ප‍්‍රබල ඇමතිගෙන් වාහන බදු සහන කැබිනට් යෝජනාවක්‌.. රජයට පාඩුව බිලියන 18ක්‌..

January 31, 2017 at 10:00 am | lanka C news
ප‍්‍රබල ඇමතිගෙන් වාහන බදු සහන කැබිනට් යෝජනාවක්‌.. රජයට පාඩුව බිලියන 18ක්‌..

රථ වාහන 2250 කට අදාළව වාහන කොටස්‌ ආනයනය කිරීම සඳහා බදු සහන පිරිනැමීමට අදාළ යෝජනාවක්‌ රජයේ ප්‍රබල අමාත්‍යවරයකු විසින් අමාත්‍ය මණ්‌ඩල අනුමැතිය ලබාගැනීම සඳහා ඉදිරිපත් කිරීමට නියමිතව ඇති බවත් එම යෝජනා ක්‍රියාත්මක වුවහොත් රජයට රු. කෝටි 1800 ක පමණ අතිවිශාල අලාභයක්‌ සිදුවනු ඇති බවත් රජයේ ඉහළ පෙළේ ආරංචිමාර්ගවලින් වාර්තා වේ.

අදාළ ඇමැතිවරයා විසින් දැනටමත් එම යෝජනාව ඇමැති මණ්‌ඩලයට ඉදිරිපත් කිරීමට සකස්‌ කර ඇති බවත්, බොහෝ දුරට එය කැබිනට්‌ මණ්‌ඩලය හමුවට ඉදිරිපත් කෙරෙනු ඇති බවත් එම ආරංචිමාර්ග කියයි.

මෙසේ එකලස්‌ කෙරෙන එක්‌ වාහනයකට අදාළ උපාංග වෙනුවෙන් සියයට 70 ක පමණ බදු සහනයක්‌ ලබාදීමට මෙමගින් යෝජනා කෙරෙනු ඇති බවත් අදාළ ආයතනය ආනයනය කරනු ලබන ඉහළ පෙළේ වාහනවලට අදාළ උපාංග මේ බදු සහනය යටතේ ගෙන්වුවහොත් එක්‌ වාහනයකින් පමණක්‌ රජයට රු. ලක්‍ෂ 80 ක පමණ අලාභයක්‌ සිදුවීමට ඉඩ ඇති බවත් එම ආරංචිමාර්ග කියයි.

මෙමගින් රජයට විශාල බදු අලාභයක්‌ සිදුවන බවත් මේ හරහා විශාල මූල්‍ය වංචාවක්‌ සිදු කිරීමේ උත්සාහයක්‌ ඇති බව පැහැදිලිවම පෙනෙන බවත් පැවසේ.

මෙය රටට හිතකර ආයෝජනයක්‌ බවත් මෙමගින් රැකියා අවස්‌ථා රැසක්‌ ලැබෙන බවත් පවසමින් මේ අතිවිශාල බදු සහනය ලබාදීමට යෝජනා කෙරෙනු ඇති බවද එම ආරංචිමාර්ගවලින් තවදුරටත් වාර්තාවේ.

– දිවයින

12 views

2 Comments to “ප‍්‍රබල ඇමතිගෙන් වාහන බදු සහන කැබිනට් යෝජනාවක්‌.. රජයට පාඩුව බිලියන 18ක්‌..”

  1. බන්ඩා says:

    මිල අධික වාහනයක සියලු කොටස් ගෙනැවිත් එවා ඒකට එක් කොරන වැඩේ අායුද සෙට් ඒකක් තියන මෙකෑනික් කෙනෙකුට තමන්ගෙ ගෙදර පිටිපස්සෙ ගැරෙජ් ඒකක ලෙහෙසියෙන් කල හැකි දෙයක්. පසුගිය කාල වලදි නොයෙක් අය වාහන කපල ගලවල ගෙනත් පූට්ටු කරලා RMV ඒක අල්ලන් එවා රෙජිස්ටර් කොරල විකුනල අධික ලාබ ගත්ත බව රහසක් නෙවෙය්නෙ. දැන් වොක්ස්වාගන් ෆැක්ටරියක් කියල පච කෙලල ටිකක් ලොකු බිල්ඩිමක මේ කරන්නෙත් එ් පූට්ටු වැඩේම තමය්. වෙනස RMV එකට ජරාව නොදී රනිලගෙ කල්ලිය කැබිනට් පේපර් ඒකක් දමල නීත්‍යානුකූලවම අධික ලාබය බෙදා ගන්න එකය්.

  2. බන්ඩයියා says:

    කාර් අැසෙම්බ්ලි වලට අද රටේ නීති පද්ධතියක් තිබෙනවා. දේශිිය අමු ද්‍රව්‍ය භාවිතය අනුව බදු සහන ක්‍රමයක් තිබෙනවා. මයික්‍රෝ අායතනය පවත්වාගන යන්නෙ එ් අනුවය්. ඉතින් අැය් මේ බොරැ වොක්ස්වාගන් වලට වෙනම නීති.

Main News