බලපත‍්‍රයට මුවා වී දේශපාලඥයෙක් කඩොලාන ගොඩකරයි..

March 11, 2021 at 1:20 pm | lanka C news
බලපත‍්‍රයට මුවා වී දේශපාලඥයෙක් කඩොලාන ගොඩකරයි..

ගාල්ල දිස්ත්‍රික්කය නියෝජනය කරන දේශපාලනඥයකුගේ මැදිහත්වීම මත ගාල්ල,කොග්ගල ඔය ආශ්‍රිත කඩොලාන සහිත පරිසර පද්ධතියක් සහිත ඉඩමක් ගොඩ කිරීමේ කටයුතු සිදුවන බව භූ විද්‍යා සමීක්ෂණ හා පතල් කාර්යාංශයේ සභාපතිවරයාට ඊයේ (10 වැනිදා) දැනුම්දීමෙන් පසුව එය වහා නතර කිරීමට ඔහු කටයුතු කළේය.

පරිසර නීති උල්ලංඝනය කරමින් කොග්ගල ඔය ආශ්‍රිත ඉඩමකට පස් පුරවා දැවැන්ත පරිසර විනාශයක් පසුගිය දිනවලදී සිදුවෙමින් පවතින අතර ජීවය සුරකිමු පරිසර එකමුතුව සහ ප්‍රදේශවාසීහු ඊට දැඩි විරෝධතාවක් දැක්වූහ.

ගාල්ල දිස්ත්‍රික්කයේ කතළුව – කිතගල්ල මාර්ගයේ පිහිටා තිබෙන අලවතුකිස්ස ප්‍රදේශය ආශ්‍රිත කඩොලාන සහිත පරිසර පද්ධතියක් මෙලෙස පස්දමා පිරවීම සිදු කෙරෙයි. මෙම ඉඩමේ එක් මායිමකින් කොග්ගල ඔය ගලායන අතර, අනෙක් මායිමෙන් කතළුව- කිතගල්ල මාර්ගය දිවෙයි. මෙම ඉඩමෙන් තුනෙන් එකක් පමණ අයත් වන්නේ කොග්ගල ඔයේ රක්ෂිත කලාපයට බව පරිසරවේදීන් පවසති.

මෙලෙස ගොඩ කරමින් පවතින ඉඩම අදාළ දේශපාලනඥයාට අයත් එකක් බවද පැවැසේ.

ප්‍රදේශයේ ගල් කොරියක් ආශ්‍රිත භූමියකින් ඉවත් කරනු ලබන පස් කියුබ් 1000 ක් ප්‍රවාහනය කිරීම සඳහා භූ විද්‍යා සමීක්ෂණ හා පතල් කාර්යාංශයෙන් බලපත්‍රයක් නිකුත් කර ඇති අතර, එම පස් ප්‍රවාහනය කර බැහැර කරනු ලබන්නේ කඩොලාන පරිසර පද්ධතියක් ආශ්‍රිත ඉහත ඉඩමටය. පස් කියුබ් 500 බැගින් අවස්ථා දෙකකදී පස් තොගය ප්‍රවාහනය කිරීම සඳහා මෙම ප්‍රවාහන බලපත්‍රය භූ විද්‍යා සමීක්ෂණ හා පතල් කාර්යාංශය විසින් නිකුත් කර තිබේ.

මෙලෙස පස් බැහැර කිරීම නිසා කොග්ගල ඔය රක්ෂිත කලාපය ගොඩ කෙරෙන අතර දැනටමත් පස් කියුබ් 200 ක් පමණ බැහැර කර තිබෙන බව ජීවය සුරකිමු පරිසර එකමුතුවේ කැඳවුම්කරු සංජය ධනුෂ්ක පවසයි. මේ නිසා කඩොලාන පරිසර පද්ධතියට මේ වනවිට විශාල හානියක් සිදුවී ඇති අතර, කොග්ගල ඔය ආසන්නය දක්වාම පස් පිරවීම සිදුකර තිබේ.

