ළුණු බික් චෝදනා 11යි.. රාජිතට එරෙහි විශ්වාස භංග යෝජනාව මෙන්න.. කතානායකට බාර දෙයි..

August 24, 2017 at 5:30 pm | lanka C news
ළුණු බික් චෝදනා 11යි.. රාජිතට එරෙහි විශ්වාස භංග යෝජනාව මෙන්න.. කතානායකට බාර දෙයි..

සෞඛ්‍ය, පෝෂණ හා දේශීය වෛද්‍ය ඇමති රාජිත සේනාරත්න මහතාට එරෙහිව විශ්වාස භංග යෝජනාවක් කථානායකවරයාට බාර දී ඇත. මේ සදහා ඒකාබද්ද විපක්‍ෂයේ පාර්ලිමේන්තු මන්ත‍්‍රීවරුන් 39 දෙනෙකු අත්සන් තබා ඇත.

ඇමතිවරයාට එරෙහිව ඉදිරිපත් කරන ලද චෝදනා 11කින් යුතු විශ්වාස භංග යෝජනාව මෙසේය.

  1. පාර්ලිමේන්තු මන්ත්‍රිවරුන් ඇතුළු විවිධ පාර්ශව විසින් රාජිත සේනාරත්න මහතාට එරෙහිව අල්ලස් හෝ දූෂණ විමර්ශන කොමිෂන් සභාවට ඉදිරිපත් කර ඇති බරපතල වංචා සහ දූෂණ පිළිබඳ විමර්ශනයන්ට සහභාගි නොවීමෙන් යුක්තිය ඉටු කිරීමේ අවස්ථා අවුරා දමා ඇති හෙයින් ද;
  2. එකී විමර්ශනයන්ට මුහුණ දී සිය ප්‍රතිරූපය රැක ගනු වෙනුවට එකී විමර්ශනයන් මග හැරීම හේතුවෙන් එකී චෝදනාවන්ට ඔහු වැරදිකරු බවට ප්‍රබල සමාජ මතයක් ගොඩ නැගී ඇති හෙයින් ද ;
  3. ශ්‍රී ලාංකික වෛද්‍ය අධ්‍යාපනය වාණිජ අරමුණු පෙර දැරිගත් ව්‍යාපාරික ප්‍රජාවට බිලි දීම සඳහා රාජ්‍ය බලය අත්තනෝමතික ලෙස උපයෝගි කර ගනිමින් ශ්‍රී ලාංකික වෛද්‍ය අධ්‍යාපනය තුල බරපතල අර්බූදයක් නිර්මාණය කළ හෙයින් ද;
  4. නෙවිල් ප්‍රනාන්දු රෝහල රජයට පවරා ගත් බවට ඇමති මණ්ඩලයත් සමස්ත ජාතියත් නොමග යවමින් එකී පෞද්ගලික හිමිකාරත්වයක් ඇති රෝහල මහජන මුදලින් නඩත්තු කිරීමට කටයුතු කර මහජන මුදල් අවභාවිතා කර ඇති හෙයින් ද
  5. අභියාචනාකරණයේ දී විභාග වුණු සිඒ රිට් 187/2016 නඩුවේ දී සෞඛ්‍ය ඇමතිවරයා ලෙස අධිකරණයට ඉදිරිපත් කළ යුතු කරුණු ඉදිරිපත් නොකරමින් ද නීතිපතිවරයා හරහා සයිටම් ආයතනයට පක්ෂග්‍රාහිව කරුණු දැක්වීමෙන් ද සෞඛ්‍ය අමාත්‍ය ධූරයේ බලය අයුතු ලෙස යොදා ගෙන ඇති හෙයින් ද;
  6. ශ්‍රී ලංකා වෛද්‍ය සභාව විසින් සකස් කළ වෛද්‍ය අධ්‍යාපනයේ අවම ප්‍රමිතින් ගැසට් මගින් ප්‍රසිද්ධ කිරීම උවමනාවෙන්ම මග හැරීමෙන් ශ්‍රී ලංකාවේ වෛද්‍ය අධ්‍යාපනයේ ප්‍රමිතිය පිළිබඳ බරපතල අර්බූදයක් බිහි කළ හෙයින් ද;
