බරපතල ඉන්ධන හිගයක් ඒකාන්තයි…- සජිත්

August 10, 2021 at 3:00 pm | lanka C news
බරපතල ඉන්ධන හිගයක් ඒකාන්තයි…- සජිත්

විපක්‍ෂ නායක සජිත් පේ‍්‍රමදාස මහතා විසින් නිකුත් කරන ලද නිවේදනයක් මෙහි දැක්වෙයි.

ගෑස් කිරිපිටි පෝලිම සමග ආණ්ඩුව සැරසෙන්නේ ඉන්ධන පෝලිමට ද?

ජනතාවට අත්‍යවශ්‍ය පාරිභෝගික ද්‍රව්‍යවන ගෑස් සහ කිරිපිටිවල බරපතළ හිඟයක් මේ වනවිට රටපුරා මතුව තිබේ. ගෑස් ලබා ගැනීම සඳහා විශාල පෝලිමේ මේ වනවිට වෙළඳසැල් ආශ්‍රිතව දැක ගන්නට ලැබෙන අතර කිරිපිටි ලබා ගැනීමට අදාල තත්ත්වයද එසේම ය.

ආණ්ඩුව තමන්ගේ, වසරක ශේෂ පත්‍රය මෙරටට ඉතුරු කොට ඇත්තේ අසාර්ථකත්වය නොහැකියාව මෙන්ම අනෙක් පැත්තෙන් අමානුෂිකත්වය, දුෂ්ටත්වය සහ අශිෂ්ටත්වයයි.

• කොරෝනා ව්‍යසනයෙන් අන්ත පීඩාවට පත්වෙමින් දැඩි දුෂ්කර ජීවිත ගතකරන ජනතාවට ආහාර ටිකක් පිසගැනීමට අවශ්‍ය ගෑස් පවා මේ වනවිට අහිමිව ඇති අතර කිරිපිටි මේ වන විට අති සුඛෝපභෝගී භාණ්ඩයක් බවට පත් කිරීමට ආණ්ඩුව කටයුතු කොට ඇත. දරුවෙකුට කිරිපිටි ටිකක් ලබාදීමට සොයා ගැනීමට නොහැකි තත්වයක් උද්ගතව තිබේ.

විශේෂයෙන්ම අදාල ගෑස් සමාගම් පවසන්නේ අලාභ ලබමින් ගෑස් ව්‍යාපාරය කළ නොහැකි බව වන අතර ඔවුනට සහනාධාර ලබාදී අදාල අලාභය ප්‍රතිපූර්ණය කිරීමට ආණ්ඩුවට මුදල් නැත.ආණ්ඩුව මුදල් අහිමිකර ගත්තේ පැමිණි වහාම අන්තනෝමතික ලෙස ධනවතුන්ට බදු සහන ලබා දෙමිනි.එයින් රුපියල් බිලියන 600ක් අහිමි විය.

• සියලු පාරිභෝගික භාණ්ඩවල මිල ගණන් මේ වනවිට දරාගන්නට නොහැකි තරම් ඉහල ගොස් ඇති අතර ආණ්ඩුවට ඒ පිළිබඳව කිසිදු තැකීමක් නැත.

• මේ වන විටත් රට පුරා ඉන්ධන සංචිතවල බරපතළ හිඟයක් පවතින අතර තෙල් ආනයනය කිරීමට ඇති බරපතළ ගැටලුව විසඳා නොගතහොත් ඒකාන්ත වශයෙන්ම බරපතළ ඉන්ධන හිඟයකට ද ලංකාව මුහුණ දෙනු ඇත.

• ශ්‍රී ලාංකික වැඩිහිටියකුට සිය වැටුපෙන් සියයට හැටහයක් ආහාර වෙනුවෙන් වැයකිරීමට සිදුවන බව එක්සත් රාජධානිය ‘ගෝලීය ජීවන වියදම් දත්ත පද්ධතිය’ (global cost-of-living database) අනාවරණය කර ඇති අතර ආහාර වියදම දරා ගැනීමේ හැකියාව අතින් ලොව දුප්පත්ම රටවල් අතර පස් වැනි ස්ථානයට අපේ රට තල්ලු වී ඇත. මේ අතර කොරෝනා ව්‍යසනයෙහි උච්චස්ථානයට ශ්‍රී ලංකාව ළඟා වෙමින් සිටින අතර ආණ්ඩුව අතින් එහි පාලනය අතිශය අසාර්ථක ලෙස ගිලිහී ගොස් තිබේ.

• ආණ්ඩුව ක්‍රමානුකූලව සහ ඉතා සාර්ථකව ලෙස සිදුකරමින් සිටින එකම කාර්යය වන්නේ මුළු මහත් රටත් එහි ජනතාවත් මහා ව්‍යසනයක දොරටුව වෙත තල්ලු කිරීම පමණි.

