පෝ දිනයේ විශාල පිරිසක් ශ්‍රි පාදය කරුණා කරති..

January 11, 2020 at 2:08 am | lanka C news
පෝ දිනයේ විශාල පිරිසක් ශ්‍රි පාදය කරුණා කරති..

සති අන්ත දිර්ඝ නිවාඩුවත් සමග ශ්‍රි පාදස්ථානය කරුණා කිරිමට හැටන් මාර්ගය ඔස්සේ විශාල වන්දනාකරුවන් පිරිසක් (09) දින සිට පැමිණෙමින් සිටින බව නල්ලතන්නිය පොලිසිය පැවසිය.

ශ්‍රි පාද වන්දනාවේ පැමිණෙන වන්දනාකරුවන් වැඩි පිරිසක් දුම්රියෙන් හැටන් දුම්රිය ස්ථානය වෙත පැමිණෙන අතර දුම්රියෙන් පැමිණෙන වන්දනාකරුවන් වෙනුවෙන් හැටන් දුම්රිය ස්ථානයේ සිට නල්ලතන්නිය දක්වා වන්දනාකරුවන් ප්‍රවාහනය කිරිමට හැටන් ලංගම ඩිපෝව මගින් බස් රථ ගණනාවක් ධාවනයට එක් කර ඇත.

හැටන් දුම්රිය ස්ථානය වෙත පැමිණෙන ශ්‍රි පාද වන්දනාකරුවන් වෙනුවෙන් හැටන් දුම්රිය ස්ථානයේ විශ්‍රාම ශාලාව විවෘත කර ඇති අතර , එම විශ්‍රාම ශාලාව තුල වන්දනාකරුවන්ට අවශ්‍යය පහසුකම් සලසා ඇති බව හැටන් දුම්රිය ස්ථානයේ ස්ථානාධිපතිවරයා කියා සිටිහ.

හැටන් මාර්ගය ඔස්සේ ශ්‍රි පාද වන්දනාවේ පැමිණෙන වන්දනාකරුවන් වෙනුවෙන් අවශ්‍යය ආරක්ෂාව සදහා විශේෂ ආරක්ෂිත වැඩපිලිවෙලක්  දියත් කර ඇති බව හැටන් පොලිස් අධිකාරි චුලනි විරරත්න මහතා පැවසිය.

ශ්‍රි පාද වන්දනාවේ පැමිණෙන වන්දනාකරුවන්ගෙන් පොලිස් අධිකාරිවරයා ඉල්ලා සිටින්නේ මත්ද්‍රව්‍යය රැගෙන ශ්‍රි පාද වන්දනාවේ නොපැමිණෙන ලෙසත් එසේ පැමිණෙන වන්දනාකරුවන් අත්අඩංගුවට ගැනිම සදහා පොලිස් කණ්ඩායම් කිහිපයක් දිවා රාත්‍රි දෙකේ රාජකාරියේ යොදවා ඇති බවයි.

තවද ශ්‍රි පාද පුද බිමේ පරිසරය රැක ගැනිම සදහා කැලි කසල අපද්‍රව්‍යය සහ පොලිතින් පරිසරයට සහ මර්ගය දෙපස බැහැර නොකරන ලෙසත්,. කාසල්රි සහ මවුස්සාකැලේ ජලාශවලින් දිය නාම සිදු නොකරන ලෙසටත් පොලිස් අධිකාරිවරයා ඉල්ලා සිටියි.

– හැටන් රංජිත් රාජපක්ෂ

3,910 Viewers
Main News