  7. ඩෙංගු වසංගත රෝගි තත්වයක් ඇති වුණු විට එයට ක්ෂණික පිලියම් යෙදීමට අසමත් වීමෙන් ද රජයේ රෝහල් වලට ඩෙංගු රෝගින් ඇතුළත් කර ගැනීම ප්‍රතික්ෂේප කිරීමෙන් ද ජනතාවගේ ජීවත්වීමේ පරම අයිතිය බරපතල ලෙස අවදානමකට ලක් කළ හෙයින් ද;
  8. පියයුරු පිලිකා රෝගය සඳහා අවශ්‍ය කරන ඖෂධ මිළ දී ගැනීමට රාජ්‍ය ඖෂධ නීතිගත සංස්ථාව විසින් ටෙන්ඩර් කැඳ වූ අවස්ථාවේ පිලිකා රෝගය පිළිබඳ විශේෂඥ වෛද්‍යවරුන් විසින් ප්‍රතික්ෂේප කළා වූ ද මිළ දී ගැනීමට පෙර භාවිතයේ පැවැතිය යුතු අවම වසර ගණන සම්පූර්ණ නොකළා වූ ද ඖෂධයක් ඉදිරිපත් කළ විෂය භාර අමාත්‍ය රාජිත සේනාරත්න මහතාගේ ඉතාම සමීප හිතවතෙකු වන ඔහු විසින් එකී සංස්ථාවේ ක්‍රියාකාරි අධ්‍යක්ෂ තනතුරට පත් කළ රූමි මොහොමඩ් මහතා යන අයගේ ඥාති සහෝදරයෙකු වන ඩිල්ෂාඩ් ඉක්‍රම් මොහොමඩ් මහතාට අයත් මෑතක ලියාපදිංචි කළ ෆාමේස් පෞද්ගලික සමාගමෙන් මිළ දී ගැනීමට අයුතු ලෙස බලපෑම් කිරීමෙන් ද රුපියල් මිලියන 986ක් වටිනා ඖෂධ එකී සමාගමෙන් මිළ දී ගැනීමෙන් ද ශ්‍රී ලංකා ආණ්ඩුවට මූල්‍ය අලාභයක් ද දූෂණයක් ද සිදු කර ඇති හෙයින් ද;
  9. ධීවර ඇමති ලෙස කටයුතු කළ සමයේ දී මෝදර ධීවර වරාය ටෙන්ඩර් පටිපාටියෙන් බැහැරව ඉතාම අඩු මිළකට පොද්ගලික ආයතනයකට ලබා දීමෙන් රජයට දැවැන්ත මූල්‍ය පාඩුවක් සහ වංචාවක් සිදු කර ඇති හෙයින් ද;
  10. ධීවර ඇමති ලෙස කටයුතු කළ සමයේ දී බ්ලූ ඔෂන් ෆීෂරිස් නම් චීන සමාගමට ගැඹුරු මුහුදේ මසුන් ඇල්ලීම සඳහා බලපත්‍ර නිකුත් කිරීමේ කොන්දේසියක් ලෙස ලාභයෙන් කොටසක් ලබා දෙන මෙන් නියම කිරීමෙන් ද තමන්ගේ ලේකම්වරයෙකු වන දොන් ලලිත් අනුරාධ සෙනෙවිරත්න මහතා එම සමාගමේ අධ්‍යක්ෂවරයෙකු ලෙස පත් කර ගැනීමෙන් ද ඇමතිවරයෙකු ලෙස අල්ලස ගැනීමේ වරද මෙන්ම බලය අයුතු ලෙස භාවිතා කිරීම ද සිදු කර ඇති හෙයින් ද;
  11. නඩු පැවරීම් සහ විභාග කිරීම් සම්බන්ධයෙන් අධිකරණයට සහ නීතිපති දෙපාර්තමේන්තුවට බලපෑම් සහ තර්ජනය කිරීමෙන් අධිකරණයේ ස්වාධීන්තවය කෙලසා ඇතිි හෙයින් ද;

සෞඛ්‍ය පෝෂණ සහ දේශීය වෛද්‍ය ගරු අමාත්‍ය රාජිත සේනාරත්න මහතා පිළිබඳ විශ්වාසනීයත්වය සම්පූර්ණයෙන්ම නොමැති බැවින් තව දුරටත් සෞඛ්‍ය පෝෂණ සහ දේශීය වෛද්‍ය අමාත්‍යවරයා විසින් එම  ධූරයේ කටයුතු කිරීමේ හැකියාව පිළිබඳ විශ්වාසය භංග වී ඇති බවට මෙම පාර්ලිමේන්තුව යෝජනා සම්මත කර සිටියි.

