බස්නාහිර සිරවූ විශාල පිරිසක් වතුකරයට… සියළු දෙනා නිරෝධානයට..

May 10, 2020 at 8:02 am | lanka C news
බස්නාහිර සිරවූ විශාල පිරිසක් වතුකරයට… සියළු දෙනා නිරෝධානයට..

කොවිඩ් 19 වෛසරය පැතිර යාමේ අවධානම සමග පැනවු ඇදිරි නිතිය හමුවේ මාස දෙකකට ආසන්න කාලයක් බස්නාහිර පලාතේ රැදි සිටි වතුකරයේ විශාල පිරිසක් (09) දින හැටන් සහ නුවරඑලිය පොලිස් කොට්ඨාශ වෙත ලංගම බස් රථ මගින් ප්‍රවාහනය කරන ලදි.

බස්නාහිර පලාතේ  විවිධ රැකියා වල නිරතව සිටි වතුකරයේ මෙම පිරිස මාස දෙකකට ආසන්න කාලයක් ඔහුන් රැකියා වල නිරතව සිටි ස්ථානවලම රැදි සිට ඇති අතර එම පිරිස රත්මලාන දුම්රිය ක්‍රිඩාපිටියේ දි විෂබිජහරණයට ලක් කර (09) දින හැටන් සහ නුවරඑලිය පොලිස් කොට්ඨාශ වෙත ලංගම බස් රථවලින් ප්‍රවහනය කරනලදි.

හැටන් පොලිස් කොට්ඨාශයට මෙසේ පැමිණි වතුකරයේ පිරිස සම්බන්ධයෙන් සියළුම තොරතුරු හැටන් මුලස්ථාන පොලිසිය විසින් ලබාගත් අතර එම පිරිස ඔහුන් පදිංචි නිවාස වලම දින 14 ක් ස්වයං නිරෝධානයට යොමු කිරිමටද පියවර ගැණින.

හැටන් පොලිස් කොට්ඨාශයට අයත් හැටන්,නොර්වුඩ්, බගවන්තලාව , නල්ලතන්නිය , නෝටන්බ්‍රිජ් , මස්කෙලිය , ගිනිගත්හේන සහ වටවල යන පොලිස් ස්ථාන බල ප්‍රදේශවල මහජන සෞඛ්‍යය පරික්ෂකවරුන් විසින් එම පිරිස ස්වයං නිරෝධානයට යොමු කර අධික්ෂනය කිරිමට නියමිතය.

දින 14 ක් ස්වයං නිරෝධානයේ යෙදිමෙන් අනතුරුව මහජන සෞඛ්‍යය පරික්ෂකවරුන් විසින් ලබාදෙන නිරෝධානය අවසන් කල බවට වු වාර්තාව එම පිරිස විසින් හැටන් මුලස්ථාන පොලිසිය වෙත භාර දිය යුතුයි.

– හැටන් රංජිත් රාජපක්ෂ

9,521 Viewers
Main News