• රටේ තත්ත්වය මොහොතින් මොහොත බරපතළ ව්‍යසනකාරී තත්ත්වයක් කරා ඇදෙමින් පවතින අතර මහා අභිෂේකයකින් පසුව පත්කළ නව මුදල් අමාත්‍යවරයා යටතේත් සිදුවන්නේ මෙතෙක් සිදු වූ සුපුරුදු ක්‍රියාපිළිවෙත පමණි. වෙනසකට ඇත්තේ විනාශය වෙනදාටත් වඩා උග්‍ර වීමය.

රට මුහුණ දී සිටින සිටින වත්මන් බරපතළ තත්ත්වය පිළිබඳව සියලු පක්ෂ එකතු වී සාකච්ඡා කොට කඩිනම් තීන්දුවක් ගැනීම අත්‍යවශ්‍ය වුවත් මේ දක්වා ආණ්ඩුවට ඒ පිළිබඳව කිසිදු උනන්දුවක් නැත. එයින් ගම්‍ය වන්නේ අන් කිසිවක් නොව ආණ්ඩුවේ පවත්නා හිතුවක්කාරී මනෝභාවය පමණි.

ඔවුන් සෙල්ලම් කරමින් සිටින්නේ මේ රටේ අහිංසක ජනජීවිත සමග බව ඔවුන් මායිම් නොකරන අතර මෙයින් සිදුවන අතිශය කනගාටුදායක ප්‍රතිඵලයට වන්දි ගෙවන්නට වන්නේ රටේ අහිංසක ජනතාවටය.

සජිත් ප්‍රේමදාස,
ශ්‍රී ලංකා පාර්ලිමේන්තු විපක්ෂ නායක සහ
සමගි ජන බලවේගයේ නායක.

42,539 views

34 Comments to “බරපතල ඉන්ධන හිගයක් ඒකාන්තයි…- සජිත්”

  1. සහොදරය says:

    සජිත් පුතානො ගෙ ඩීල් එක කට ජේවීපී ගුරුවරු බිල්ලට දීල රටේ කොරොනා වෙඩි කරන්න උද්ඝෝෂණ කරා.
    අවුරුදු 2ක් නිකන් පපඩි අරන් මදි වට තව අවුරුද්ද ක් ගෙදර ඉදන් පඩි ගන්න ගුරුවරු පාර ට බෙස්සා.
    රටේ ආර්තික ය බින්දු වට බස්සන ඩිල් එකක් ජේවීපී ගහල තියෙන්නෙ

  2. පබිලිස් says:

    පාට්ලි චම්පික රනවක ගේ ජනපති සීහිනය සාර්ථකයි වගේ

  3. Saradiel says:

    බරපතල Pad හිගයක් සජිත්

  4. NuwanJ says:

    මෝඩ මුසලයෙක් කොහෙන් හරි රට අමාරැවෙ වැටෙනකන් බලන් ඉනවා.
    කොරොනාවෙන් බැට කකා ජිවත්වෙන්න දගලන මිනිසුන් ගේ මානසික ශක්තිය යත් බිදනවා.

  5. මම 69 න් එකෙකී. says:

    ආණ්ඩුව අපිට එපාම වෙලා තියෙන්නේ, ඒත්
    මහත්මයාණෙනි ඔබතුමාගෙ තාත්තාට රට බාර දුන් එකාගේ ඉදලා කරපු හරිය තමයි මේ අපිට විදින්න වෙලා තියෙන්නේ.
    ගේ උකස් තියලා කන්න පුරුදු පුහුණු කළ ජාතියක ඉරණම මීට වඩා වෙනස් වෙන්නේ නෑ

  6. kasun says:

    රටට කෙල වෙනකම් බලාගෙන ඉන්න කාලකන්නියා..

  7. පැල්කනිලාගේ අප්පා says:

    රට බංකොලොත් වෙන්න ප්‍රාර්ථනා කරන මේ අවලමා බලයට එන්න හදන්නෙ දං කුඩේත් හූරන් කන්න වෙන්න ඇති

  8. මන්දපාල says:

    මේ මිනිහා ටෝක්ස් නම් දෙනවා කරපු වැඩක් නෑ. බොත්තම ඔබලද දනිනෙ නෑ මේ හිඟයක් එන කතාව හොයාගත්තෙ.

  9. ක්‍රිමිනල් says:

    SJB උඩට ගන්න නම් ජවිපෙ වඳකරන්න ඕන

  10. 3% ට බය බයියා. says:

    කමක් නැහැ .අපි 🌷ගෝත්‍රික වහල්ලු කියලා බුද්ධිමත් ජනතාව දන්නවා .

Main News