190 views

34 Comments to “ළුණු බික් චෝදනා 11යි.. රාජිතට එරෙහි විශ්වාස භංග යෝජනාව මෙන්න.. කතානායකට බාර දෙයි..”

  1. අපි නොදන්න ලෝ says:

    ඕවා දැනදැනත් නො බියව ඉන‍්නේ බේරෙන්න පුලුවන් හින්දනේ. නිකන් බොර‍ැ වැඩ. අපරාදෙ මහන්සිය!!!

  2. SuMa says:

    අනුන්ට හොරා කියා චෝදනා කරන, ජාතික ධනය අමු අමුවේ ගිලින, රටේ සංවර්ධනයේ හෙනහුරා. පක්ෂ බේදයකින් තොරව විමසා බලන්න. මොහුගේ පැටිකිරිය හොයබල්ලන්න. අඩුම තරමේ 80 දශකයේ සිටවත්. මිනීමරු ප්‍රා සංවිධානයේ සිට තොරතුරු හමුවේවි. මොවුන්ව සහමුලින් ප්‍රතික්ෂේප කරමු. මේ රට ගොඩනැගිය හැක්කේ අපගේ නිවැරදි දැක්මෙන් පමණි.

  3. රාහුල කොලුවා says:

    කව්ද යකෝ අපේ ගෙදර ඉන්න ටොමියට විශ්වාසභංග ගේන්නේ…? ලයිකා බැල්ලීට ඌව විශ්වාස නං උඹලට තියෙන රුදාව මොකක්ද…? ඕවා තියා ගන්න එපා.. .හරිය….

  4. sam says:

    Two allegations according to this were done during the Mahinda’s time. What is the action Mahinda as the Executive President did at that time. Did Mahinda cover up or ignored the wrong doing of then ministers at that time. Surely now it proves that Mahinda was a very inefficient leader.

    • somapala says:

      correct, Mahinda should have sacked this guy at the time. He was so soft hearted, that way he did protect this guy, and some other culprits.

  5. Lolla says:

    Ranil is clever his next target is Rajitha……

  6. Rate ekek says:

    මු නොම්මර එකෙ වාස බේල්ලා

  7. Alapaluwa says:

    නැගිටපන් හිටං නැගිටපන් ඇති මරනින්දෙන් සිටියා මෙපමණ කලක්. කාලය පැමිණි ඇත දැන් එවුන්ට උරාගෙ මාළු උරාගෙ පිටේ තියා කපන්න මුන් එය පටන්ගෙන තිබෙන්නේ නුබට නොපෙනුණාට. දැන්වත් ඔය බලලොභිව ඇති සිත සන්සුන්කරගෙන නුවණඇත්තෙක්ගෙන් පිහිට පතපන්.මුන්හදන්නේ නුබව තනිකර ගිරයට අසුවුණු පුවකක් මෙන් හිරකරගන්නයි එවිට කැපී වෙන්වෙනවා හැරුණුකොට ගැලවීමක් නැතිබවත් මතක තබගනින්.එදා ඒ රතු අලිපැටියා දැක්වුවේ ඔවුගේ හදහස නොවෙනබවත් දැනගනින්.නුබට නොපෙනුණාට අපි දැක්කා කථානායක මේ අනුර හෙවත් දෙපත්නයාට කථා කිරීමට ඉඩහැර සිටි ආකාරය.පෙනෙන විදියට දැනුත් ප්‍රමාදවී ඇතිබවයි පෙනීයන්නේ.

  8. NIYAMAI…….SUPER job…..joint opposition jayama wewa!!!!!! WELL DONE THANK YOU ALL!!!

  9. ලූණු බිජ්ජා. says:

    මුං හින්ද ගෙදර ඉන්න ටොමියගෙත් නම්බුව නැති වෙනව​.

  10. "සාධාරණ සෝභිත​" says:

    ඔය චෝදනා 11ම ගත්තත් ඒක නිකම් ලූණු බික්කක් වගෙයිලු.කලින් ලූණු බික්ක නම් විශ්වාසෙ විශ්වාස කරන්න බැහැ කියල ඉල්ලා අස්වුනා.මේ ලූණු බික්කට විශ්වාසෙ විශ්වාසයිලු.මේකෙන් බේරෙන්න අමාරුයි.මේක දතක් ගැලවෙන වැඩක්.මේකෙන් බේරිලා චන්දෙට ගියොත් අත් ඇන්දම ගැලවෙන වැඩක්?

Main News