“කොග්ගල ඔය ආශ්‍රිතව වාරිමාර්ග දෙපාර්තමේන්තුවට අයත් කොටස සමග පුද්ගලික ඉඩමක් තිබෙනවා. භූ විද්‍යා සමීක්ෂණ හා පතල් කාර්යාංශය විසින් පස් ප්‍රවාහනයට බලපත්‍ර නිකුත් කරනු ලැබූවත්, මෙහෙම ඔය ආශ්‍රිත පරිසර පද්ධතිය පස් වලින් පුරවන්න අවසරය දෙන්න බෑ. මෙම ඉඩම ආශ්‍රිතව පාරම්පරික ධීවර කර්මාන්තයේ නිරත අය ඔයට ගමන් කරන මාර්ගයත් පිහිටා තිබෙනවා. ඒ ආශ්‍රිතව ඔරු තොටුපොළත් පිහිටා තිබෙනවා. මෙලෙස පස් පිරවීම නිසා ධීවරයින්ගේ ගමන් මාර්ගයත් වැසී යනවා. අපි මේ පරිසර විනාශය පිළිබඳව මධ්‍යම පරිසර අධිකාරියටත්, ගාල්ල වාරිමාර්ග කාර්යාලයටත් දැනුම් දුන්නා. වාරිමාර්ග නිලධාරීන් ඊයේ (10 වැනිදා) මෙම ස්ථානයට පැමිණ නිරීක්ෂණය කර අපිට කියා සිටියා අදාළ පස් පිරවීමට විරුද්ධව නීතිමය කටයුතු කරන බවට”යැයි සංජය ධනුෂ්ක කීවේය.

කොග්ගල ඔය ආශ්‍රිත ඉඩමට පස් පිරවීම සම්බන්ධව දිගින් දිගටම මහජන විරෝධය එල්ලවීම නිසා ඒ පිළිබඳව ජනතා විමුක්ති පෙරමුණේ ප්‍රාදේශීය සභා මන්ත්‍රීවරයෙකු විසින් අහංගම පොලිසියට පැමිණිල්ලක් ඉදිරිපත්කර ඇත. ඒ අනුව අහංගම පොලිසිය මැදිහත්ව අදාළ ඉඩමට පස් පිරවීම තාවකාලිකව නතර කිරීමට කටයුතු කර තිබේ.

ඉඩමට පස් පිරවීම සඳහා නීත්‍යානුකූල බලපත්‍රයක් තිබියදී එය නතර කරන්නේ කෙසේදැයි විමසමින් අදාළ දේශපාලනඥයා විසින් අහංගම පොලිසියට දිගින් දිගටම බලපෑම් එල්ලකර ඇතැයිද අනාවරණය වේ.

කෙසේ නමුත්, යම් පරිසර පද්ධතියක් ආශ්‍රිත යම් සංවර්ධන කටයුත්තක් සිදුකරනු ලබන්නේ නම් මධ්‍යම පරිසර අධිකාරියෙන් අවසරය ලබාගත යුතු අතර, ඉඩමක් ගොඩ කරන්නේ නම් ඉඩම් ගොඩ කිරීමේ හා සංවර්ධනය කිරීමේ දෙපාර්තමේන්තුවෙන් අවසරය ලබාගත යුතුය. නමුත්,මෙලෙස කොග්ගල ඔය ආශ්‍රිත ඉඩම ගොඩ කරනු ලබන්නේ එම කිසිදු ආයතනයක අවසරයකින් තොරව බවද පරිසරවේදීහු පවසති.

මෙම අනවසර ගොඩ කිරීම සම්බන්ධව භූ විද්‍යා සමීක්ෂණ හා පතල් කාර්යාංශයේ සභාපති අනුර වල්පොලට ඊයේ (10 වැනිදා) අප දැනුම්දුන් අතර සභාපතිවරයා කියා සිටියේ අදාළ සිද්ධිය පිළිබඳව වහාම සොයා බලන බවය. ඊට ස්වල්ප මොහොතකට පසුව සභාපතිවරයා අප සමග කියා සිටියේ අදාළ සිදුවීම සත්‍යයක් බවත්, වහාම ඉඩමට පස් පිරවීම නතර කිරීමට නිලධාරීන්ට උපදෙස් ලබාදුන් බවත්ය.

