බලවත් රටවල්වලට වඩා හොඳින් අපි කොරෝනා පාලනය කලා..- අගමැති

March 6, 2021 at 6:28 am | lanka C news
බලවත් රටවල්වලට වඩා හොඳින් අපි කොරෝනා පාලනය කලා..- අගමැති

මේ වසර අවසන්වන විට මෙරට විදුලිය ලබා දීමේ වැඩ පිළිවෙල සියයට සියයකින් අවසන් කිරීමට බලාපෙරොත්තු වෙනවා යැයි ගරු අග්‍රාමාත්‍ය මහින්ද රාජපක්ෂ මහතා 05 දින පැවසීය.

කෙරවළපිටියේ ඉඳිවන ලංකාවේ පළමු ස්වභාවික ද්‍රව වායු (LNG) විදුලි බලාගාරය සඳහා මුල්ගල තැබීමේ අවස්ථාවට එක්වෙමින් අග්‍රාමාත්‍යතුමා මේ බව අවධාරණය කළේය.

ජාතික විදුලිබල පද්ධතියට මෙගාවොට් 350ක් එක්වන මෙම විදුලි බලාගාරයේ පළමු අදියරේ කටයුතු මාස 21ක් තුළ නිමා කිරීමට නියමිතය. එම අදියරේ දී මෙගාවොට් 220ක් ද තවත් මාස 12ක් තුළ අවසන්වන මෙම ව්‍යාපෘතියේ දෙවැනි අදියරේ දී මෙගාවොට් 130ක් ද ජාතික විදුලිබල පද්ධතියට එක්වීමට නියමිතය.

පළමු ස්වභාවික ද්‍රව වායු (LNG) විදුලි බලාගාරය සඳහා මුල්ගල තැබීමෙන් අනතුරුව අග්‍රාමාත්‍යතුමා කළ සම්පූර්ණ කතාව මෙසේය.

අප රට භාරගෙන ටික දවසක් යන්න කළින් “කොරෝනා වසංගතයට” මූණ දෙන්න වුණා. බලවත් රටවල්වලට වඩා හොඳින් අපි එය කළමනාකරණය කළා. ඉන් නොනැවතී අප ඉදිරියේ පවතින සියලු අභියෝගවලටද වගකීමෙන් යුතුව මුහුණ දෙනවා.

පසුගිය යහපාලන ආණ්ඩුව සංවර්ධන කටයුතු කළේ නැහැ. අපි ආරම්භ කළ සංවර්ධන ව්‍යාපෘතීනුත් නතර කළා. වසර 5කට ආසන්න කාලයක් රට සංවර්ධනයෙන් ආපස්සට ගියා.

රටත් ජනතාවත් වෙනුවෙන් අප නැවතත් සංවර්ධනයේ යෝධ පිම්ම ආරම්භ කරල ඉවරයි.

ලෝකෙම අද තීන්දු ගන්නේ බලශක්තියට ප්‍රමුඛතාවය දීලා. ඒ තරමට අපේ ජීවිතවලට බලශක්තිය වැදගත්.

බලශක්ති ක්ෂේත්‍රයේ සිදු විය හැකි අර්බුද ගොඩක් කළින් දැක්ක නිසයි ජල විදුලිය ගැන පමණක් විශ්වාස නොතබා ගල්අඟුරු බලාගාරය නොරොච්චෝලේ අපි ඉදිකළේ. ඒකට විවිධ කතා කිව්වත්, කටකතා හැදුවත් පසුගිය කාලයේ ඇති වූ මහා නියඟයන් ජයගන්න ඒක මහා පිටු බලයක් වුණා.

අපි එතනින් නැවතුණේ නෑ. සුළං බලාගාර, තාප බලාගාර සහ පසුගියදා විවෘත කළ ඝණ අපද්‍රව්‍ය බලාගාරය වගේම  සූර්ය ශක්තිය මගින්ද දේශය බලගන්වන වැඩ පිළිවෙල දියත්කළා. ජනතාවට අඩු වියදමින් විදුලිය ලබා දීමටයි අපි මේ හැමදේම කරන්නේ. ‍

ලෝකයේ පවතින ඉහළම තාක්ෂණය යොදාගෙන අද සිට ඉදිවන්නේ මෙගාවොට් 350ක ස්වභාවික ද්‍රව වායු (LNG) විදුලි බලාගාරයයි. මේක මේ රටේ බලශක්ති නිෂ්පාදනයේ යෝධ පිම්මක්.

