ප‍්‍රභාකරන් කලාට වඩා රටට හානියක් රාජපක්‍ෂලා කලා.. රට බංකොලොත්.. දශකයකින්වත් ගොඩගන්න බෑ…

December 29, 2021 at 3:26 am | lanka C news
ප‍්‍රභාකරන් කලාට වඩා රටට හානියක් රාජපක්‍ෂලා කලා.. රට බංකොලොත්.. දශකයකින්වත් ගොඩගන්න බෑ…

මේ රට අතිශය බැරෑරුම් මූල්‍ය අර්බුදයක් කරා ගෙනගියේ, රාජපක්ෂ පවුල විසින් බව ලෝකයා හමුවේ දැන් පැහැදිලිව ඇති බව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවක මහතා පවසයි.

මාධ්‍ය හමුවක දී අදහස් දැක්වූ රණවක මහතා සඳහන් කළේ ගෝඨාභය රාජපක්ෂ ජනාධිපතිවරයා බලයට පත්වීමෙන් මාස ගණනාවක් යනතුරු විවිධ අමාත්‍යාංශවලට සුදුසු පුද්ගලයන් ලේකම්වරුන් ලෙස පත් කරගැනීමට නොහැකි වූ බවය. ඉන් පැහැදිලි වන්නේ මේ රට ඉදිරියට ගෙන යාම සම්බන්ධයෙන් ජනාධිපතිවරයා කිසිදු සූදානමක නොසිටි බව යැයි ද හෙතෙම අවධාරණය කළේය.

“එතුමා විසින්ම කිහිප දෙනෙක්ගෙන් යුතු කමිටුවක් පත් කරලා, රටේ ඉන්න වෘත්තීයවේදීන්ගෙන් ඉල්ලීමක් කළා. එවන්න ඔගොල්ලන්ගේ අයදුම්පත්‍ර මේ සුදුසු රාජ්‍ය ආයතන කරගෙන යන්න කියලා ඒ සාමාජිකයෙක් ප්‍රකාශ කරලා තිබුණා අයදුම්පත්‍ර දහස් ගානක් ලැබී තිබුණයි කියලා. ඒ අයදුම්පත්‍රවලට වෙච්ච දෙයක් අද වෙනකන් අපි කවුරුවත් දන්නේ නෑ ඊළඟට පරණ පුරුදු විදිහට ඒ රාජ්‍ය ආයතන වලට දේශපාලන හිතවතුන් ඒ වගේම ඡන්ද ව්‍යාපාරයට දායක වෙච්ච ඇතැම් වෘත්තීයවේදීන් පත්කළා. ඒ විතරක් නෙවෙයි අපි දැක්කා බොහෝ ස්ථානවලට වැදගත්ම ස්ථානවලට යුද හමුදාවේ සහ ආරක්ෂක අංශවල නියැලිලා හිටපු පිරිස් වල පත් කිරීම් කළා. මේකත් මේ රටේ තිබිච්ච තත්ත්වයක්. ඒක තමයි මේ යුද හමුදාවේ හිටපු දක්ෂ නිලධාරීන්ට රට කරගෙන යන්න පුළුවන්ය දේශපාලන වශයෙන් කුරුවල් වෙච්ච පරිපාලන සේවාවේ හෝ වෙනත් සේවාවන් වලට වෘත්තීයවේදීන්ට වඩා කියන මිත්‍යාව මේ රට තුළ ස්ථාපිත කරලා තිබුණා. දැන් ආපසු හැරිලා බලනකොට රට බංකොලොත්භාවය කරා ගෙනිහින් ඉවරයි. මේ රට දැන් ගලවාගත නොහැකි බංකොලොත්භාවයක් කරා ගෙනිහින් ඉවරයි. ඒකට මේ රජයේ නිලධාරීන්ට දොස් කියලා වැඩක් නෑ.

