවට ගන්න. ක්‍රෑහ් තුහ්.

Main News