 

අපි හැමවිටම ලංකාවේ බලශක්ති නිපදවීම් සඳහා නව ක්‍රමවලට ගියා. ප්‍රථම ගල් අඟුරු බලාගාරය, ප්‍රථම තාප බලාගාරය, ප්‍රථම සුළං බලාගාරය, ඒ විතරක් නෙවෙයි පසුගියදා අපි විවෘත කළේ ප්‍රථම ඝණ අපද්‍රව්‍ය බලාගාරයයි.

මේ වන විට අපි අපේ විදුලිබල පද්ධතිය පෝෂණය කරමින් සිටිනවා. අද මේ බලාගාරය අරඹන්නෙත් ලංකාවේ ප්‍රථම ද්‍රව වායු (LNG) බලාගාරය ලෙසයි. අපි ප්‍රථමයා වුණේ වැඩවලින් මිස කථාවෙන් නොවෙයි.  අපේ රජයන් පුරුදු වෙලා ඉන්නේ වැඩ කරන්නයි. ජනතාව අපෙන් ඒක බලාපොරොත්තු වෙනවා. ඒකයි අපිට බලය දෙන්නේ.

මේ  බලාගාරය මාස 21ක් වැනි කාලයක් තුළ පළමු අදියර නිමා කරන බව විදුලිබල අමාත්‍යංශය මා සමග පැවසුවා. පළමු අදියරේදි මෙගා වොට් 220ක් එමගින් නිපදවීමට අපේක්ෂා කරනවා.

නිදහස් අධ්‍යාපනයෙන් පෝෂණය වූ අතිදක්ෂ දේශීය ඉංජිනේරුවන් ගැන විශ්වාසය තියල ඔවුන්ට සම්පූර්ණ වගකීම පැවරුවොත් එය ඉටු කරන්න පුළුවන්. දෙවන අදියර වසරකින් අවසන් කරනවා. දෙවන අදියර මගින් මෙගා වොට් 130ක් නිපදවීමට අපේක්ෂා කරනවා. ඉදිරි වසර 4 තුළ මෙරට බලශක්ති අවශ්‍යතාව සම්පූර්ණයෙන් සපයන්න අපි කටයුතු කරනවා.

අද කෙරවලපිටියේ ඉදිකිරීම් අරඹන පරිසර හිතකාමී ස්වභාවික ද්‍රව වායු (LNG)  විදුලි බලාගාරය මෙරට විදුලි ඉල්ලුමෙන් 13%ක් සම්පූර්ණ කරනවා. මේක තමයි රටක දියුණුව කියන්නේ. අපි සංවර්ධනයේදී ජාතික ප්‍රමුඛ අවශ්‍යතා හඳුනා ගත යුතුයි.

එහෙම නැතුව එක එක්කෙනාගේ පෞද්ගලික අවශ්‍යතා මත ජාතික වැඩ පිළිවලක් ගොඩනගන්න බෑ.

අපි රට බාරගෙන කෙටි කාලයකින් විදුලි බලාගාර 03ක් ජාතියට දායාද කරල ඉවරයි. වැඩ ආරම්භ කරල අතරමග නවතා දමපු, කිසිවක් දේශපාලන පටු පරමාර්ථයෙන් නවත්වන්නේ නෑ. ඒ සියල්ල ඊටත් වඩා හොඳින් කඩිනමින් අවසන් කිරීම අපේ දැක්ම වෙලා තියෙන්නේ.

විදුලිබිල අඩු කරමින් ජනතා සහනය ලබාදීමට මේ මගින් හැකි වෙනවා. වේගවත් සංවර්ධනයේ නියමුවා බලශක්තිය බව ලෝකය ඉදිරියේ අද ඔප්පු කරල හමාරයි. අඛණ්ඩ විදුලි සැපයුම රජයක වගකීමක් ලෙස මම දකිනවා.

ලං.වී.ම(ලංකා විදුලිබල මණ්ඩලය) ජනහදට ලංවීමට මෙවැනි ව්‍යාපෘති විශාල පිටිවහලක් වෙනවා. ඒකට අපි සූදානම්.