විශේෂයෙන්ම කාබනික ගොවිතැන අසාර්ථක වීමේ වගකීම ජනාධිපතිවරයාත් ඔහුගේ උපදේශකවරුත් කෘෂිකර්ම ඇමතිවරයාත් රාජ්‍ය ඇමතිවරයාත් භාරගත යුතු දෙයක්. මොකද ඒක මේ මහපොළොවේ කරන්න බැරි දෙයක් බව ඒ ගැන ප්‍රකාශ කරපු දවසේ ඉඳන් අපි ප්‍රකාශ කළා. මොකද ඒ සඳහා ඒ කාබනික පොහොර සඳහා අවශ්‍ය කරන අමුද්‍රව්‍ය ශ්‍රමය එවා නිර්මාණය කරන්න යැවෙන ඉඩම් ඒ වගේම ඒවා නිර්මාණය කරන්න යන කාලය ඒ වගේම විශේෂයෙන්ම එමගින් අස්වැන්නට ඇතිවන බලපෑම කියන මේ කාරණා සියල්ලම විසි දෙලක්ෂයක් ගොවිතැනේ හා වැවිලි කර්මාන්තයේ නියැලිලා ඉන්න ගේ ජීවිත ගැන හිතලා රටේ ඉඩම් වලින් තුනෙන් එකක් එක්ක සෙල්ලම් කරන්න එපා රටේ ලක්ෂ දෙසිය විස්සක් වන ජනතාවකගේ කුසගින්න පිළිබඳ කාරණය ගැන රටට ඩොලර් උපයන තේ වගාව ඒ වගේම පොල් වගාව රබර් වගාව කුරුඳු වගාව එක්ක, සෙල්ලම් කරන්න එපා කියන පණිවිඩය අපි ලබා දුන්නා. අද මොකක්ද සෝචනීය තත්වය.

මේ රටට ආක්‍රමණිකයො පැමිණියා. කාලිංග මාඝ, ඒ වගේම රොබට් බ්‍රවුන්‍රිග්. ඒ වගේම කළාටත් වඩා විශාල ව්‍යසනයක් සිදු කර හමාරයි මේ රටේ ගොවිතැනට, වැවිලි වගාවට, අර බ්‍රිතාන්‍යයන් ඇතිකරපු වැවිලි වගාවටත්, සිදුකර හමාරයි. මේ රජය, මේ රාජපක්ෂවරු. ඇත්තටම මේ රටේ අසමත් වෙලා ඉන්නේ වියත්මගේ කට්ටිය විතරක් නෙවෙයි. මේ රටේ අසමත් වීමට ප්‍රධානම හේතුව සියලුම ප්‍රධාන අමාත්‍යාංශ ප්‍රධාන ස්ථාන අරක්ගෙන ඉන්න රාජපක්ෂ පවුලේ ක්‍රියාදාමය.

පළමුව ඔවුන් කිසි කෙනෙක් නිසි අධ්‍යාපනයක් ලබපු අය නෙවෙයි. දෙවනුව ඔවුන් කිසි කෙනෙකුට රාජ්‍ය පාලනය පිළිබඳ ප්‍රමාණ්වත් අත්දැකීමක් විශේෂයෙන්ම ජනාධිපතිවරයාට නෑ. තුන්වනුව ඔවුන්ගේ එකම ඉලක්කය මේ ජාවාරම්කාර ක්‍රියාදාමය එක්ක කටයුතු කරමින් රාජ්‍ය පාලනය අවුල් කිරීමයි. අද මේ රට ලබන වසරේ යම් හෙයකින් බංකොලොත් වුණොත් තව දශකයක් යනකම්වත් මේ රට ගොඩගන්න හම්බ වෙන්නේ නෑ. මතක තබා ගත යුතුයි.

ග්‍රීසිය බංකොලොත් වුණේ 2010. අද මේ වෙනකන් ග්‍රීසියට එයින් ගොඩ එන්න බැරි වෙලා තියෙනවා. ලෝකයේ දියුණු යැයි සම්මත රටක්. ඒ වගේම යුරෝපා සංගමයේ සාමාජික රටක් වන ආජන්ටිනාවත් එහෙමයි. විටින් විට ගොඩ එමින් නැවත යටයමින් යන තත්වයක් තමයි තියෙන්නේ. ඒ නිසා තිස් අවුරුදු යුද්ධයෙන් රට මුදාගත්තායි කියූ අය ප්‍රභාකරන් කළාටත් වඩා, වියරු ව්‍යසනයක් මුළු රටටම සිදුකොට හමාරයි. සුනාමි ව්‍යසනයටත් වඩා වියරු ව්‍යසනයක් මේ රටට සිදුකොට හමාරයි. ඒ වගේම මේ ආණ්ඩු පක්ෂයේ ඉන්න බොහෝ පිරිසකටත් ඡන්දය ලබා දුන් බොහෝ පිරිසකටත් දැන් මේ ව්‍යසනය තේරුම් ගොස් හමාරයි.

