බදියුදීන්ට අත්අඩංගුවට ගැනීම ස්ත‍්‍රි දුෂක ඝාතකයෙකු කෙසෙල් කැන් හොරකමකට අත්අඩංගුවට ගැනීමක් වගේ..- රාජ්‍ය ඇමති

October 20, 2020 at 8:40 am | lanka C news
බදියුදීන්ට අත්අඩංගුවට ගැනීම ස්ත‍්‍රි දුෂක ඝාතකයෙකු කෙසෙල් කැන් හොරකමකට අත්අඩංගුවට ගැනීමක් වගේ..- රාජ්‍ය ඇමති

රිෂාඞ් බදියුදීන් මන්ත්‍රීවරයාට එරෙහි මුදල් අවභාවිත චෝදනාවට සීමා නොවී පාස්කු ඉරිදා ත්‍රස්ත ප්‍රහාරයට අදාළව ඔහුට එරෙහි බරපතළ චෝදනා පිළිබඳව විමර්ශන වහාම ඇරඹිය යුතු බව ජාතික ජාතික නිදහස් පෙරමුණේ ජාතික සංවිධායක, රාජ්‍ය අමාත්‍ය ජයන්ත සමරවීර මහතා අවධාරණය කරයි.

රිෂාඞ් බදියුදීන් මහතාට මරාගෙන මැරෙන ත්‍රස්තවාදීන්ට අනුබල දීම ඇතුළු බරපතළ චෝදනා තිබිය දී ඡන්දදායකයන් ප්‍රවාහනයට රාජ්‍ය මුදල් අවභාවිත කිරීම වැනි චෝදනාවකට අද අත්අඩංගුවට ගෙන ඇති බවත් එය හරියට ‘ස්ත්‍රියක් දූෂණයක් සිදු කොට ඇය මරා දමා නිදැල්ලේ සිටින චූදිතයකු කෙසෙල් කැනක් සොරකම් කිරීමට අත්අඩංගුවට ගැනීම‘ වැන්නක් බවත් ඒ මහතා පෙන්වා දෙයි.

අවතැන්වූවන් නැවත පදිංචි කිරීමට අදාළ අරමුදලක් අවභාවිත කරමින් පුත්තලමේ සිට මන්නාරමට ඡන්දදායකයන් ප්‍රවාහනය කිරීමට අදාළ චෝදනාවකට අද දිනයේ රිෂාඞ් බදියුදීන් හිටපු අමාත්‍යවරයා අත්අඩංගුවට ගෙන ඇතත් පාස්කු ඉරිදා මරාගෙන මැරෙන ත්‍රස්ත ප්‍රහාරයට අදාළව සහ ඉස්ලාම් අන්තවාදය ව්‍යාප්ත කිරීමට අදාළව බරපතළ චෝදනා ඔහුට එරෙහිව ඇති බව ජයන්ත සමරවීර අමාත්‍යවරයා සිහිපත් කළේය.

පාස්කු ඉරිදා මරාගෙන මැරෙන ත්‍රස්තවාදී ප්‍රහාරයට සම්බන්ධ අයකු නිදහස් කරගැනීමට හිටපු යුද හමුදාපති මහේෂ් සේනානායක මහතාට බලපෑම් සිදු කිරීම, සිනමන් ග්‍රෑන්ඞ් හෝටලයේ මරාගෙන මැරුණු බෝම්බකරු – ඉන්ෂාෆ් අහමඞ් නැමැත්තාට අයත් බෝම්බ නිපද වූ තඹ කර්මාන්ත ශාලාවට තම විෂය පථය යටතේ පැවැති ලංකා කාර්මික සංවර්ධන මණ්ඩලය හරහා විශාල වට්ටම් සහිතව තඹ අබලි ද්‍රව්‍ය ලබා දීමට එම ආයතනයේ අලෙවි අධ්‍යක්ෂට බලපෑම් කිරීම ආදිය මේ වන විට රිෂාඞ් බදියුදීන් අමාත්‍යවරයාට එරෙහි සාක්ෂි ලෙස ‘පාස්කු ඉරිදා ත්‍රස්ත ප්‍රහාරය සම්බන්ධයෙන් පිහිටුවා ඇති ජනාධිපති විමර්ශන කොමිසම’ හමුවේ ඉදිරිපත්ව ඇති බවත් ඉහත කරුණු 2020 ජූනි මාසයේ දී පොලිස් මාධ්‍ය ප්‍රකාශකවරයා විසින් රට හමුවේ තැබූ රිෂාඞ් බදියුදීන්ට එරෙහි සාක්ෂි බවත් ඒ මහතා වැඩිදුරටත් සිහිපත් කළේය.

රියාජ් බදියුදීන්ට රිෂාඞ් අනුබල දුන් හැටි

එසේම රිෂාඞ් බදියුදීන්ගේ සොයුරු රියාජ් බදියුදීන් විසින් සහරාන් නැමැති ත්‍රස්තවාදියා ඉන්දියාවට යැවීම, මරාගෙන මැරෙන ත්‍රස්තවාදීන්ට ප්‍රවාහන පහසුකම් සැපයීම යන පාස්කු දින ත්‍රස්ත ප්‍රහාරය පිළිබඳව සොයා බලන ජනාධිපති කොමිසම හමුවේ අනාවරණය වී ඇති අපරාධ සිදු කොට ඇත්තේ තම සොයුරාගේ එනම් එවකට කර්මාන්ත හා වාණිජ කටයුතු අමාත්‍ය රිෂාඞ් බදියුදීන්ගේ පෞද්ගලික ලේකම් ලෙස සිය බලය අයුතු ලෙස යොදා ගෙන බව ද මෙහි දී ජානිපෙ ජාතික සංවිධායකවරයා අනාවරණය කළේය.