අපි මේ වන විට මේ රටේ 99.8%කට විදුලිය ලබා දිලා තියෙනවා. තව අපිට ඉතුරුවෙලා ඉන්නේ 84 000ක් පමණ පිරිසක්. අපි මේ වසර අවසන්වන විට මෙරට විදුලි ලබා දීමේ වැඩ පිළිවෙල 100% කින් අවසන් කිරීමට බලාපොරොත්තු වෙනවා.

පහුගිය කාළේ අපිට මතකයි මොනතරම් විදුලි කප්පාදු විම් සිදුවුණාද කියලා, ඔවුන්ට ඒ කිසිවක් ගැන හැඟීමක් තිබුණ කියල පෙනුනෙ නෑ. තාක්ෂණය මගින් විදුලිය සම්බන්ධ සියලු ගැටළු පාරිභෝගිකයාව දැනුවත් කිරීමට පහසුකම් සැලසීමත් අපි ආරම්භ කළේ අනාගතයේ වේගවත් සංවර්ධන සඳහා බලශක්තිය අත්‍යවශ්‍ය වෙන නිසයි.

මිනිසාගේ මූලික අවශ්‍යතා ලේඛනයේ මුල් අංක අතරට විදුලිබලය තීන්දුවෙලා තියන මොහොතක අපේ ඩලස් අලහප්පෙරුම ඇමතිතුමා විදුලි වේගෙන් වැඩකරන එක අපිට මහත් ශක්තියක්.

“මහින්ද චින්තන” ඉදිරි දැක්ම යථාර්ථයක් කරමින් “සෞභාග්‍යයේ දැක්ම” තුළින් වැඩකරන රටක් උරුමකර දීම අපගේ එකම අභිලාශයයි.

රොහාන් වැලිවිට,

අග්‍රාමාත්‍ය මාධ්‍ය ලේකම්

5,426 views

11 Comments to “බලවත් රටවල්වලට වඩා හොඳින් අපි කොරෝනා පාලනය කලා..- අගමැති”

  1. රාජන් says:

    ගරු අගමැතිතුමා, ඔබතුමාව tv එකේ දැක්කම දුක හිතෙනවා. සිරිමාවෝ බණ්ඩාරනායක මැතිනිය වගේ නොවී පිනක් දහමක් කරගෙන ගෙදර විවේකයෙන් හිටියොත් හොඳයි නේද ? ඔබතුමා කළ සේවය මිනිස්සු හැමදාම අගය කරයි !

    • Araliya says:

      100% agreed. Therum NOGANNA ekane thiyenne.

    • Kamal says:

      ඔව් එහෙම හිටියනම් මිනිස්සු දේවත්වයෙන් සලකයි. හැබැයි දැනට නම් ඒකට ප්‍රමාද වැඩියි වගේ නේද?

  2. Lakmal says:

    අම්මගේ රෙද්ද පාලනය කරා..රට කෑවා

  3. saman says:

    Muta Pissu, mulu ratema Corona

    • SL says:

      මෝඩකමට බෙහෙත් නෑ. කුහක පින්ගුත්තරයා

  4. Lapayage dhobi says:

    Corona Control index eke lankawa 10 thana innawa. Maha Loku jathyanthare 60-70 ganan wala. Kalakanni Jeppanta address nati wela pissu dodawanawa.

  5. kalana says:

    කළා බම්බුව, කරපු එක දෙයක් කියන්න බලන්න, මැදපෙරදිග ඉඳන් එන මිනිස්සුන්ගෙන් මංකොල්ල නම් කෑවා හොටෙල් වලට දක්වල. තවමත් අඩු Testing නොකරන නිසා.

    • SL says:

      එතකොට මෙච්චර කොරෝනා මරන අඩු උනේ උම්බේ කෙරුවාවෙන්ද. කුහකයා

  6. Sathya says:

    පිස්සු කකුල් දෙකේ ඉදලා, PCR අඩු කරලා පිස්සු කියවනවා. 🤣

  7. Ravana parapura says:

    මුලදී හෙළ ඔසු ලබා දුන්නානම් බටහිර වෙදකමත් අපිට පරදවන්න තිබුණා.

Main News