ඒ නිසා අන්‍යයන් මත දොස් කියන්නේ නැතුව මෙහි වගකීම ජනාධිපතිවරයාත් අගමැතිවරයාත් මුදල් ඇමතිවරයා ප්‍රමුඛ රාජපක්ෂ පවුලත් භාරගත යුතුයි. අද මේ ඇතිවෙලා තිබෙන ණය අර්බුදය ණය ආපසු ගෙවීමේ රාජපක්ෂවරු 2005-15 කාලේ ගත්ත වාණිජ ණය ආපසු ගෙවා ගැනීමට නොහැකි වීම පිළිබඳ අර්බුදයක්. ඒ වාණිජ ණය කිසිම ආදායමක් ඉපදවෙන්නේ නැති වරායවල්, ගුවන් තොටුපළවල්, අධිවේගී මාර්ග, ක්‍රීඩාංගන ඒ වගේම නෙළුම් කුළුණ වල ආයෝජනය කිරීමේ ප්‍රතිඵලයක් ලෙස සිදුකරන ලද ඒ ඉදිකිරීම් බුබුල පිපිරී යන බවත්, මේ ණය අපට බරපතළ ලෙස ආපසු ගෙවීම් පිළිබඳ ප්‍රශ්නයක් මතු වෙන බවත් අප පෙන්වා දුන්නේ අද ඊයේ නෙවෙයි. 2016 වර්ෂයේ

ඒ වගේම මේ සංවර්ධන ක්‍රියාදාමය ඇස් කඩා වැටෙන ආකාරයට විස්තර කළත්, මාධ්‍ය ප්‍රචාර දුන්නත්, මේවා යට තිබිච්ච, දැවැන්ත වංචාවන් අද මුළු රටම මුළු ලෝකයම දන්නවා. මේ රට අතිශය බැරෑරුම් මූල්‍ය අර්බුදයක් කරා ගෙනගියේ, මේ රාජපක්ෂ පවුල බව පැහැදිලියි.

අද අපේ ගොවිතැන විනාසයි. රට සාගතයක් කරා ගමන් කරමින් තියෙනවා. රට මූල්‍යමය බුන්වත් වීම කරා ගෙන යමින් තිබෙනවා. ඒ තුළ මුළු රට හිඟන රටක් බවට පරිවර්තනය වීමේ අනතුර තියෙනවා. ඒ වගේම නැවත වෙන කවුරු හරි රට ආපසු ගත්තත් ගොඩ නගන්න බැරි විදිහට රටේ වටිනා සම්පත තෙල් සම්පත, තෙල් ටැංකි සම්පත ඒ වගේම ඛනිජ සම්පත් ඒ වගේම සුළං බලය ඒ වගේම වරාය, විදුලි බලය, තෙල්, ගුවන් තොටුපොලවල් ආදී සම්පත් කොළඹ නගරයේ වටිනා ඉඩම් විදේශ බලවේග වලට කුණු කොල්ලයට ලබාදීමට දැන් කටයුතු කරමින් යනවා. මේ සියල්ලෙන්ම ට නැවතත් ආර්ථික සමාජීය වශයෙන් යටත් විජිතයක් බවට පරිවර්තනය වෙමින් හමාරයි.

ඒ නිසා අසමත් වී ඇත්තේ මේ රටේ ජනතාවත් ඒ වගේම මේ රටේ වෘත්තීයවේදිනුත් නොවෙයි අසමත් වී ඇත්තේ පරාජය කර වී ඇත්තේත් සම්පූර්ණයෙන්ම මේ රට මේ තත්ත්වයට පත් කොට ඇත්තේත් රාජපක්ෂ පවුල.