“භූ විද්‍යා සමීක්ෂණ හා පතල් කාර්යාංශය විසින් අවසරය ලබාදී තිබෙන්නේ ගල් කොරිය ආශ්‍රිත භූමියෙන් ඉවත් කරන පස් ප්‍රවාහනය කිරීම සඳහා පමණයි. එම ඉඩම එක්තරා දේශපාලනඥයෙකුට අයත් ඉඩමක් බව පැවසෙනවා. මේ ඉඩම පිහිටා තිබෙන්නේ කොග්ගල ඔයට යාබදවයි. මෙලෙස ඔවුන්ට හිතූ මනාපේ ඉඩම් පුරවන්න බෑ. ඒ සඳහා ඉඩම් ගොඩ කිරීමේ සංස්ථාවෙන් අවසරය ලබාගත යුතුයි. එමෙන්ම,මධ්‍යම පරිසර අධිකාරියෙන්ද අවසරය ලබාගත යුතුයි. භූ විද්‍යා සමීක්ෂණ හා පතල් කාර්යාංශය ඉඩම් ගොඩකරන්න අවසරය ලබාදෙන්නේ නෑ. වහාම මෙම ඉඩම ගොඩ කිරීම නවත්වන්න නිලධාරීන්ට උපදෙස් දුන්නා”යැයි සභාපතිවරයා කීවේය.

– Aruna

8,641 views

5 Comments to “බලපත‍්‍රයට මුවා වී දේශපාලඥයෙක් කඩොලාන ගොඩකරයි..”

  1. රන්වල says:

    සනත් නිසාන්තගෙ පුත්තලම් බූරුවො විතරක් නෙමේ දකුණෙ බයි රැල හිතන්නෙත් කඩොලාන කන්නද ඔක්සිජන් මොකටද කියල අනුරාදපුරේ නානක්කට නෙමේ සක්කරයගෙ පුතා වයිමටවත් මේ බයි රැලට බුද්ධිය දැනුම දීල මුන්ව යහපත් මිනිස්සු කරන්න බෑ.මුන් ඇවිල්ල පරිසර සහරාන්ල පරිසරය මරාගෙන අන්තිමේදි උනුත් මැරෙන බව මේ හරක් මොල කවදා තේරුම් ගනීද

    • Anuradha says:

      මේ මොන විකාරයක්ද මුන්ට මොනවා වෙලාද කාලකන්ණි අවලං හැත්ත.කෝ මේ අපේ මහාඑකා නිදිද? ඇතටම මෙතරම් වන විනාසයක් අපිනම් කවදාවත් අසා නැහැ රට ඇතුළේ. මේ කලකන්නියන්ට දෙන්න පුළුවන් උපරිම දඩුවම් දෙන්න එවිට අනෙක් අයත් එය ආදර්ශයකට ගනීවි නැතිනම් මම අර කිවාවගේ සිංහ හමක් පොරවගත්තු නරියෙක් අපිට වැඩක් නැහැ අපි පැතුවේ නියම සිංහයෙක් වැරැද්ද දුටු තැන කිසිම සමාවක් නැතිව ශානිකවම දඩුවම් කරණ.අනේ බලාගෙන ගියාම නිකම්ම නිකම් ගම්කබරයෙක් නොවැ ගමෙන් ගමට ගිහින් ඒ ප්‍රශ්න විසදන. ඒවාට නිසි අය පමුණුවන්න එවිට ඒ වගකීම පැහැර හැරියොත් වහාම අයින් කරන්න කිසිම දීමනාවවක් නැතිව එවිට ලස්සණට වැඩ ටික වේවි ඔබ නොගියට.ඔබට එයට වඩා කරන්න වැඩ බොහෝමයක් තිබෙන බැවින්..දැන්වත් ඔය නිවට නියාළු ගතිය අයින් කර නියම ගොටභය කෙනෙක් වන්න නැතිනම් අවුරුදු 5 ගතකරපු ඉතිහාසයේ සිටය අන්තිම පණනැති,කශේරුකාවක් නැති ජනාධිපති තුමා ඔබ වේවි!!!!

    • SIRIMAL UYANE - BOC - PIMPI CHAMARA says:

      Rajangane idan Gamapaha avith පොෂ් වෙච්ච ගං කෑලි tamai api.
      Api Miharak badapu SVU padde.

      Amma wikunala hari salli haba karana eka…. mara fun…. wahana katta gattahama….. marai ane

  2. Sun says:

    Still the idiot has to pay for the damage caused. Thank you for the people who came against this animal without brains.

  3. sunimal says:

    මේවට පිළිතුරු 2024 ලැබේවි.

Main News