මෙවැනි බරපතළ ත්‍රස්තවාදී ක්‍රියා හා ඒවාට අනුබල දීම පිළිබඳව සාධාරණ පරීක්ෂණයක් සිදු නොවුණු හෙයින් යහපාලන ආණ්ඩුව ගෙදර යවා, මෙරට 69 ලක්ෂයක ජනතාවක් ගෝඨාභය රාජපක්ෂ මැතිඳුන් ජනාධිපති ධුරයට පත් කළ බවත් ඉන් නොනැවතී තුනෙන් දෙකක බලය සහිත ආණ්ඩුවක් නිර්මාණය කර දුන් බවත් පැවසූ ජයන්ත සමරවීර මහතා ඒ බව අමතක කිරීමට වත්මන් ආණ්ඩුවට කිසිසේත්ම නොහැකි බව ද වැඩිදුරටත් සඳහන් කළේය.

ඉස්ලාම් අන්තවාදය – දෙමළ බෙදුම්වාදී අන්තවාදය

රිෂාඞ් බදියුදීන්, රවුෆ් හකීම්, හිස්බුල්ලා වැනි මුස්ලිම් නායකයන් බලයට පත්වන සෑම ආණ්ඩුවකම ඇමති ධුර දරමින් සිදු කළේ සාමාන්‍ය මුස්ලිම් ජනතාව උගසට තබමින් රාජ්‍ය බලය යොදා ගනිමින් ඉස්ලාම් අන්තවාදය පෝෂණය කිරීම බව ද ඒ මහතා පෙන්වා දුන්නේය. ඒ නිසා ඉස්ලාම් අන්තවාදය, දෙමළ බෙදුම්වාදී අන්තවාදය මෙන් බාහිරව නොවැඩී රාජ්‍ය අනුග්‍රහය යටතේ ශක්තිමත් වූවක් බව සිහියේ තබා ගත යුතු බවත් අද රිෂාඞ් හා හකීම්ලා තම පාර්ලිමේන්තු මන්ත්‍රීවරු ‘ස්වාධීන’ කරවා ආණ්ඩුව තුළට එවීමට හදන්නේ ඉහත කී අන්දමින් තම අන්තවාදී උවමනාවට රාජ්‍ය අනුග්‍රහය ලබා ගැනීමට බවත් රාජ්‍ය අමාත්‍යවරයා වැඩිදුරටත් පෙන්වා දුන්නේය. ඒ නිසා දෙමළ බෙදුම්වාදී අන්තවාදයට සහ ඉස්ලාම් අන්තවාදයට එරෙහිව ලැබී ඇති ජනවරමට පිටු නොපා කටයුතු කිරීම වත්මන් ආණ්ඩුවේ පරම වගකීමක් බව ද ජයන්ත සමරවීර මහතා වැඩිදුරටත් අවධාරණය කළේය.

මෙම මාධ්‍ය හමුවට ජානිපෙ දේශපාලන මණ්ඩල සභික, නුවරඑළිය දිස්ත්‍රික් පාර්ලිමේන්තු මන්ත්‍රී නිමල් පියතිස්ස මහතා ද එක්ව සිටියේය.

අනුරුද්ධ බණ්ඩාර රණවාරණ
මාධ්‍ය ලේකම්
ජාතික නිදහස් පෙරමුණ

30,187 views

11 Comments to “බදියුදීන්ට අත්අඩංගුවට ගැනීම ස්ත‍්‍රි දුෂක ඝාතකයෙකු කෙසෙල් කැන් හොරකමකට අත්අඩංගුවට ගැනීමක් වගේ..- රාජ්‍ය ඇමති”

  1. kk says:

    ‘ස්ත්‍රියක් දූෂණයක් සිදු කොට ඇය මරා දමා නිදැල්ලේ සිටින චූදිතයකු කෙසෙල් කැනක් සොරකම් කිරීමට අත්අඩංගුවට ගැනීම‘ වැන්නක්—- Well said….

    • Nimal says:

      19යේ ව්‍යවස්ථා කුමන්ත්‍රණය යට ගැසීමට රිෂාඩ්වත් මධූෂ්වත් උඩට ගන්න හොද සෙල්ලම…

    • catseye says:

      මිනි මරලත් පාර්ලිමේන්තුවේ ඉන්නවා නේද

    • Trio says:

      The same happened in 2015 MR’s Presidential Election Campaign. CTB Busses are all over public ralies

  2. Simon says:

    This is the real truth.

  3. Ira says:

    තාම බැනලා කොමෙන්ට්ස් දාලා නැත්තේ ඇයි මන්දා. කියන දේ සහතික ඇත්ත. පියවි මනසට විතරයි පේන්නේ.

  4. sam says:

    Absolutely, similar to arresting Wimal for the passport fraud. Shame on the gov

  5. Covid18+ says:

    ආවා ආවා ආවා. 3% විග්‍රහ ආවා. හී හී මුන්ට මෙවා බදුර්දීන්ව අල්ලන්න කලින් මතක් වුණේ නැහැනෙ. පවු පචෝරිස්ලා. කවුරුවත් ගණන් ගන්නෙ නෑ 😀 😀

  6. RW says:

    සතොසට කුඩු ගෙනාපු එක අමතක කරන එක අසාධාරණයක්

  7. Fernando says:

    What this minister says makes more sense.
    Please stop dramas if not our people in the future will suffer more!

Main News