අද රට පුරා ජනතාව අතරින් ස්වයංවම නැගෙන හූ හඬින් පෙන්නුම් කරන්නේ ඒ පිළිකුලත් ඒ වෛරයක් බව ඔවුන් වටහා ගත යුතුයි. ඒ නිසා මෙරට ගලවා ගැනීමට, මේ රට බංකොලොත් උනොත් යළි මේ රට බේරා ගන්න බෑ. මේ රට ගලවා ගැනීමට නිශ්චිත වැඩපිළිවෙලක් යටතේ ඉදිරියට එන විදිහට අපි මේ රටට ආදරය කරන, දූෂණයට ගැති නොවිච්ච, ආණ්ඩුවේ විරුද්ධ පක්ෂයේ සියලුම දෙනාගෙන් මේ අවස්ථාවේ ඉල්ලා සිටිනවා.” යනුවෙන් පාඨලී චම්පික රණවක හිටපු අමාත්‍යවරයා වැඩිදුරටත් ඉල්ලා සිටියේය.

– media unit

27,790 views

28 Comments to “ප‍්‍රභාකරන් කලාට වඩා රටට හානියක් රාජපක්‍ෂලා කලා.. රට බංකොලොත්.. දශකයකින්වත් ගොඩගන්න බෑ…”

  1. Janaka says:

    2009 ප්‍රභාකරන් සාපය නිම උනාට පසුව ආව මහින්ද සාපය රටට ඊට වඩා විනාශයක් කලා .මුලු ලෝකයෙන්ම ණය අරන් ඒවගෙන් වැඩි කොටසක් දරු මුනුපුරෝ වෙනුවෙන් මාටිය ගැහුව .රට අගාදයට වැටීමේ ප්‍රධාන හේතුව එයයි .

  2. MD says:

    කව්ද අප්පේ මේ කියන්නේ.ප..ච නේ.අනේ මේ ගොවියෝ අපි කොහොමහරි රට ගැන බලාගන්නම්,ඔයා අර හප්පලා දරුවට සාධාරණයක් කරන්න මෙතන බයිලා කියන්නේ නැතුව.

  3. MD says:

    කව්ද අප්පේ මේ කියන්නේ.ප..ච නේ.අනේ මේ ගොය්යෝ අපි කොහොමහරි රට ගැන බලාගන්නම්,ඔයා අර හප්පලා දාපු දරුවට සාධාරණයක් කරන්න මෙතන බයිලා කියන්නේ නැතුව.

    • ශාන් says:

      අගමැති තිරුපති ගිය ගුවන් යානය යාළුවෙක් දුන් එකක්.. නම හෙලි නොකරයි…
      December 28, 2021 at 10:22 pm | lanka C news
      අගමැති තිරුපති ගිය ගුවන් යානය යාළුවෙක් දුන් එකක්.. නම හෙලි නොකරයි…

  4. Dharshana Abeykoon says:

    ලප අනුරයි මු..යි දෙන්නම එකයි බොරැවෙි උපත….

    • ශාන් says:

      @දර්ශන අබේකෝන්,
      උබ තමා වහල් කෙමේ උපත..

  5. Sampath says:

    Pacha boy. This is what he said about highways. They his government reduced the number of lanes or their widths and spend the same or more to do them.

  6. p.d goonawardena says:

    මූ හැමදාම රටට කෙලවෙනකන් ඉන්නේ පාටි දාන්න. මූ අනවශය දරු උපතක්….

  7. On The Spot says:

    මේ අලුගුත්තේරුවා රටටත්,ජාතියටත් උතුම් වූ ශාසනයටත් කල හානිය දෙස බැලූ විට ප්‍රභාගේ හානිය ලූණු බිකකි.ඌ කලේ භෞතික හානියකි,එය ගොඩ දා ගත හැකිය​.මොහු කරන්නේ මානසික හානියකි,එය ගොඩ දා ගැන්ම අසීරුය​.

  8. Gamarala says:

    තමන්ගේ මහා පරිමාණ ගල් අගුරු වංචාව ගැනත් කියන්න අමතක ක‍රන්න එපා.

  9. Felix says:

    Though I am not in favor of this person, what he told is 100% correct.

  10. Osh says:

    තොපි යහපාලන අටොගෙන කරපු විනාශ තමා…නිලියන් එක්ක රැගුවාට අමතරව කරපු එක ලබ්බක් කියපංකො…අර්ථික රින කරල්ලා මකබැවිලා මේවගේ ගෝලීය වසන්ගතයක මේහෙම වුනේ නැත්නම් තමා පුදුමේ

Main News