බදියුදීන්ගේ නිවසේ මිය ගිය ඉෂාලිනිගේ අද ගොඩගනී…

July 30, 2021 at 2:04 am | lanka C news
බදියුදීන්ගේ නිවසේ මිය ගිය ඉෂාලිනිගේ අද ගොඩගනී…

හිටපු අමාත්‍ය රිෂාඩ් බදුර්ඩින් මහතාගේ බොරැල්ල නිවසේ මෙහෙකාර සේවයේ යෙදි සිටියදි සිරුරට ගිනි ඇවිලිමෙන් ජිවිතක්ෂයට පත් ඉෂාලිනි ජුඩ් දැරියගේ සිරුර විශේෂඥ වෛද්‍ය මණ්ඩලයක් ඉදිරියේ නිරෝධායන සෞඛ්‍ය උපදෙස් වලට අනුකුලව (30) දින ගොඩගෙන දෙවන පශ්චාත් මරණ පරික්ෂණය සදහා සිරුර පේරාදෙණිය ශික්ෂණ රෝහල වෙත දැඩි පොලිස් ආරක්ෂාවක් යටතේ රැගෙන යන ලෙස නුවරඑලිය මහෙස්ත්‍රාත් අධිකරණයේ මහෙස්ත්‍රාත් ලුෂාකා කුමාරි ධර්මකිර්ති මහත්මිය විසින් (29) දින පොලිසියට නියෝග කලහ.

මියගිය දැරියගේ සිරුර ගොඩගෙන යලිත් පශ්චාත් මරණ පරික්ෂණයක් සිදු කිරිම සදහා  කොළඹ මහෙස්ත්‍රාත් අධිකරණයෙන් ලබාදුන් නියෝගය සම්බන්ධයෙන් බි වාර්තාවක් මගින් රජයේ අධි නිතිඥ හංස අබේරත්න මහතා නුවරඑලිය මහෙස්ත්‍රාත් අධිකරණය හමුවේ (29) දින කරුණු වාර්තා කරමින් කියා සිටියේ මියගිය දැරියගේ සිරුර නුවරඑලිය අධිකරණ බල ප්‍රදේශයේ පිහිටි හැටන් ඩයගම බටහිර කොටසේ පිහිට පොදු සුසාන භුමියේ මිහිදන් කර ඇති නිසා සිරුර යලිත් ගොඩගැනිමට නුවරඑලිය මහෙස්ත්‍රාත්වරියගේ අධික්ෂණය යටතේ සිදු කල යුතු බවයි.

රජයේ අධි නිතිඥවරයාගේ කරුණු සලකා බැලු නුවරඑලිය දිසා අධිකරණයේ මහෙස්ත්‍රාත් ලුෂාකා කුමාරි ධර්මකිර්ති මහත්මිය නියෝග කරනු ලැබුවේ වසම භාර ග්‍රාමසේවා නිලධාරිවරයා , මහජන සෞඛ්‍ය පරික්ෂකවරුන් ද සහභාගි කර ගනිමින් නිරෝධායන උපදෙස් වලට අනුකුලව විශේෂඥ වෛද්‍ය මණ්ඩලයක් ඉදිරියේදි මිය ගිය දැරියගේ සිරුර (30) දින උදැසන 8.30 ට ගොඩගෙන සිරුර දැඩි පොලිස් ආරක්ෂාවක් යටතේ දෙවන පශ්චාත් මරණ පරික්ෂණය සදහා පේරාදෙණිය ශික්ෂණ රෝහල වෙත යොමු කරන ලෙසයි.

නුවරඑලිය මහෙස්ත්‍රාත් අධිකරණයේ රජයේ අධි නිතිඥවරයා කරුණු වාර්තා කරන අවස්තාවට කොළඹ අපරාධ කොට්ඨාශයේ අධ්‍යක්ෂක සහකාර පොලිස් අධිකාරි නෙවිල් ද සිල්වා, කොළඹ දකුණ අපරාධ විමර්ෂණ අංශයේ ස්ථානාධිපති  ප්‍රධාන පොලිස් පරික්ෂක අජිත් කුමාර , කොළඹ දකුණ ළමා සහ කාන්තා කාර්යංශයේ ස්ථානාධිපතිනි ප්‍රධාන පොලිස් පරික්ෂක  ඉනෝක මහත්මිය ද අධිකරණය හමුවේ පෙනි සිටිහ.

මිය ගිය දැරියගේ සිරුර මිහිදන් කර ඇති ඩයගම වත්ත බටහිර කොටසේ පොදු සුසාන භුමියට දැඩි පොලිස් ආරක්ෂාවක් යොදවා ඇත.

– හැටන් රංජිත් රාජපක්ෂ

8,170 views

3 Comments to “බදියුදීන්ගේ නිවසේ මිය ගිය ඉෂාලිනිගේ අද ගොඩගනී…”

  1. බන්ඩා says:

    බදුර්දීන් ගෙ සල්ලි වලට යට වෙලා දැරියගෙ ආත්මය දැන් ඉන්නෙ අල්ලා ගාව කියල නීතිඥයා බදුර්දීන්ට නම්බුවක් දෙය්ද දන්නෙ නැහැ.

  2. සත්‍යවාදී says:

    දින ගාන ඉකුත් වී ඇති බැවින් මෘත දේහය කුනු වෙලා වැඩි නිසා කිසිම සාක්ෂියක් සොයා ගත නොහැකි විය කියලා තීරණය ඒවි. ගොඩ ගැනීම හිතා මතා ප්‍රමාද කලේ මොකද?

Main News